အာဖရိကနိုင်ငံများ

February 19, 2022

အာဖရိကနိုင်ငံများ၌ ယူရို ၃၀၀ ဘီလီယံ ရင်းနှီးမြှုပ်နှံမည့်အစီအစဉ် ဥရောပသမဂ္ဂကမ်းလှမ်း

ဥရောပသမဂ္ဂက အာဖရိကနိုင်ငံ ၄၀ ကျော်က ခေါင်းဆောင်တွေကို ဘရပ်ဆဲလ်မြို့မှာ တွေ့ဆုံပြီး ယူရိုငွေ ၃၀၀ ဘီလီယံ တန်ဖိုးရှိ ဖွံ့ဖြိုးရေးနဲ့ ရင်းနှီးမြှုပ်နှံမှု ဆောင်ရွယ်မယ့် အစီအစဉ်တွေကို ကမ်းလှမ်းခဲ့ပါတယ်။

အဆိုပါအစီအစဉ်တွေက အာဖရိကမှာ တရုတ်နဲ့ ရုရှားတို့ရဲ့ အကြီးအကျယ် ရင်းနှီးမြှုပ်နှံနေမှုကို တန်ပြန်ဖို့ ရည်ရွယ်တာလည်း ဖြစ်ပါတယ်။ 

အာဖရိကသမဂ္ဂရဲ့ ဥက္ကဋ္ဌ ဆီနီဂေါနိုင်ငံသမ္မတက ဥရောပသမဂ္ဂနဲ့ ကျင်းပတဲ့ အခုညီလာခံက ရလဒ်ကောင်းထွက်မယ်လို့ မြင်ကြောင်း၊ ထူးခြားဆန်းသစ်မှုရှိတဲ့ ထိပ်သီးအစည်းအဝေးဖြစ်ပြီး အာဖရိကရဲ့ ငြိမ်းချမ်းရေး၊ လုံခြုံရေး၊ အကြမ်းဖက်တိုက်ဖျက်မှု၊ ဆင်းရဲမွဲတေမှုပပျောက်ရေး စတဲ့ လုပ်ငန်းတွေ ပါဝင်ကြောင်း ပြောပါတယ်။ 

ဥရောပကော်မရှင်ဥက္ကဋ္ဌကလည်း လာမယ့် ၇ နှစ်အတွင်း အာဖရိကမှာ ယူရိုငွေ ၁၅၀ ဘီလီယံ အစီအစဉ်တွေ လုပ်ဆောင်သွားပြီး ပြည်သူလူထုရဲ့လိုအပ်ချက်တွေ၊ အခြေခံအအောက်အဦ၊ ပြည့်ဖြိုးမြဲစွမ်းအင် အစီအစဉ်တွေ ဦးစားပေးမယ်လို့ ပြောပါတယ်။

10 months Ago

November 30, 2021

အာဖရိကနိုင်ငံများသို့ ကိုဗစ်-၁၉ ကာကွယ်ဆေး သန်း ၁,၀၀၀ လှူဒါန်းမည်ဟု တရုတ် ကတိပြု

တရုတ်အစိုးရဟာ ကိုဗစ်-၁၉ ကပ်ရောဂါကာကွယ်ဆေး ထိုးဆေးလုံးရေ နောက်ထပ် သန်း ၁,၀၀၀ ကို အာဖရိကနိုင်ငံတွေဆီ လှူဒါန်းသွားမယ်လို့ တရုတ်သမ္မတ ရှီကျင့်ဖျင်က နိုဝင်ဘာ ၂၉ ရက်မှာ ကတိပြုလိုက်ပါတယ်။

၂၀၂၂ မှာ အာဖရိကတိုက် လူဦးရေရဲ့ ၆၀ ရာခိုင်နှုန်းကို ကာကွယ်ဆေးထိုးပေးမယ့် ပန်းတိုင်အတွက် ဆောင်ရွက်တာလို့ ဆိုပါတယ်။

နောက်ထပ် ကတိပြုထားတဲ့ ကာကွယ်ဆေးတွေထဲက ထိုးဆေး သန်း ၂၀၀ နီးပါးကို တရုတ်က အာဖရိကတိုက်ဆီ ပေးပို့ဖြန့်ဖြူးပြီးပါပြီ။

တောင်အာဖရိကမှာ ပထမဆုံး တွေ့ရှိဖော်ထုတ်ထားတဲ့ အိုမီခရွန်ဗီဇမျိုးကွဲ ကူးစက်မှုအတွက် စိုးရိမ်စိတ်တိုးနေချိန်မှာ ခုလို လှူဒါန်းတာပါ။

အာဖရိက ဘဏ္ဍာရေးအဖွဲ့အစည်းတွေကို အမေရိကန်ဒေါ်လာ ၁၀ ဘီလီယံ ချေးငွေပေးနိုင်ဖို့ တရုတ်-အာဖရိက နယ်စပ်ဖြတ်ကျော် ယွမ်ငွေလဲဌာနကို တည်ထောင်မယ်လို့လည်း ရှီကျင့်ဖျင်က တရုတ်-အာဖရိက ပူးပေါင်းဆောင်ရွက်ရေး ဖိုရမ်အဖွင့်မိန့်ခွန်းမှာ ပြောကြားခဲ့ပါတယ်။

အာဖရိကဟာ တရုတ်အတွက် ရေနံစိမ်းနဲ့ သတ္တုအဓိကရင်းမြစ်တွေထဲက တနေရာဖြစ်ပြီး လာမယ့် ၃ နှစ်အတွင်း တရုတ်က အာဖရိကကနေ တင်သွင်းတဲ့ စုစုပေါင်းတန်ဖိုးဟာ အမေရိကန် ဒေါ်လာ ဘီလီယံ ၃၀၀ အထိ ရောက်လိမ့်မယ်လို့လည်း ရှီကျင့်ဖျင်က ပြောပါတယ်။

နှစ်ဖက်စလုံးဟာ ကျန်းမာရေး၊ ဒစ်ဂျစ်တယ် ဆန်းသစ်တီထွင်မှု နည်းပညာ၊ ကုန်သွယ်ရေး တိုးမြှင့်ဖို့နဲ့ သဘာဝပတ်ဝန်းကျင် အခြေပြု ဖွံ့ဖြိုးတိုးတက်ရေး နယ်ပယ်တွေမှာ ပူးပေါင်း ဆောင်ရွက်သွားမယ်လို့လည်း ရှီက ပြောပါတယ်။

1 year Ago
Up