အိမ်ကွင်း

January 22, 2021

လီဗာပူးအသင်း ဘန်လေကို (၀-၁) ဂိုးဖြင့် ရှုံးပြီး  ၆၈ ပွဲ အိမ်ကွင်းရှုံးပွဲ မရှိ စံချိန်ကျိုး

လီဗာပူးအသင်းရဲ့ ၆၈ ပွဲ အိမ်ကွင်းရှုံးပွဲမရှိစံချိန်ဟာ  မနေ့ညက ပရီးမီးယားလိဂ်ပွဲစဉ်မှာတော့ ဘန်လေအသင်းကို ၁ ဂိုး ဂိုး မရှိနဲ့  အံ့သြသင့်ဖွယ်ရှုံးနိမ့်ကာ ပျက်စီးသွားခဲ့ပြီ ဖြစ်ပါတယ်။  ဒီပွဲမတိုင်ခင် အဓိကပြိုင်ဘက်တွေဖြစ်တဲ့ မန်ချက်စတာ ၂ သင်းက အသီးသီးအနိုင်ရရှိခဲ့တာ ကြောင့် လီဗာပူးအနေနဲ့ ပရီးမီးယားလိဂ်ချန်ပီယံဆုအတွက် တိုက်ပွဲမှာ ခြေတစ်လှမ်းစာ နောက်ကျသွားခဲ့ပြီလည်း ဖြစ်ပါတယ်။  ဒီပွဲမှာ ဘန်လေအသင်းအတွက် တစ်လုံးတည်းသော ဂိုးကို ပွဲချိန် ၈၃ မိနစ် မှာ တိုက်စစ်မှူး အက်ရှ်လေဘန်းစ်က သွင်းယူပေးခဲ့ပါတယ်။ အလီဆန်နဲ့ ထိခိုက်မိလို့ ရရှိခဲ့တဲ့ ပင်နယ်တီကို သူကိုယ်တိုင်ဂိုးအဖြစ်ပြောင်းလဲ ပေးခဲ့တာပဲ ဖြစ်ပါတယ်။ ဆာလာနဲ့ ဖေမီနိုကို အရန်ခုံမှာ ထားရှိခဲ့တဲ့ လစ်ဗာပူးအသင်းဟာ အိုရီဂီ၊ ရှာကွီရီနဲ့မာနေး တို့ရဲ့တိုက်စစ်နဲ့ ဘန်လေအသင်း ကိုရင်ဆိုင်ခဲ့တာပါ။ တိုက်စစ်မှူး အိုရီဂီရဲ့ ဂိုးသမား နဲ့တစ်ယောက်ချင်းအတွေ့မှာကန်သွင်းမှုက ဘားတန်းထိထွက်ခဲ့သလို ဒုတိယပိုင်းမှာ ဆာလာနဲ့ဖေမီနို တို့ကို လူစားလဲကစားစေခဲ့ပေမယ့် လိုအပ်တဲ့သွင်းဂိုးတွေမရခဲ့တာဖြစ်ပါတယ်။  ဒီပွဲဟာ ၂၀၁၇ ခုနှစ် ဧပြီ ၂၃ ရက်နောက်ပိုင်း လီဗာပူးအသင်းရဲ့ပထမဆုံးသော အိမ်ကွင်းရှုံးပွဲဖြစ် ပါတယ်။   ခရစ္စတယ်ပဲလေ့စ်အသင်းကို ၂ ဂိုး ၁ ဂိုး နဲ့ ရှုံးနိမ့်ခဲ့တာဖြစ်ပြီး ဒီရှုံးပွဲနဲ့ ဘန်လေအသင်းကို ရှုံးပွဲတို့ကြား ၁၃၆၉ ရက်ခြားခဲ့ပါတယ်။။  ၄ နှစ်ကြာ ၆၈ ပွဲကြာ ရှုံးပွဲမရှိ စံချိန်ကြောင့် လီဗာပူးအသင်းဟာ အင်္ဂလိပ်ပရီးမီးယားလိဂ်မှာ ဒုတိယ မြောက်အကြာဆုံး အိမ်ကွင်းရှုံးပွဲမရှိစံချိန်ကိုရရှိသွားခဲ့ပြီး ပထမနေရာမှာရပ်တည်နေတဲ့ ချဲလ်ဆီးရဲ့ ၈၆ ပွဲကြာစံချိန်ကို လိုက်မမှီနိုင်တော့ပါဘူး။ လီဗာပူးအသင်းဟာ ဇယားထိပ်ဆုံးမှာ ဦးဆောင်နေတဲ့ ယူနိုက်တက်အသင်းနဲ့ ၆ ပွဲကွာသွားခဲ့ပြီး ဒုတိယနေရာက မန်စီတီးအသင်းနဲ့ ၄ မှတ်ကွာခဲ့  ပြီဖြစ်ပါတယ်။ မန်စီတီးအသင်းဟာ တစ်ပွဲကစားရဖို့ကျန်ရှိနေဆဲပါ။ 
3 months Ago

July 11, 2020

နာပိုလီပွဲ အိမ်ကွင်း၌ ပြန်ကစားခြင်းသည် မျှတဟု ဘာစီလိုနာနည်းပြပြော

နာပိုလီအသင်းနဲ့ ချန်ပီယံလိဂ် ဒုတိယအကျော့ပွဲစဉ်က အိမ်ကွင်းမှာ လက်ခံကစားရမှာက မျှတတဲ့ ဆုံးဖြတ်ချက်ဖြစ်တယ်လို့ ဘာစီလိုနာနည်းပြ ဆက်တီယန်က ပြောပါတယ်။ ချန်ပီယံလိဂ်ပြိုင်ပွဲဟာ ကိုဗစ်-၁၉ ကပ်ရောဂါကြောင့် ကွာတားဖိုင်နယ်ကစပြီး ပေါ်တူဂီနိုင်ငံမှာ တကျော့တည်းစနစ်နဲ့ ကျင်းပသွားမှာပါ။  ၁၆ သင်းအဆင့် ဒုတိယအကျော့ပွဲစဉ် ၄ ပွဲကိုတော့ ပေါ်တူဂီမှာ မကျင်းပဘဲ မူလက စီစဉ်ထားသလို သက်ဆိုင်ရာကွင်းအသီးသီးမှာ ယှဉ်ပြိုင်ဖို့ ယူအီးအက်ဖ်အေက ဆုံးဖြတ်ခဲ့တာပါ။  ဘာစီလိုနာအသင်းက ပထမအကျော့ပွဲစဉ်မှာ နာပိုလီနဲ့ ၁ ဂိုးစီ သရေကျထားပြီး ဒုတိယ အကျော့ အိမ်ကွင်းပွဲစဉ်ကို  သြဂုတ် ၈ ရက်မှာ လက်ခံကစားရမှာပါ။ နာပိုလီနဲ့ မကစားရသေးတာကြောင့် ချန်ပီယံလိဂ် ကွာတားဖိုင်နယ် မဲခွဲပွဲအတွက် မျှော်လင့်ချက်မထားခဲ့ကြောင်းလည်း နည်းပြဆက်တီယန်က ပြောပါတယ်။ မဲခွဲပွဲရလဒ်အရ ဘာစီလိုနာက နာပိုလီကို ကျော်ဖြတ်နိုင်ခဲ့မယ်ဆိုရင် ပထမအကျော့မှာ ချဲလ်ဆီးကို ၃ ဂိုးပြတ် အနိုင်ရထားတဲ့ ဘိုင်ယန်မြူးနစ်နဲ့ ကွာတားဖိုင်နယ်မှာ ထိပ်တိုက် တွေ့ဆုံရမှာ ဖြစ်ပါတယ်။
10 months Ago
More News
Up