အိမ်နီးချင်းနိုင်ငံများနှင့်

January 11, 2018

အိမ်နီးချင်းနိုင်ငံများမှ လျှပ်စစ်ဓာတ်အားဝယ်ယူသုံးစွဲရန်ဆွေးနွေးနေ

အိမ်နီးချင်းနိုင်ငံတွေကနေ လျှပ်စစ်ဓာတ်အားဝယ်ဖို့ ဆွေးနွေးနေတာတွေရှိတယ်လို့ လျှပ်စစ်နှင့် စွမ်းအင်ဝန်ကြီးဌာန လက်ထောက် အတွင်းဝန် ဦးမင်းမင်းဦးကပြောပါတယ်။ ဖေဖော်ဝါရီ ၁၁ ရက်က နေပြည်တော်ရှိ လျှပ်စစ်နှင့် စွမ်းအင်ဝန်ကြီးဌာနမှာ ပြုလုပ်တဲ့ သတင်းထုတ်ပြန်ပွဲအပြီးမှာ မီဒီယာတွေရဲ့ မေးမြန်းချက်တွေကို ပြန်လည်ဖြေဆိုတာပါ။ ၂၀၃၀ ပြည့်နှစ်မှာ မြန်မာတနိုင်ငံလုံး မီးလင်းဖို့အတွက် ဆောင်ရွက်နေပေမယ့် ရေအားနဲ့ ကျောက်မီးသွေးကနေ လျှပ်စစ်ဓာတ်အား ထုတ်ဖို့အတွက် ကိစ္စတွေမှာ ကန့်ကွက်တာတွေ ရှိနေတာကြောင့် ဒီလိုစိန်ခေါ်မှုတွေကို ဖြေရှင်းနိုင်ဖို့ ပြည်ပကနေ လျှပ်စစ်ဓာတ်အားဝယ်ဖို့ ဆွေးနွေးနေတာတွေ ရှိတယ်လို့ ဆိုပါတယ်။ ဦးမင်းမင်းဦးက “ဒီစိန်ခေါ်မှုတွေကို ကျော်လွှားနိုင်ဖို့ဆိုရင် အခု ဘာတွေလုပ်နေလည်းဆို ပြည်ပကနေ ဓာတ်အား ဝယ်ယူဖို့ ဥပမာ လာအိုတို့၊ တရုတ်တို့၊ အိန္ဒိယတို့ကနေပြီးတော့ ကျနော်တို့နိုင်ငံကို ဓာတ်အားဝယ်ယူဖို့ လာပြီး ကမ်းလှမ်းတာတွေ ရှိတယ်။ အဲဒါတွေအပေါ်မှာလည်း ကျနော်တို့က အတွေ့အကြုံ မရှိသေးတဲ့အတွက် ဆွေးနွေးနေတဲ့ အဆင့်ရှိတယ်” လို့ ပြောပါတယ်။ မကြာခင်မှာ လာအိုနဲ့ ဝယ်ယူဖို့အတွက် ဆွေးနွေးဖို့ MOU ထိုးသွားဖို့ ရှိတယ်လို့ ဆိုပါတယ်။ မြန်မာနိုင်ငံအနေနဲ့ ပြည်ပကနေ လျှပ်စစ်ဓာတ်အားဝယ်တဲ့ အလေ့အထ မရှိတဲ့အတွက် အခြေအနေအရပ်ရပ်ကို လေ့လာနေပြီး လက်ခံနိုင်တဲ့ နှုန်းထားတခု ဖြစ်ပါက ဝယ်ယူဖြန့်ဖြူးသွားမယ်လို့ သိရပါတယ်။ “အသေးစိတ်တွေက အများကြီး ရှိသေးတယ်။ ဟိုဘက်က ဓာတ်အားစနစ်နဲ့ ဒီဘက်က ဓာတ်အားစနစ်တူညီမှ ဓာတ်အား ရောင်းချလို့ရတယ်။ တူညီအောင် ဘယ်လိုလုပ်ရမလဲ၊ နည်းပညာအရ ရှိတယ်။ နောက်ပြီး ဘယ်လောက်ဝယ်ပြီး ဘယ်လောက် ဖြန့်မှာလဲ၊ သူတို့က ရောင်းတဲ့ ဓာတ်အားကို ဈေးနှုန်းက ဘယ်လို သတ်မှတ်မှာလဲ၊ ဒီအရောက်ကို ဘယ်လို သတ်မှတ်မှာလဲ အဲဒါမျိုးတွေ အများကြီးရှိသေးတယ်။ လာအိုကတော့ အဓိက သူတို့ဆီက ရေအားကနေ ထုတ်တဲ့ဟာကို ရောင်းချင်တာပေါ့ ” လို့ ဦးမင်းမင်းဦးကဆိုပါတယ်။ လက်ရှိမှာတော့ တချို့နယ်စပ်ဒေသတွေမှာတော့ အိမ်နီးချင်းနိုင်ငံတွေကနေ လျှပ်စစ်ဓာတ်အား ပြန်ဝယ်ပြီး အရင်ကတည်းကအသုံးပြုမှုတွေရှိနေပါတယ်။
3 years Ago

May 6, 2017

အိမ်နီးချင်းနိုင်ငံများနှင့်မျှဝေသုံးစွဲရန် ဆက်သွယ်ရေးဂြိုဟ်တု အိန္ဒိယလွှတ်တင် (ရုပ်သံ)

အိန္ဒိယအစိုးရဟာ သူ့အိမ်နီးချင်း နိုင်ငံလေးတွေနဲ့ မျှဝေသုံးဖို့ ဆက်သွယ်ရေး ဂြိုဟ်တု တလုံးကို မေ ၅ ရက်နေ့က လွှတ်တင်လိုက်ပါတယ်။ ဒေသတွင်း နာမည်ကောင်း တည်ဆောက်ဖို့နဲ့ တရုတ်သြဇာလွှမ်းမှု တန်ပြန်ဖို့ အားထုတ်မှု အစိတ်အပိုင်းလည်း ဖြစ်ပါတယ်။ ဒီဂြိုဟ်တုဟာ တောင်အာရှနိုင်ငံတွေအတွက် လက်ဆောင်လို့လည်း အိန္ဒိယဝန်ကြီးချုပ် နရင်ဒြာမိုဒီက ပြောပါတယ်။ သူဟာ အိမ်နီးချင်း ပါကစ္စတန်၊ နီပေါနဲ့ သီရိလင်္ကာ နိုင်ငံတွေနဲ့ ဆက်ဆံရေး အားဖြည့်ဖို့ ကတိနဲ့ ဝန်ကြီးချုပ် ဖြစ်လာတာပါ။ ဂြိုဟ်တု လွှတ်တင်ချိန်မှာ တောင်အာရှ နိုင်ငံခေါင်းဆောင်တွေလည်း ရုပ်သံညီလာခံကနေ တဆင့် အောင်မြင်မှုကို ကြည့်ခဲ့ကြပါတယ်။ လောလောဆယ်ထိ အာဖဂန်နစ္စတန်၊ ဘင်္ဂလားဒေ့ရှ်၊ ဘူတန်၊ နီပေါ၊ သီရိလင်္ကာနဲ့ မော်လ်ဒိုက် နိုင်ငံတွေက ဒီဂြိုဟ်တုကို သုံးဖို့ လက်မှတ်ထိုးထားပါပြီ။ ပါကစ္စတန်ကတော့ ဒီစီမံကိန်းမှာမပါဘဲ သူ့ကိုယ်ပိုင် ဂြိုဟ်တုအတွက် အလုပ်လုပ် နေတယ်လို့ ပြောပါတယ်။ ဒီဂြိုဟ်တုရဲ့ ဝန်ဆောင်မှုတွေထဲမှာ ရုပ်သံလိုင်းတွေ ဘဏ်တွေရဲ့ ငွေထုတ်စက်တွေနဲ့ e-governance စနစ်အတွက် ဆက်သွယ်ရေး နည်းပညာတွေ၊ ဆယ်လူလာ ကွန်ရက်တွေ အတွက် အရံဝန်ဆောင်မှုတွေ ပါတယ်လို့ အိန္ဒိယ နိုင်ငံခြားရေး ဝန်ကြီးဌာနက ပြောပါတယ်။
4 years Ago
Up