အာဟာရချို့တဲ့မှု

September 1, 2016

နာဂဒေသတွင် ကူးစက်ရောဂါနှင့် အာဟာရချို့တဲ့မှုကြောင့် ကလေးငယ် ၉၀ သေဆုံး

နာဂကိုယ်ပိုင်အုပ်ချုပ်ခွင့်ရဒေသမှာ ကူးစက်ရောဂါနဲ့ အဟာရချို့တဲ့မှုတွေကြောင့် ဇွန်လ ကစပြီး ၁ နှစ်မှ ၁၂ နှစ်ကြား ကလေးငယ် အယောက် ၉၀ သေဆုံးခဲ့ပါတယ်။ လဟယ်မြို့နယ်အတွင်းက ကျေးရွာ ၃ ရွာမှာ စုစုပေါင်း ၂၈ ဦးသေဆုံးခဲ့ပြီး ထန်ခေါ်လားမားကျေးရွာမှာတော့ ၂၅ ဦးသေဆုံးခဲ့ပါတယ်။ နန်းယွန်းမြို့နယ် ဒုံဟီးမြို့အတွင်းက ကျေးရွာတွေမှာတော့ ၂၆ ဦးသေဆုံးခဲ့ပြီး ကဲဆန်ဆာလင် ကျေးရွာနဲ့ ကဲဆန်ကားလန်ကျေးရွာ တွေကတော့ ၁၁ ဦးစီ သေဆုံးခဲ့ပါတယ်။ ရောဂါဖြစ်စဉ်အတည်ပြုနိုင်ဖို့အတွက် လူနာ ၅ ဦးရဲ့ သွေးနမူနာယူပြီး ရန်​ကုန်​မြို့ အမျိုးသားကျန်းမာရေး ဓာတ်ခွဲမှုဆိုင်ရာဌာနကို ပေးပို့စစ်ဆေးခဲ့ရာမှာ လူနာ ၃ ဦး ထံကနေ ဝက်သက်ရောဂါကပ်အသွင် ဖြစ်ပွားခဲ့ကြောင်း သြဂုတ်​လ ၈ ရက်နေ့မှာ အတည်ပြုခဲ့တယ်လို့ သိရပါတယ်။ အခုချိန်မှာ ကျန်းမာရေးဦးစီးဌာနက ရောဂါဖြစ်ပွားရာဒေသတွေနဲ့ ကျန်ဒေသတွေကို ကာကွယ်ဆေးတွေ လိုက်လံထိုးပေးနေပါတယ်။
5 years Ago

April 28, 2016

မြန်မာနိုင်ငံတွင် အာဟာရချို့တဲ့မှု ဆိုးဆိုးရွားရွားဖြစ်နေ

မြန်မာနိုင်ငံမှာ အာဟာရချို့တဲ့မှု ဆိုးဆိုးရွားရွား ဖြစ်နေတယ်လို့ နိုင်ငံတကာ အဖွဲ့အစည်းတွေက အစီရင်ခံစာ ထုတ်ပြန်လိုက်ပါတယ်။ နိုင်ငံတကာအဖွဲ့တွေရဲ့ ကူညီမှုနဲ့ LEARN အဖွဲ့က လေ့လာဆန်းစစ်ထားတဲ့ မြန်မာနိုင်ငံရဲ့ အာဟာရချို့တဲ့မှု အခြေအနေကို ဧပြီ ၂၆ ရက်နေ့က ထုတ်ပြန်လိုက်တာပါ။ အစာကနေ အာဟာရ လုံလုံလောက်လောက် မရတာနဲ့ ကူးစက်ရောဂါတွေက အာဟာရချို့တဲ့တာရဲ့ လတ်တလောအကြောင်းရင်းတွေ ဖြစ်ပါတယ်။ ပြည်သူ့ကျန်းမာရေးဦးစီးဌာန၊ အာဟာရဖွံ့ဖြိုးရေးနဲ့ သုတေသနဌာန ညွှန်ကြားရေးမှူး ဒေါက်တာ မေခင်သန်းက “၅ နှစ်အောက် ကလေးတွေမှာ ပိန်လှီတဲ့နှုန်းက ၈ ရာခိုင်နှုန်းလောက် ရှိတယ်။ ကာလတာရှည် အာဟာရချို့တဲ့လို့ ပုညှက်တဲ့နှုန်းက ၅ နှစ်အောက် ကလေး သုံးယောက်မှာ တယောက်ဟာ ပုညှက်နေတယ်။ လတ်တလော အာဟာရချို့တဲ့တာနဲ့ ကာလရှည် အာဟာရချို့တဲ့တာ နှစ်ခုလုံးနဲ့ဆိုင်တဲ့ ကိုယ်အလေးချိန် လျော့တာကတော့ ၂၂ ဒသမ ၆ ရာခိုင်နှုန်း ရှိပါတယ်” လို့ ပြောပါတယ်။ ဒါ့အပြင် ဗီတာမင်တွေချို့တဲ့တာ၊ အိုင်အိုဒင်းချို့တဲ့တာ၊ သွေးအားနည်းတာ စတာတွေကလည်း ပိုပြီးဖြစ်လာတယ်လို့ သူက ပြောပါတယ်။ ထုတ်ပြန်လိုက်တဲ့ အစီရင်ခံစာအရ ရခိုင်ပြည်နယ်ဟာ အာဟာရချို့တဲ့လို့ ဖြစ်လာတဲ့ နောက်ဆက်တွဲ ပြဿနာတွေ အများကြီး ဖြစ်နေတာပါ။ LEARN အဖွဲ့ရဲ့ အာဟာရနဲ့ ပြည်သူ့ကျန်းမာရေးအကြံပေး မစ္စ ဂျနီဖာ ကေရှင် (Jennifer Cashin) က “ဟုတ်ပါတယ်။ ရခိုင်ပြည်မှာ ပင်လယ်အစားအစာ ပေါများတာ မှန်တယ်။ ဒါပေမယ့် ဆားငန်ရေ၀င်ရောက်လို့ အသီးအရွက်တွေ ရှားပါးတယ်။ လမ်းပန်းဆက်သွယ်ရေး ခက်ခဲလို့ ပဲအမျိုးမျိုးရဖို့ ခက်တယ်။ ပြီးတော့ ကျန်းမာရေးဌာနကို သွားဖို့ခက်တယ်။ ဒီလို ရှားပါးတာတွေကို ထပ်လောင်းဖြစ်စေတာကတော့ ပဋိပက္ခတွေရယ်၊ မုန်တိုင်းတွေရယ်ပါ” လို့ ပြောပါတယ်။ လျော့ပါးဖို့အတွက်ကတော့ တနိုင်ငံနဲ့တနိုင်ငံ မတူပါဘူးလို့လည်း သူက ဆက်ပြောပါတယ်။ မြန်မာနိုင်ငံမှာ အာဟာရဖွံ့ဖြိုးရေး လုပ်ငန်းတွေကို ၁၉၅၄ ခုနှစ်က စတင်ခဲ့တာဖြစ်လို့ နှစ်ပေါင်း ၆၀ ကျော်ခဲ့ပြီ ဖြစ်ပါတယ်။
6 years Ago
Up