အိတ်ဖွင့်တင်ဒါ

August 2, 2017

အိတ်ဖွင့်တင်ဒါစနစ်ဖြင့်ရောင်းမည့် ကျောက်စိမ်းတွဲများအား ကြည့်ရှုခွင့်ပြု

၅၄ ကြိမ်မြောက် မြန်မာ့ကျောက်မျက်ရတနာပြပွဲမှာ အိတ်ဖွင့်တင်ဒါစနစ်နဲ့ ရောင်းချမယ့် ကျောက်မျက်အတွဲတွေနဲ့ ကျောက်စိမ်းအတွဲတွေကို ကုန်သည်တွေကို ကြည့်ရှုစစ်ဆေးခွင့်ပြုခဲ့ပါတယ်။ ပြပွဲကို နေပြည်တော်၊ မဏိရတနာ ကျောက်စိမ်းခန်းမမှာ  သြဂုတ် ၂ ရက်နေ့က ကျင်းပပြုလုပ်တာ ဖြစ်ပါတယ်။ ကျောက်မျက်အတွဲတွေ ကြည့်ရှုစစ်ဆေးခွင့်ကို သြဂုတ် ၄ ရက်နေ့အထိ ခွင့်ပြုထားပြီး ကျောက်စိမ်းအတွဲတွေ ကြည့်ရှုစစ်ဆေးခွင့်ကိုတော့ သြဂုတ် ၅ ရက်နေ့အထိ ခွင့်ပြုသွားမှာပါ။ ကျောက်မျက်အတွဲတွေကို သြဂုတ် ၅ ရက်နေ့မှာတော့ အခြေခံဈေး ယူရို ၅၀၀ နဲ့ အထက် သတ်မှတ်တဲ့ ကျောက်မျက်အတွဲတွေ အိတ်ဖွင့်တင်ဒါစနစ်နဲ့ ရောင်းချသွားမှာပါ။ ကျောက်စိမ်းအတွဲတွေနဲ့ အချောထည်ကျောက်စိမ်းအတွဲတွေကိုတော့ သြဂုတ် ၆ ရက်က သြဂုတ် ၁၁ ရက်အထိ အိတ်ဖွင့်တင်ဒါစနစ်နဲ့ ရောင်းချသွားမှာဖြစ်ပါတယ်။ ကျင်းပပြုလုပ်ခဲ့တဲ့ ကျောက်မျက်ရတနာပြပွဲတွေမှာ ဈေးပြိုင်စနစ်၊ တင်ဒါစနစ်တွေနဲ့ ရောင်းချခဲ့ပြီး ယခု ၅၄ ကြိမ်မြောက်မှာတော့ ကျောက်မျက်ကျောက်စိမ်းအတွဲတွေကို တင်ဒါစနစ်နဲ့ပဲ ရောင်းချတာပါ။ ဒီ ပြပွဲမှာ ကျောက်စိမ်း အတွဲပေါင်း ၆၅၆၁ တွဲနဲ့ ကျောက်မျက် အတွဲ ၃၂၆ တွဲကို တင်ပြရောင်းချသွားမှာ ဖြစ်ပါတယ်။
4 years Ago
Up