အာရှရန်ကုန်ဘဏ်

A d v e r t i s e m e n t With Us

March 17, 2020

လိုင်စင်အသိမ်းခံရသည့် အာရှရန်ကုန်ဘဏ်က ငွေစုသူများကို ပြန်ထုတ်ပေးနေ

မတည်ရင်းနှီးငွေ ပမာဏဖောက်ဖျက်မှုနဲ့ ဘဏ်လိုင်စင်အသိမ်းခံရတဲ့ အာရှရန်ကုန်ဘဏ်က ဘဏ်ဝန်ဆောင်မှု အသုံးပြုထားတဲ့ ဘဏ်ငွေစုသူတွေကို ဗဟိုဘဏ်အရာရှိတွေရဲ့ အုပ်ချုပ်မှုနဲ့ စုငွေတွေ ပြန်ထုတ်ပေးနေတယ်လို့ အသုံးပြုသူတွေက ပြောပါတယ်။  မတ် ၁၆ ရက်နေ့ညနေကနေ စတင်ပြီး အပ်ငွေစုငွေတွေကို ပြန်ထုတ်ပေးနေတာ ဖြစ်ပြီးတော့ ဗဟိုဘဏ်ရဲ့ တရားဝင် သတင်းထုတ်ပြန်ချက်အရ ဘဏ်လိုင်စင် ပြန်လည်ရုပ်သိမ်းလိုက်တာကြောင့်ပါ။  ဘဏ်ဝန်ဆောင်မှု သုံးစွဲသူတွေကတော့ လွန်ခဲ့တဲ့ ၂၀၁၉ ခုနှစ် စက်တင်ဘာလကတည်းက ဘဏ်ပိတ်မယ်လို့ သတင်းတွေ ထွက်နေတာကြောင့် အပ်ငွေတွေကို တခြားဘဏ်တွေကို ပြောင်းရွှေ့ထားတယ်လို့ ဆိုပါတယ်။  လက်ရှိမှာတော့ ဘဏ်ထဲမှာ လက်ကျန်ရှိနေတဲ့ ငွေအနည်းငယ်ကိုပဲ လာရောက်ထုတ်ယူ နေတယ်လို့ ဆိုပါတယ်။  အာရှရန်ကုန်ဘဏ်မှာ ငွေတွေ လာရောက်ထုတ်ယူနေသူ အများစုကို မေးမြန်းတဲ့ အခါမှာလည်း အပ်ငွေသောင်းဂဏန်းနဲ့ သိန်းဂဏန်း အနည်းငယ်ပဲ ကျန်တော့တယ်လို့ ဆိုပါတယ်။  အာရှရန်ကုန်ဘဏ်ဟာ ၁၉၉၄ ခုနှစ်ကတည်းက တည်ထောင်ထားတဲ့ဘဏ် ဖြစ်ပြီးတော့ ဘဏ်ခွဲပေါင်း ပြည်တွင်းမှာ ၁၃ ခုဖွင့်လှစ်ထားပါတယ်။ 
12 months Ago

အာရှရန်ကုန်ဘဏ်ကို ဥပဒေဖောက်ဖျက်မှုကြောင့် လိုင်စင်ရုပ်သိမ်း

နှစ် ၃၀ နီးပါးလုပ်ကိုင်လာတဲ့ အာရှရန်ကုန်ဘဏ်ကို ဥပဒေဖောက်ဖျက်တာကြောင့်ဆိုပြီး မြန်မာနိုင်ငံတော်ဗဟိုဘဏ်က မနေ့ညနေကစပြီး လိုင်စင်ရုပ်သိမ်းလိုက်ပါတယ်။ ဒါကြောင့် မနေ့ညနေကစပြီး မြန်မာနိုင်ငံတော်ဗဟိုဘဏ်ကနေ အာရှရန်ကုန်ဘဏ် လီမိတက် ကို အုပ်ချုပ်သူခန့်ထား စီမံအုပ်ချုပ်မယ်လို့ ဆိုပါတယ်။ ဘဏ်နဲ့ ဆက်သွယ်ဆောင်ရွက်သူတွေအနေနဲ့ ငွေထုတ်ချင်တယ်ဆိုရင် သက်ဆိုင်ရာမြို့တွေ မှာရှိတဲ့ အာရှရန်ကုန်ဘဏ်ခွဲတွေမှာ ပုံမှန်ရုံးချိန်အတွင်း ငွေထုတ်ချင်ရင် ထုတ်ယူနိုင်အောင် စီစဉ်ထားတယ်လို့လည်း ဗဟိုဘဏ်က ထုတ်ပြန်ထားပါတယ်။ အာရှရန်ကုန်ဘဏ်ကို ၁၉၉၄ ခုနှစ်မှာ စတင်ဖွင့်လှစ်ခဲ့တာဖြစ်ပြီး ရန်ကုန်၊ မန္တလေး၊ လယ်ဝေး၊ တပ်ကုန်း၊ တောင်ငူ၊ မုံရွာ၊ မကွေး၊ ပုသိမ်၊ ပြည်၊ မင်းဘူး၊ ဟင်္သာတနဲ့ ဓနုဖြူမြို့တို့မှာ ဘဏ်ခွဲပေါင်း ၁၃ ခုရှိတယ်လို့ ဘဏ်ရဲ အချက်အလက်တွေအရ သိရပါတယ်။ ဒီအပေါ်မှာ အာရှရန်ကုန်ဘဏ်ရုံးချုပ်ကို ဆက်သွယ်မေးမြန်းခဲ့ပေမယ့် တစုံတရာဖြေကြားတာ မရှိခဲ့ပါဘူး။
12 months Ago
Up