အိပ်မက်ရောင်းတဲ့ လှည်းကလေးတွေ ကျုံးဘေးမှာ ရှိတယ်

July 12, 2015

နန်းတော်ရှေ့က ၀က်ဆီဖတ် မုန့်ပျားသလက်

အသားညိုညို ပိန်ပိန်သွယ်သွယ်နဲ့ အမျိုးသားတဦး၊  လက်နှစ်ဖက်လုံးမှာ လက်သည်းနီတွေ ဆိုးထားတယ်။ မုန့်သားဖြူဖြူအိအိ ပြစ်ပြစ်အနှစ်တွေ ထည့်ထားတဲ့ ဒန်အိုးကြီးကို ပလတ်စတစ်ရိုးတပ် ဒန်ဇွန်းကြီးတချောင်းနဲ့ အဆင်မပြတ်မွှေနေတယ်။ သူ့ရဲ့အရှေ့မှာ မီးဖိုလေးခုလောက်ကို တပြိုင်နက်တည်း မွှေးထားတယ်။ မီးဖိုတွေပေါ်မှာမှ အဖုံးကလေးတွေ ဖုံးထားတဲ့ မုန့်ပျားသလက်လုပ်တဲ့ မြေအိုးကလေးတွေ။ လက်တဖက်က မုန့်နှစ်တွေကို မွှေလိုက်၊ မီးဖိုပေါ်ကအိုးခင်းတွေကို ပူပြီလား ဖွင့်ကြည့်လိုက်လုပ်နေတယ်။ ခနအကြာမှာတော့ သူမွှေနေတဲ့ မုန့်နှစ်အိုးကြီးထဲက မုန့်နှစ်ဖြူဖြူ ညက်ညက်ကလေးကို ဒန်ယောက်မတဇွန်းနဲ့ ဖတ်ကနဲနေအောင် မဆွဲယူလိုက်တယ်။ ပြီးတော့ မီးသွေးမီးဖိုပေါ်က ကျွတ်ကျွတ်ပူနေတဲ့ မြေအိုးလေးပေါ်မှာ လက်ဆလေးနဲ့ ခပ်ဝိုင်းဝိုင်းပုံစံလေးဖြစ်အောင် လုပ်လိုက်တယ်။ လုပ်ပြီးတာနဲ့ ချက်ချင်းပဲ ဒန်ဇွန်းကိုဒန်အိုးကြီးထဲ ဘုတ်ကနဲနေအောင် ပစ်ချလိုက်တယ်။ ပစ်ချပြီးပြီးချင်းမှာ တဆက်တည်းလိုလိုမှာပဲ ၀က်ဆီဖတ်အကြေတွေထည့်ထားတဲ့ နောက်ထပ်ဒန်အိုးကြီး တလုံးထဲကို လက်နှိုက်ယူလိုက်တယ်။ စောစောက မီးဖိုပေါ်ကမုန့်ဝိုင်းလေးမခြောက်ခင် မစိုတစိုလေးဖြစ်နေချိန်မှာပဲ မုန့်မျက်နှာပြင်ပေါ်ကို ၀က်ဆီဖတ်လေးတွေ မြန်မြန်သွက်သွက်ကလေး ကြဲလိုက်တယ်။ ပြီးတော့ ပဲပြုတ်၊ ပြီးတော့ ခရမ်းချဉ်သီး၊ ဆူးပုတ်၊ မဆလာနယ်ထားတဲ့ အဆာပလာလေးတွေကို အစဉ်လိုက်ထည့်လိုက်တယ်။ အားလုံးပြင်ဆင်ပြီးတဲ့အခါမှာတော့ စလောင်းဖုံးကို ပိတ်ပစ်လိုက်တယ်။ မန္တလေးမြို့ နန်းရှေ့ရပ်က မြန်မာပီဇာမုန့်လို့ တင်စားခေါ်ဝေါ်နိုင်လောက်တဲ့ ၀က်ဆီဖတ်မုန့်ပျားသလက် လုပ်ရောင်းနေတဲ့ အမျိုးသားတဦးရဲ့ ပုံရိပ်တွေပဲဖြစ်ပါတယ်။ သူရောင်းနေတဲ့ နေရာကတော့ မန္တလေး နန်းတွင်းအရှေ့ဘက်၊ ၁၉လမ်း၊ နန်းရှေ့ဈေးထောင့်မှာပဲ ဖြစ်ပါတယ်။ ရောင်းတဲ့အချိန်ကတော့ နေ့ခင်း ၂ နာရီလောက်ကနေ ညနေ ၆ နာရီအတွင်း၊ စုစုပေါင်း ၄ နာရီသာ ဖြစ်လို့ စားချင်သူတွေ အဲ့ဒီအချိန်တွင်းမှာသာ အပြေးအလွှား သွားဝယ်စားကြရတယ်။ နန်းရှေ့က ၀က်ဆီဖတ်မုန့်ပျားသလက်လို့ ဆိုလိုက်ရင် နန်းရှေ့အရပ်မှာ နေသူတွေတင် သိကြတာမဟုတ်ပဲ မန္တလေးမြို့ခံတချို့ကြားမှာပါ နာမည်ကျော်ကြားပါတယ်။ နန်းရှေ့က ၀က်ဆီဖတ်မုန့်ပျားသလက်ကို အထူးသဖြင့် ရှေ့မီနာက်မီ လူကြီးတွေကတော့ ပိုသိကြပါတယ်။ ဘာလို့လဲဆိုတော့ နန်းရှေ့ဝက်ဆီဖတ် မုန့်ပျားသလက်တချပ်ကို ငွေ ၃ မူးကစပြီး ဟိုးပဝေသဏီကတည်းက ရောင်းခဲ့လို့ပါပဲ။ အဲ့ဒီကနေ ဈေးတွေတဖြည်းဖြည်း မြင့်လာလိုက်တာ၊ အုပ်ချုပ်သူတွေအဆက်ဆက်လည်း ပြောင်းသွားလိုက်တာ ဒီနေ့အချိန်မှာတော့ မုန့်တချပ်ကို ၁၅၀ ကျပ်ဖြစ်သွားပါပြီ။ ၀က်ဆီဖတ်မုန့်ပျားသလက်ရဲ့ ရာဇ၀င်သမိုင်းကို ပြန်လှန်ရမယ်ဆိုရင်တော့ ဒေါ်ထူးဆိုတဲ့ အဘွားက စခဲ့တာပါ။ လက်ရှိမုန့်ပျားသလက်ကို ရောင်းနေသူ အဘွားရဲ့ အမေပါ။ အဲ့ဒီကနေမှတဆင့် နောက်ပိုင်း တဆက်စပ်တည်းရောင်းခဲ့တာ မျိုးဆက်သုံးဆက်တောင်ရှိခဲ့ပါပြီ။ လက်ရှိရောင်းနေတဲ့သူကတော့ မျိုးရိုးစဉ်ဆက်ရောင်းခဲ့တဲ့ မိသားစုဝင်အမျိုးသမီးတဦးရဲ့ ခင်ပွန်းပါ။ ဟိုးအရင် စတင်ရောင်းချကာစ အချိန်တွေမှာကတော့ မုန့်အဖြူပေါ်မှာ ၀က်ဆီဖတ်တမျိုးသာ ထည့်ပြီးရောင်းပါတယ်။ နောက်ပိုင်းမှာမှ လူတွေရဲ့ အကြိုက်တွေလိုက်ပြီး ခရမ်းချဉ်သီး၊ ငရုတ်သီးစိမ်းတွေပါတဲ့ ချဉ်ငန်စပ်မုန့်ပျားသလက်တွေ လုပ်လာရတာပါ။ တခြားမုန့်ပျားသလက်တွေမှာ မီးဖိုပေါ်က ချခါနီးအချိန်တွေမှာ ဆီပါးပါးလေးပုတ်ပေးပေမယ့် ဒီမုန့်ပျားသလက်ရဲ့ ထူးခြားချက်ကတော့ ဆီမပုတ်ပဲ ၀က်ဆီဖတ်ထဲကပါလာတဲ့ ၀က်ဆီလေးနဲ့သာ နှပ်ပြီး ကျက်သွားတဲ့ အရသာကို ယူထားတာပဲဖြစ်ပါတယ်။ မုန့်ပျားသလက်မုန့်သားထဲကို ၀က်ဆီဝထားတဲ့အရသာ မွှေးတေးတေးလေးပေါ့။ ၀က်သားမစားသူတွေအတွက်တော့ ၀က်ဆီဖတ်မထည့်ဘဲ လုပ်လို့ရပါသေးတယ်။ ဒါပေမယ့် သူ့ဆိုင်ကို လာဝယ်စားကြတဲ့သူ အများစုကတော့ ၀က်ဆီဖတ်နဲ့ မုန်ပျားသလက်အရသာကိုသာ တမ်းတမ်းစွဲဖြစ်ကြတယ်။ တချို့များဆို တခြားမုန့်ပျားသလက်ဆို မစားတတ်တော့ရတာနဲ့ ဘာနဲ့တောင် ဖြစ်ကြတဲ့အထိ စွဲလမ်းကြတာပေါ့။ စားလို့ကောင်းတာလည်း မပြောနဲ့ မုန့်ပျားသလက်မုန့်နှစ်ဖျော်တာကစပြီး မုန့်ထဲမှာထည့်တဲ့ အဆာပလာတွေကအစ အသေးစိတ်ကို စနစ်တကျပြင်ဆင်လေ့ရှိတယ်။ မုန့်နှစ်ကို ဖျော်တဲ့အခါမှာလည်း သူတို့အချိုးနဲ့ သူတို့ ရောစပ်ထားတဲ့ ဆန်ကြမ်းဆန်နု ရောကြိတ်ထားတဲ့ အမှုန့်တွေကို ရေကျက်နွေးနဲ့ စိတ်ရှည်လက်ရှည်ဖျော်တာပါပဲ။ မုန့်ထဲမှာထည့်တဲ့ အဆာပလာတွေကို ဆိုရင်လည်း သေချာစိစစ်လုပ်ဆောင်ပါတယ်။ ၀က်ဆီဖတ်ဆိုရင် ၀က်နံပြားသား အဆီဖတ်ကို သုံးပါတယ်။ ပဲဆိုရင်လည်း ကိုယ်တိုင်ပြဲနေအောင် ပြုတ်ပြီးထည့်တာပါ။ ချဉ်စပ်အဖတ်အတွက်ဆိုလည်း ခရမ်းချဉ်သီးကိုမှ ရာသီပေါ်ဆူးပုတ်၊ နံနံ တွေနဲ့ ပူစီနံ၊ ငရုတ်သီးစိမ်း၊ မဆလာ၊ ဆား၊ အချိုမှုန့်တွေ ရောသမ နယ်ထားပါတယ်။ ဒါ့ကြောင့် စားလိုက်လို့ လျှာပေါ်ရောက်သွားတဲ့အခါမှာလည်း ၀က်ဆီဖတ်ကြွပ်ကြွပ်အရသာနဲ့ ပဲပြုတ်စိမ့်စိမ့်အရသာ၊ ခရမ်းချဉ်သီးရဲ့ အအီပြေအရသာတွေ အားလုံးစုပေါင်းထားတဲ့ ပြီးပြည့်စုံတဲ့အရာကို ခံစားရတယ်။ တကယ်တော့ ၀က်ဆီဖတ်မုန့်ပျားသလက်ကို အလွယ်တကူ ၀ယ်စားရဖို့ဆိုတာ သိပ်မလွယ်ကူလှပါဘူး။ သူရောင်းတဲ့အချိန်ပိုင်းလေးအတွင်းမှာပဲ အပြေးအလွှား သွားဝယ်စားကြရတာပါ။ ကံများမကောင်းရင် ကိုယ့်ရှေ့က အချပ်နှစ်ဆယ် သုံးဆယ်အော်ဒါမှာထားသူတွေနဲ့ ကြုံရင် မတ်တပ်ရပ်ကာ အကြာကြီး စောင့်နေပေတော့ပဲ။ မီးဖိုလေးဖိုပြိုင်ပြီး မုန့်ချပ်တွေကိုလုပ်နေတာတောင် ရောင်းရဖို့ မုန့်အရေအတွက်ဟာ အလျင်မမီလှပါဘူး။ လက်မလည်ပါဘူး။ တနေ့ကို ဆန်မှုန့်ခြောက်ပြည်လောက် ပုံမှန်ကုန်ပါတယ်။ အချပ်ရေအားဖြင့် ခြောက်ရာနီးပါးလောက် ပုံမှန်ရောင်းကုန်ပါတယ်။ မုန့်ဟာ ရောင်းကောင်းလွန်းလှတာကြောင့် ၀ယ်သူတွေအပေါ်မှာ ခပ်တည်တည် ခပ်တန်းတန်းသာ ဆက်ဆံလေ့ရှိတာကလည်း အဲ့ဒီဆိုင်ရဲ့ အမှတ်သညာတခုလိုဖြစ်နေပါတယ်။ ဘယ်နှချပ်ယူယူ အမြဲပဲ ရုပ်တည်ကြီးတွေနဲ့ ဈေးဝယ်တွေကို ဆက်ဆံလေ့ရှိတယ်။ ဒါပေမယ့် အရမ်းရောင်းရတယ်။ အော်ဒါတွေအများကြီးလည်း လာယူကြတယ်။ မွေးနေ့တို့ အထိမ်းအမှတ်နေ့တွေတို့မှာ လှူဖို့ အချပ်ရေ ထောင်ချီကိုလာပြီး အော်ဒါမှာကြတယ်။ မီးဖိုပေါ်ကမုန့်က ကျက်နေပြီမို့ မုန့်လုပ်နေသူ အမျိုးသားက မုန့်ချပ်ကို သံယောက်မနဲ့ ထိုးယူလိုက်ပြီး သူ့ရဲ့အမျိုးသမီးဖြစ်သူရှေ့က မုန့်ထည့်တဲ့နေရာဆီကို ချပေးလိုက်တယ်။ ၀က်ဆီဖတ်နံ့ တသင်းသင်းဖြစ်နေတဲ့ မုန့်ကိုမှတခါ သူ့အမျိုးသမီးက နှမ်းနဲ့ဆားရောထားတဲ့အမှုန့်ကို မုန့်မျက်နှာပြင်ပေါ် ထပ်ဖြူးလိုက်ပြန်တယ်။ သတင်းစာစက္ကူ အပိုင်းအစလေးတရွက်ခံပြီး ကျွတ်ကျွတ်အိတ်ထဲစီထည့်လိုက်တယ်။ ပြီးတော့ ဈေးဝယ်စောင့်နေသူတွေထဲက တဦးကို အချပ်နှစ်ဆယ်ရပြီဆိုပြီး လှမ်းပေးလိုက်ပါတယ်။ မန္တလေးမြို့မှာ မုန့်ပျားသလက်ရောင်းတဲ့ ဆိုင်လေးတွေအများကြီး မှိုလိုပေါက်ရှိနေပေမယ့်လည်း တခြားဆိုင်တွေနဲ့မတူ ကွဲထွက်နေတဲ့ အရသာ၊ လုပ်ပုံလုပ်နည်းတွေနဲ့ အကြာကြီးစောင့်ရတယ် ဆိုတဲ့ ၀ိသေသလက္ခဏာတွေဟာ ဒီဆိုင်လေးရဲ့ စွဲဆောင်မှုတခုလိုကို ဆိုရမလိုပါပဲ….။ အေးမွန်ရာပြည့်  
6 years Ago

July 4, 2015

အိပ်မက်ရောင်းတဲ့ လှည်းကလေးတွေ ကျုံးဘေးမှာ ရှိတယ်

"စိန်လိုချင်ရင်…စိန်ဖြစ်ရမယ်……အိမ်လိုချင်ရင် အိမ်ဖြစ်ရမယ်….စိန်လိုချင်ရင် စိန်တွေ ဖြစ်ရမယ်ကွယ်….အိမ်လိုချင်ရင် အိမ်တွေ ဖြစ်ရမယ်ကွယ်….." ဆိုတဲ့ စိုးစန္ဒာထွန်းရဲ့သီချင်းသံက မန္တလေးကျုံးနံဘေးဝန်းကျင်မှာ ပျံ့လွင့်နေတယ်။ ၀ါဆို၊ ၀ါခေါင် ရေဖောင်ဖောင်ဆိုတဲ့အချိန်မို့ ကျုံးရေပြင်ကို ဖြတ်တိုက်လာတဲ့ တောင်လေကြမ်းကြမ်းက ကျုံးရေနံ့သင်းသင်းနဲ့ တေးသီချင်းသံကို ဆောင်ယူလာနေတယ်။ သီချင်းသံတွေ ပျံ့လွင့်လာတဲ့ နေရာကတော့ ကျုံးနံဘေးက အစိုးရ အောင်ဘာလေထီလက်မှတ် ရောင်းတဲ့ ထီသည်လှည်းလေးတွေပဲ ဖြစ်ပါတယ်။ လကုန်ချိန်တွေတိုင်း ကျုံးရဲ့ အနောက်ဘက်နဲ့ တောင်ဘက် ကျုံးဘေးလမ်းတလျှောက်မှာ ထီလှည်းတန်းကြီးကို တမျှော်တခေါ်ကြီး မြင်တွေ့ရတာဟာလည်း မန္တလေးမြို့ရဲ့ ချစ်စဖွယ် ရှုမြင်ကွင်းတခုလည်း ဖြစ်တယ်။ ထီလှည်းတွေ အားလုံးနီးပါးကို အစိမ်းရောင်မီးကြိုးလေးတွေနဲ့ အလှဆင်ထားတယ်။ မီးလုံးလေးတွေ ကျွိတတုတ် မှတ်တုတ်။ တချို့လှည်းတွေမှာ ဗုဒ္ဓရုပ်ပွားတော်ပုံ ပိုစတာကြီးတွေ ကပ်ထားတယ်။ အောင်သပြေပန်းကို ပန်းအိုးထိုးထားတယ်။ လှည်းပေါ်မှာ အသံကျယ်ကျယ် ထုတ်လွှတ်ပေးနိုင်တဲ့ ဆောင်းဘောက် ၂ လုံး၊ ဘက်ထရီအိုးတွေ တင်ထားတယ်။ တချို့လှည်းလေးတွေမှာတော့ ကြည့်မှန် အ၀ိုင်းသေးသေးလေးတွေ လှည်းမှာ ချိတ်ထားတယ်။ မှန်ကြည့်ဖို့လား၊ ဈေးဝယ်ခေါ်တဲ့သဘောလား၊ ဖုန်းရွှေလား ဘာလားတော့ မပြောတတ်။ ထီလှည်းအများစုကတော့ မိုးယံ ရွှေလမင်းနဲ့ မြတ်ဆုကုဋေ၊ ရွှေမြန်မာ အစရှိတဲ့ ထီဆိုင်ကြီးတွေက ထီလက်မှတ်တွေကိုသာ ရောင်းချကြပေမယ့် ထီလှည်းနာမည်တွေကိုတော့ ရွှေမန်းသား၊ ထာဝရလှ စေချင်သူ၊ ငွေရတနာဥယျာဉ်၊ ကြံတိုင်းအောင် သန်းဆုယာဉ်ဆိုပြီး ကံကောင်းစေတဲ့ နိမိတ်ဆောင်တဲ့ နာမည်အသီးသီးကို ရေးထိုးထားတယ်။ လကုန်ရက်တွေတိုင်း အဲ့ဒီလိုအပြင်အဆင်နဲ့ ထီိသည်လှည်းလေးတွေဟာ ကျုံးနံဘေးမှာ ညလုံးပေါက် ထီရောင်းချလေ့ရှိတယ်။ ညနေ မှောင်စပျိုးချိန်ကနေ နောက်တနေ့ မနက် ၈ နာရီလောက်အထိ ညလုံးပေါက်ရောင်းကြတာပါ။ လစဉ် ၂၈ ရက်နေ့လောက်ကစပြီး ညစဉ်ညတိုင်း ရောင်းလေ့ရှိကြပြီး နောက်လရဲ့ လဆန်း ၁ ရက်နေ့ မနက်ပိုင်း ထီဖွင့်ချိန်လောက်အထိ ရောင်းချကြတယ်။ လကုန်နေ့ ညအချိန်ကတော့ အရောင်းရဆုံး အချိန်တွေပေါ့။ ရုံးက လခထုတ်ပြီး ရတဲ့ငွေလေးထဲက ဖဲ့ပြီး ဘ၀ပြောင်းနိုးနိုး မျှော်လင့်ချက် ရွှေအိပ်မက်တွေနဲ့ ထီထိုးသူတွေဟာ လကုန်ရက် ညနေခင်းမှာ အများဆုံးပေါ့။ နောက်နေ့ဆို ထီဖွင့်ပြီ။ ထီဆုကြီးပေါက်လို့ကတော့ ဘ၀ပြောင်းပြီပေါ့။ လူ တသန်းမှ တယောက်လောက်သာ ဆုကြီးပေါက်နိုင်ခွင့်ရှိတာ ဖြစ်ပေမယ့် ထီထိုးပြီးရင် စိတ်ကူးယဉ်ရတာ အရသာပါပဲ။ လူတိုင်းဟာ ထီပေါက်တာ၊ မပေါက်တာ အပထား စိတ်ကူးလေးတော့ ကြာကြာယဉ်ရလေ တန်လေပေါ့။ ဒါပေမယ့် မတတ်နိုင်သူတွေက လကုန်မှ ထီထိုးပြီး တညသာ စိတ်ကူးယဉ်ခွင့်ရကြတယ်။ လကုန်တဲ့နေ့ရက်ပိုင်းလေးမှာ ရောင်းရတဲ့ ထီလက်မှတ်အစောင်ရေဟာ နည်းနည်းနောနောတော့ မဟုတ်ပါဘူး။ ထီလှည်းတလှည်းကို ပျှမ်းမျှ ထီလက်မှတ်စောင်ရေ ၄၀၀ ကနေ ၅၀၀ လောက်အထိ ရောင်းရတယ်။ ဒါကြောင့် ထီသည်လှည်းအများစုဟာ လကုန်ရက်တွေတိုင်း ကျုံးနံဘေးမှာ ထီရောင်းချဖို့အရေး တက်ကြွကြတယ်။ ထီသည်အများစုဟာ လစဉ် ၂၈ ရက်ကနေ လကုန်ရက် ၃၀-၃၁ ရက်နေ့အထိ ကျုံးနံဘေးမှာ အဓိက နေရာယူပြီး ရောင်းတယ်။ ကျန်တဲ့ရက်တွေမှာတော့ ရပ်ကွက်တွေထဲမှာ လှည့်ရောင်းကြတယ်။ အဲ့ဒီလို ရောင်းရင်း လကုန်ရက် ကျုံးဘေးမှာ အင်တိုင်အားတိုက် ရောင်းချနိုင်ဖို့ အားမွေးကြပါတယ်။ ကျုံးဘေးမှာ ညလုံးပေါက် ထီရောင်းရမယ့်ရက်တွေ ရောက်ပြီဆိုရင်တော့ ရာသီဥတု ဘယ်လောက်ဆိုးဆိုး ပေတေပြီး တညလုံး ထိုင်စောင့်ရောင်းရတော့တာပါပဲ။ အဲဒီလို မရောင်းလို့လည်း မဖြစ်ဘူးလေ။ ပိုတဲ့ထီလက်မှတ်တွေကို ဆိုင်တွေ ပြန်သွင်းလို့မှ မရဘဲ။ ယူကတည်းက အပြတ်ယူခဲ့ရတာ။  ကုန်အောင် ရောင်းကြရတော့တာပေါ့။ ရောင်းတဲ့အခါမှာ ထီတစောင်ကို ကျပ် ၂၉၀ နဲ့ တဆင့်ယူပြီး ကျပ် ၃၅၀ နဲ့ ပြန်ရောင်းတယ်လို့ ကျုံးဘေးက ထီသည်အများစုက ဆိုကြတယ်။ ဒါကြောင့် ထီတစောင်တိုင်း တစောင်တိုင်းကို ၆၀ ကျပ်မြတ်တယ်။ ကျုံးဘေးမှာ လကုန်ရက်တိုင်း ရောင်းရတဲ့ ထီစောင်ရေဟာ ၄၀၀ ကနေ ၅၀၀ ကြားရှိလို့ ၃၊ ၄ ရက်အတွင်း ငွေကျပ် ၃ သောင်းကျော်လောက် အမြတ်ရကြတယ်။ တချို့က လဆန်း ၁ ရက် ထီဖွင့်ခါနီးကျမှ ထီကို အသည်းအသန်ထိုးတတ်တဲ့ အလေ့အထရှိသလို တချို့ကတော့လည်း လကုန်ရက်မှ လစာထုတ်ပြီး ထီထိုးလေ့ ရှိကြတာကြောင့် လကုန်ရက်တွေမှာ ကျုံးနံဘေး ညလုံးပေါက် ထီရောင်းတဲ့ အလေ့အထဟာ မန္တလေးမှာ တနေ့တခြား ခေတ်စားလာတာ ဖြစ်ပါတယ်။ ကျုံးလေးဘက်လေးတန်ရှိတာကိုမှ အနောက်ဘက်ကျုံးနဲ့ တောင်ဘက်ကျုံးထောင့်တွေမှာ ထီလှည်းတွေဟာ နေရာယူ စခန်းချလေ့ရှိတယ်။ လူအသွားအလာလည်း များတဲ့လမ်းဖြစ်လို့ လမ်းကြုံရင်းဖြစ်ဖြစ် အလွယ်တကူ ထီထိုးနိုင်ဖို့အတွက် ကျုံးဘေးဟာ အကွက်အကွင်းကောင်းတခု ဖြစ်နေပါတယ်။ ဟုတ်လည်း ဟုတ်ပါပေတယ်။ ရွှေမန်းသူ ရွှေမန်းသားတွေရဲ့ စိတ်ထဲမှာ လကုန်ရက်ရောက်ရင် အလွယ်တကူ ထီထိုးဖို့ ကျုံးဘေးက ထီသည်အတန်းလိုက်ကြီးကိုပဲ မျက်စိထဲ ပြေးမြင်တတ်ကြတာကိုး။ မန္တလေးကျုံးနံဘေးမှာ ထီသည်လှည်းတွေ စတင်ရောင်းချခဲ့ကြတဲ့ သမိုင်းကြောင်းကို သေချာပြန်လှန် ပြောပြရမယ်ဆိုရင် လွန်ခဲ့တဲ့ ၅ နှစ်၊ ၂၀၁၀ ပြည့်နှစ် ၀န်းကျင်လောက်ကတည်းက စခဲ့တာလို့ ပြောရပါမယ်တဲ့။ amyp1အဲဒီစရောင်းတဲ့ အချိန်တုန်းကတော့ ထီလှည်း စုစုပေါင်းမှ ၂၀ ကျော်သာ ရှိခဲ့ပြီး ဒီနေ့အချိန်မှာတော့ လကုန်ရက်တွေတိုင်း ထီလှည်းလေးတွေ  ၅၀ ရှိနေပြီဖြစ်တယ်။ အခု လကုန်ရက် ရောက်ြပန်ပါပြီ။ ဒီလိုအချိန်တွေမှာဆိုရင် မန္တလေးမြို့ရဲ့အထင်ကရ ကျုံးကြီးရဲ့ တောင်ဘက်နဲ့ အနောက်ဘက်နေရာတွေမှာ ထီသည်လှည်းတွေ ပြည့်နေကြပါပြီ။ မှိတ်ချည် လင်းချည် မီးလုံးအလှတွေ ထွန်းလို့… စိန်လိုချင်ရင်စိန်ဖြစ်ရမယ်… အိမ်လိုချင်ရင်အိမ်ဖြစ်ရမယ်... ဆိုတဲ့ ရာစုနှစ်ဝက်လောက် ကြာပြီဖြစ်ပေမယ့် မရိုးနိုင်တဲ့ သူဌေးဝါဒသီချင်းလို တေးသီချင်းတွေကို အကျယ်ကြီးဖွင့်လို့ ထီထိုးမယ့်သူတွေကို ဆွဲဆောင်နေတယ်။ ရွှေရောင်အိပ်မက်တွေနဲ့ လူတွေဟာ ကိုယ်စားရမယ့် ဆန်ဖိုးဆီဖိုးလေးတွေထဲက ခြစ်ခြုတ်ဖဲ့ထုတ်ပြီး အစိုးရ အောင်ဘာလေထီကို သဲကြီးမဲကြီး လာထိုး ကြပေဦးတော့မယ်။ အေးမွန်ရာပြည့်
6 years Ago
Up