အိမ်

July 18, 2020

ဩစတြေးလျကမ်းရိုးတန်း၌ ရေတိုက်စား၍ အိမ်များ ပြိုကျဖွယ်ရှိ

သြစတြေးလျအရှေ့ဘက်ကမ်းရိုးတန်းမှာ အားပြင်းတဲ့ပင်လယ်လှိုင်းကြီးတွေ ရိုက်ခတ်ပြီး နောက် ဆိုးဆိုးရွားရွား ရေတိုက်စားလို့ ဇူလိုင် ၁၇ ရက်က ကမ်းခြေမျက်နှာမူထားတဲ့ အိမ် အများအပြား ပြိုကျမယ့်အခြေအနေ ရှိနေပါတယ်။   ကမ်းခြေမျက်နှာမူထားတဲ့ နေအိမ်တွေ ပင်လယ်ထဲ ကျနိုင်တယ်လို့ အရေးပေါ် ဝန်ထမ်းတွေ က သတိပေးပြီးနောက်  ဆစ်ဒနီမြို့မြောက်ဘက်မှာရှိတဲ့  ဝမ်ဘယ်ကမ်းရိုးတန်း မြို့လေးက ဒေသခံ တချို့ကို  ဘေးလွတ်ရာပြောင်းပေးခဲ့ပါတယ်။   ဒေသခံတွေဟာ သူတို့နေအိမ်တွေ ကျန်ခဲ့ပါ့မလားဆိုတာကိုတွေးရင်း စိတ်ပူကြောက်ရွံ့နေ တယ်လို့လည်း ဝမ်ဘယ်မြို့ခံတဦးက  ပြောပါတယ်။    ဒီသတင်းပတ်အစောပိုင်းက နယူးဆောက်ဝေးကမ်းရိုးတန်း တလျှောက်မှာ လေဖိအားနည်း ရပ်ဝန်းကြောင့်  မိုးကြီးခဲ့ပြီး ပင်လယ်လှိုင်းကြီးတွေဟာ ကမ်းရိုးတန်းကို ရိုက်ခတ်ကာ ရေတိုက်စား ခဲ့တယ်လို့ ရိုက်တေသတင်းမှာ ဖော်ပြပါတယ်။ 
10 months Ago

February 27, 2020

ကျူးကျော်နေထိုင်သူများနှင့် ချီလီရဲတပ်ဖွဲ့ ထိပ်တိုက်တွေ့

ချီလီနိုင်ငံတောင်ပိုင်း တေမူချိုမြို့မှာ လူနေစခန်းတခုအတွင်း အိမ်တွေကနေ နှင်ထုတ်ခံရတာကို ကာကွယ်ဖို့ မိသားစု ၅၀ လောက်ဟာ ရဲတွေနဲ့ ဖေဖော်ဝါရီ ၂၆ ရက်က ရင်ဆိုင်ခဲ့ပါတယ်။ ဒါကြောင့် ရဲတွေက အင်အားသုံးပြီး မိသားစုတွေကို နှင်ထုတ်ခဲ့တဲ့အပြင် အိမ်တွေကို ကုန်ကားတွေသုံးပြီး ဖြိုချခဲ့တာကြောင့် လတ်တလော အခြေအနေ တင်းမာနေတယ်လို့ သိရ ပါတယ်။ ဒီဒေသထဲမှာ အိမ်ဆောက်ဖို့ ခွင့်ပြုချက် မရှိဘူးလို့ တေမူချိုမြို့ ဒေသန္တရအာဏာပိုင်တွေက မိသားစုတွေကို ဖေဖော်ဝါရီ ၁၇ ရက်မှာ အကြောင်းကြားပြီးတဲ့နောက် ရုန်းရင်းဆန်ခတ် ဖြစ်ခဲ့တာပါ။ အရာရှိတွေရောက် လာချိန်မှာ မိသားစုတွေက အဲဒီနေရာမှာ နေထိုင်ဆဲ ဖြစ်ပါတယ်။ စုပေါင်းအိမ်ရာတွေ မရတဲ့နောက်ပိုင်းမှာ ဒီနေရာကို သူတို့ ကျူးကျော်ခဲ့တာလို့ စခန်းထဲက ဒေသခံတွေက မီဒီယာတွေကို ပြောပါတယ်။  နှင်ထုတ်နေချိန်မှာ လူအတော်များများ အဖမ်းခံရတယ်လို့ ဒေသခံမီဒီယာတွေက ဖော်ပြပါ တယ်။ 
1 year Ago
Up