အိန္ဒိယတောင်ပိုင်

A d v e r t i s e m e n t With Us

October 15, 2020

အိန္ဒိယတောင်ပိုင်းတွင် ရေကြီးမှုကြောင့် ၁၂ ဦးထက်မနည်းသေဆုံး

အိုင်တီကုမ္ပဏီတွေနဲ့ တက်သစ်စလုပ်ငန်းတွေ အခြေစိုက်တဲ့ အိန္ဒိယတောင်ပိုင်း ဟိုက်ဒရာဘတ်မြို့မှာ မိုးသည်းထန်စွာရွာသွန်းပြီး ရေကြီးတာကြောင့် လူ ၁၂ ယောက်ထက်မနည်း သေဆုံးခဲ့တယ်လို့ အစိုးရအရာရှိတွေက အောက်တိုဘာ ၁၄ ရက်မှာ ပြောပါတယ်။  တောင်ပိုင်း တယ်လန်ဂန်နာပြည်နယ်ရဲ့ မြို့တော် ဟိုက်ဒရာဘတ်မှာ အုတ်တံတိုင်းပြိုကျလို့ လူ ၉ ယောက်  သေဆုံးပြီး ကျန် ၃ ယောက်ကတော့ သီးခြားဖြစ်စဉ်တွေမှာ သေဆုံးတယ်လို့ အရာရှိတွေက ဆိုပါတယ်။  ဒါ့အပြင် အနီးဝန်းကျင်  အန်ဒရာပရာဒေ့ရှ်ပြည်နယ်မှာလည်း  မိုးကြီးနေပါတယ်။ ပြီးခဲ့တဲ့ ၂၄ နာရီအတွင်း ဟိုက်ဒရာဘတ်ရဲ့ နေရာအတော်များများမှာ မိုးရေချိန်  ၁၀ လက်မကျော် ရွာခဲ့တယ်လို့  အစိုးရအရာရှိက ပြောပါတယ်။  အဓိက လမ်းမကြီးတွေမှာ ရေလွှမ်းနေပြီး ယာဉ်အသွားအလာတွေ အတော်ကသောင်းကနင်း ဖြစ်နေပါတယ်။ ဟိုက်ဒရာဘတ် အာဏာပိုင်တွေက အောက်တိုဘာ ၁၄ ရက်နဲ့ ၁၅ ရက်ကို အလုပ်ပိတ်ရက်အဖြစ် ကြေညာခဲ့သလို မြို့သူမြို့သားတွေကို အိမ်ပြင်မထွက်ဖို့ ညွှန်ကြားခဲ့ပါတယ်။ 
5 months Ago

August 9, 2020

အိန္ဒိယတွင် မိုးကြီးမြေပြိုမှုကြောင့် ၁၈ ဦးသေဆုံး၊ ပျောက်ဆုံး ၄၈ ဦးကို ရှာဖွေနေ

အိန္ဒိယတောင်ပိုင်း ကယ်ရာလာပြည်နယ်မှာ မိုးကြီးမြေပြိုတာကြောင့်  သေဆုံးသူ အရေအတွက်ဟာ သြဂုတ် ၈ ရက်က ၁၈ ယောက်အထိ မြင့်တက်လာပြီး ကယ်ဆယ်ရေးသမားတွေဟာ ပျောက်ဆုံးနေသူ ၄၈ ယောက်ကို ဆက်ရှာဖွေနေပါတယ်။   ပျောက်ဆုံးသူတွေဟာ မြေကြီးနဲ့ အပျက်အစီးတွေအောက်မှာ ပိတ်မိနေတယ်လို့ ယုံကြည်ရပါတယ်။  အီဒွတ်ကီခရိုင်မှာ မနက်အစောပိုင်း အလုပ်သမားတွေ အိပ်ပျော်နေချိန်မှာ မြေပြိုမှု ဖြစ်ခဲ့တာပါ။  သြဂုတ် ၆ ရက်က အီဒွတ်ကီခရိုင်မှာ မိုးရေချိန်  ၈ လက်မနီးပါး ရွာခဲ့တယ်လို့ နိုင်ငံပိုင် မိုးလေဝသဌာနက စုစည်းတင်ပြခဲ့ပါတယ်။   ၂၀၁၈ ခုနှစ်တုန်းကလည်း ကယ်ရာလာပြည်နယ်မှာ  ရာစုနှစ်တစ်ခုအတွင်း အဆိုးရွားဆုံး ရေကြီးခဲ့ပြီး လူရာချီ သေဆုံးခဲ့ပါတယ်။ သေဆုံးခဲ့သူ အများစုဟာ အီဒွတ်ကီခရိုင်က ဖြစ်တယ်လို့ ရိုက်တာသတင်းမှာ ဖော်ပြထားပါတယ်။
7 months Ago
Up