အာရှဖလားခြေစစ်ပွဲ

October 30, 2018

မြန်မာယူ ၁၉ အမျိုးသမီးအသင်း အာရှယူ ၁၉ ခြေစစ်ပွဲ ဒုတိယအဆင့် တက်ရောက်

မြန်မာ့လက်ရွေးစင် ယူ၁၉ အမျိုးသမီးအသင်းဟာ အာရှယူ၁၉ အမျိုးသမီးပြိုင်ပွဲ ခြေစစ်ပွဲ ဒုတိယအဆင့်ကို အကောင်းဆုံး အုပ်စုဒုတိယအသင်း ၁ သင်းအဖြစ် တက်ရောက်သွားပြီလို့ အာရှဘောလုံးအဖွဲ့ချုပ်က အတည်ပြုတဲ့အကြောင်း မြန်မာဘောလုံးအဖွဲ့ချုပ်က ထုတ်ပြန်ပါတယ်။ ပထမအဆင့် ခြေစစ်ပွဲမှာ မြန်မာအသင်းဟာ အုပ်စု စ မှာ ပါဝင်ခဲ့ပြီး လာအိုကို ၄-၃ ဂိုးနဲ့ ရှုံးခဲ့ပေမယ့် အီရန်ကို ၁-၀ ဂိုးနဲ့ အနိုင်ရခဲ့ပြီး ဂိုးကွာခြားချက်နဲ့ အကောင်းဆုံး အုပ်စုဒုတိယ ရရှိခဲ့တာပါ။ ပထမအဆင့်ခြေစစ်ပွဲတွေကို အောက်တိုဘာ ၂၀ ရက်ကနေ ၂၈ ရက်အထိ မြန်မာအပါအဝင် နိုင်ငံ ၆ နိုင်ငံမှာ အုပ်စု ၆ စုခွဲ ကျင်းပပြီး ထိပ်ဆုံး ၆ သင်းနဲ့ အကောင်းဆုံး အုပ်စုဒုတိယရတဲ့ ၂ သင်း၊ ပေါင်း ၈ သင်း ဒုတိယအဆင့်ခြေစစ်ပွဲကို တက်ရောက်ခွင့်ရတာပါ။ အဲဒီ ၈ သင်းကတော့ အုပ်စုပထမရခဲ့ကြတဲ့ သြစတြေးလျ၊ နီပေါ၊ ဥဇဘက်ကစ္စတန်၊ တောင်ကိုရီးယား၊ ဗီယက်နမ်နဲ့ အီရန်အသင်း၊ အကောင်းဆုံး အုပ်စုဒုတိယရတဲ့ မြန်မာနဲ့ လက်ဘနွန်အသင်းတို့ ဖြစ်ကြပါတယ်။ ဒုတိယအဆင့် ခြေစစ်ပွဲတွေကို ၂၀၁၉ ဧပြီလမှာ ကျင်းပမှာဖြစ်ပြီး အဲဒီ ၈ သင်းကို ၄ သင်းစီ အုပ်စုနှစ်စုခွဲ ယှဉ်ပြိုင်စေကာ ထိပ်ဆုံးနှစ်သင်းက ခြေစစ်ပွဲအောင်မြင်မှာ ဖြစ်ပါတယ်။
3 years Ago

March 28, 2018

ကြည်လင်း၏ သွင်းဂိုးဖြင့် မြန်မာက မကာအိုကို အနိုင်ယူ (ရုပ်သံဟိုက်လိုက်)

အာရှဖလား ခြေစစ်ပွဲ အုပ်စု က နောက်ဆုံးပွဲစဉ်အဖြစ် မြန်မာ့လက်ရွေးစင်အသင်းနဲ့ မကာအိုအသင်းတို့ မနေ့ညနေက ယှဉ်ပြိုင်ရာ မြန်မာအသင်းက တဂိုး ဂိုးမရှိနဲ့ အနိုင်ရသွားပါတယ်။ နှစ်သင်းစလုံး ခြေစစ်ပွဲအောင်ဖို့ မျှော်လင့်ချက်မရှိတော့ပေမယ့် အုပ်စုနောက်ဆုံးပွဲမှာ အနိုင်ရရေး ကြိုးစားကစားသွားခဲ့ပါတယ်။ နည်းပြသစ်နဲ့ ပွဲထွက်ခဲ့တဲ့ မြန်မာအသင်းဟာ ဂိုးသမားအဖြစ် ကျော်ဇင်ထက်၊ နောက်တန်း ဝင်းမင်းထွဋ်၊ ဇော်မင်းထွန်း၊ ထိုက်ထိုက်အောင်၊ သိန်းသန်းဝင်း၊ ကွင်းလယ်မှာ တင်ဝင်းအောင်၊ လှိုင်းဘိုဘို၊ မောင်မောင်လွင်၊ ရန်နိုင်ဦးနဲ့ ရှေ့တန်းမှာ အောင်သူနဲ့ ကျော်ကိုကို တိုက်စစ်အတွဲနဲ့ ပွဲထွက်ခဲ့ပါတယ်။ ဒီနှစ်သင်း ပထမအကျော့ မကာအိုကွင်းမှာ ယှဉ်ပြိုင်စဉ် မြန်မာအသင်းက လေးဂိုး ဂိုးမရှိနဲ့ အနိုင်ရထားတဲ့အတွက် အခုပွဲမှာ မကာအိုအသင်းဟာ ခံစစ်ပိုင်းကို ပြုပြင်ပြီး ဂိုးမပေးရရေး ကြိုးစားကစားတဲ့အတွက် မြန်မာအသင်း အနိုင်ရရေး ရုန်းကန်ခဲ့ရပါတယ်။ ဒုတိယပိုင်းမှာ မြန်မာအသင်းက ကွင်းလယ်ကစားသမား ရန်နိုင်ဦးအစား ကြည်လင်း ဝင်လာပြီးနောက်ပိုင်း တိုက်စစ်ကစားပုံ ပိုကောင်းလာပြီး အနိုင်ဂိုးကိုလည်း ၇၄ မိနစ်မှာ ကြည်လင်းကပဲ မကာအိုဂိုးသမားကို ကျော်ပြီး သွင်းယူပေးခဲ့ပါတယ်။ မြန်မာအသင်းဟာ ခြေစစ်ပွဲ အုပ်စုအဆင့် ၆ ပွဲယှဉ်ပြိုင်ခဲ့ရာမှာ ၂ ပွဲနိုင်၊ ၂ ပွဲသရေ၊ ၂ ပွဲရှုံးရလဒ်နဲ့ အုပ်စု တတိယနေရာမှာ ရပ်တည်နေပြီး ခြေစစ်ပွဲတော့ အောင်မြင်ခဲ့ခြင်း မရှိပါဘူး။ ဒီအုပ်စုမှာ အိန္ဒိယနဲ့ ကာဂျစ္စတန်တို့ ခြေစစ်ပွဲအောင်မြင်ခဲ့ပြီး မကာအိုအသင်းကတော့ နိုင်ပွဲတပွဲမှမရဘဲ အုပ်စုအောက်ဆုံးမှာပဲ ရပ်တည်နိုင်ခဲ့ပါတယ်။
4 years Ago
More News
Up