အိန္ဒိယနိုင်ငံ

August 7, 2020

အိန္ဒိယပြန် ကိုဗစ်-၁၉ လူနာသစ် ၂ ဦးထပ်တွေ့  

အိန္ဒိယနိုင်ငံက ပြန်လာတဲ့ အမျိုးသား ၂ ဦးမှာ ကိုဗစ်-၁၉ ရောဂါ စစ်ဆေးတွေ့ရှိရပြီး မြန်မာနိုင်ငံတန်း အတည်ပြုလူနာပေါင်း ၃၅၉ ဦးအထိရှိသွားပြီလို့ ကျန်းမာရေးနဲ့ အားကစားဝန်ကြီးဌာနရဲ့ ဒီမနက် ထုတ်ပြန်ချက်အရ သိရပါတယ်။  အဆိုပါလူနာသစ်တွေကတော့ စစ်ကိုင်းတိုင်း ကလေးမြို့က အသက် ၂၈ နှစ်အရွယ် အမျိုးသားတစ်ဦးနဲ့  ချင်းပြည်နယ် တီးတိန်မြို့နယ်က အသက် ၂၄ နှစ်အရွယ် အမျိုးသားတစ်ဦးတို့ ဖြစ်ကြပြီး တွန်းဇံမြို့နယ်မှာ  အသွားအလာစောင့်ကြပ်ခံထားရသူတွေ ဖြစ်ပါတယ်။ ဩဂုတ် ၅ ရက်နေ့ကလည်း  ချင်းပြည်နယ် တီးတိန်မြို့နယ်နေ အသက် ၁၉ နှစ်အရွယ် အမျိုးသားတစ်ဦးမှာ ကိုဗစ်-၁၉ ရောဂါတွေ့ရှိခဲ့ပါတယ်။  မနေ့ညက အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) (NHL) မှ (ဒုတိယအသုတ်အဖြစ်) စစ်ဆေးပြီးစီးခဲ့တဲ့ ဓာတ်ခွဲနမူနာ ၄၄၀ ခုမှာ လူနာသစ် နှစ်ဦး တွေ့ရှိရတာဖြစ်ပါတယ်။ မြန်မာနိုင်ငံတဝန်းမှာ ဩဂုတ် ၇ ရက် မနက် ၈ နာရီအထိ  ကိုဗစ်-၁၉ ရောဂါ ဓာတ်ခွဲအတည်ပြုလူနာ ပေါင်း ၃၅၉  ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ စုစုပေါင်း ၃၀၈ ဦးနဲ့ ဒီအထဲက  ၂၉၀ ဦးကို ဆေးရုံမှ ဆင်းခွင့်ပြုခဲ့ပြီးဖြစ်ပါတယ်။
8 months Ago

June 2, 2020

အိန္ဒိယနိုင်ငံတွင် ဝတ်ပြုနေရာအချို့ ပြန်လည်ဖွင့်လှစ် 

အိန္ဒိယရဲ့ ကိုရိုနာဗိုင်းရပ်စ် ကူးစက်သူ အရေအတွက်ဟာ ဇွန် ၁ ရက်မှာ ၁၉၀,၀၀၀ ကျော်အထိ မြင့်တက်လာပြီး ပြင်သစ်ကို ကျော်တက်ကာ ကမ္ဘာမှာ သတ္တမမြောက် ကူးစက်သူ အများဆုံးနိုင်ငံ ဖြစ်လာပါတယ်။  အနောက်ဘန်ဂေါပြည်နယ်က ဝတ်ပြုရာနေရာတွေကို ဇွန် ၁ ရက်မှာ ပြန်ဖွင့်ခဲ့ပြီး တကြိမ်မှာ လူ ၁၀ ယောက်နှုန်း ကန့်သတ်ထားပါတယ်။ ဝန်ကြီးချုပ် မိုဒီရဲ့ လော့ဒေါင်းအစီအမံဟာ ရောဂါပျံ့နှံ့တာကို မတားဆီးနိုင်သလို သန်းနဲ့ချီတဲ့ အခြေခံလူတန်းစားတွေရဲ့အလုပ်အကိုင်တွေ ထိခိုက်ခဲ့ရတဲ့အပေါ်မှာ ဝေဖန်မှုတွေ ကြီးထွားနေတာပါ။ အန္တရာယ်ရှိဇုန်တွေမှာ ကိုရိုနာဗိုင်းရပ်စ် လော့ဒေါင်းအစီအမံကို ဇွန် ၃၀ ရက်အထိ သက်တမ်းတိုးထားပေမယ့် တခြားနေရာတွေမှာတော့ စားသောက်ဆိုင်၊ ဈေးဝယ်စင်တာနဲ့ ဘာသာရေး အဆောက်အအုံတွေကို  ဇွန် ၈  ရက်နေ့ကစပြီး ပြန်ဖွင့်ခွင့်ပြုသွားမှာပါ။ နိုင်ငံတကာလေကြောင်းခရီးစဉ်နဲ့ မြို့ပတ်ရထား ပို့ဆောင်ရေး ကန့်သတ်ချက်တွေကို မရုပ်သိမ်းပေမယ့် ပြည်နယ်တွင်း ခရီးသွားလာတာကို ခွင့်ပြုထားပါတယ်။ ကျောင်းတွေ၊ ကောလိပ်တွေ ပြန်ဖွင့်မယ့် ဆုံးဖြတ်ချက်ကို ပြည်နယ်တွေအနေနဲ့  ဇူလိုင်လမှာ ဆုံးဖြတ်သွားဖို့ ဖက်ဒရယ်အစိုးရက မျှော်လင့်ထားပါတယ်။
10 months Ago
More News
Up