အာဖရိကနိုင်ငံများဖလားပွဲတွင် ဆီနီဂေါ နှစ်ပွဲဆက်နိုင်ပြီး ကွာတားဖိုင်နယ်တက်

January 20, 2017

အာဖရိကနိုင်ငံများဖလားပွဲတွင် ဆီနီဂေါ နှစ်ပွဲဆက်နိုင်ပြီး ကွာတားဖိုင်နယ်တက် (ရုပ်သံဟိုက်လိုက်)

အာဖရိကနိုင်ငံများဖလားပြိုင်ပွဲရဲ့ အုပ်စု ဘီ ဒုတိယပွဲစဉ်တွေကို ဇန်နဝါရီ ၁၉ ရက်နေ့က ယှဉ်ပြိုင်ကစားခဲ့ရာ ဆီနီဂေါအသင်းက ဇင်ဘာဘွေအသင်းကို အနိုင်ရရှိခဲ့တဲ့အတွက် နှစ်ပွဲဆက်အနိုင်ရလဒ်နဲ့ ကွာတားဖိုင်နယ်အဆင့်သို့ အစောဆုံး တက်ရောက်နိုင်ခဲ့ပါတယ်။ ဆီနီဂေါအသင်းဟာ  ပွဲချိန် ၁၅ မိနစ်မပြည့်မီမှာပဲ အနိုင်ဂိုး ၂ ဂိုးစလုံးကို သွင်းယူနိုင်ခဲ့ပြီး ၂ ဂိုး ဂိုးမရှိနဲ့ အနိုင်ရရှိခဲ့တာဖြစ်ပါတယ်။ အဖွင့်ဂိုးကို အုပ်စုပထမပွဲစဉ်မှာ ဦးဆောင်ဂိုးသွင်းခဲ့တဲ့ လီဗာပူးကစားသမား မာနေကပဲ ပွဲအစ ၉ မိနစ်မှာ သွင်းယူပေးခဲ့ပြီး ဒုတိယဂိုးကိုတော့ ၁၃ မိနစ်မှာ စိုင်ဗက်က သွင်းယူပေးခဲ့တာပါ။ အုပ်စု ဘီ တခြားပွဲစဉ်မှာတော့ တူနီးရှားက အယ်လ်ဂျီးရီးယားကို ၂ ဂိုး ၁ ဂိုးနဲ့ အနိုင်ရရှိခဲ့တာပါ။ ဒီအုပ်စုက နှစ်ပွဲဆီ ယှဉ်ပြိုင်အပြီးမှာတော့ ဆီနီဂေါက ရမှတ် ၆ မှတ်နဲ့ အုပ်စု ပထမ၊ တူနီးရှားက ၃ မှတ်နဲ့ အုပ်စု ဒုတိယ၊ ဇင်ဘာဘွေနဲ့ အယ်လ်ဂျီးရီးယားတို့က တမှတ်စီနဲ့ တတိယ၊ စတုတ္ထနေရာတွေမှာ အသီးသီး ရပ်တည်နေပါတယ်။
5 years Ago
Up