အာဖရိက

June 22, 2021

ကုလအထူးသံတမန် အိန်ဂျလီနာဂျိုလီ အာဖရိက ဒုက္ခသည်များထံ သွားရောက်

ဟောလီးဝုဒ် ရုပ်ရှင်မင်းသမီးနဲ့ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး အထူးသံတမန် အိန်ဂျလီနာဂျိုလီဟာ အာဖရိကန် အနောက်ပိုင်းရှိ ဘာကီနာဖှာဆိုနိုင်ငံ ဂူဒေဘူမြို့ကို ဇွန် ၂၀ ရက်က သွားရောက် လည်ပတ်ပါတယ်။

အကြမ်းဖက်မှုထူပြောတဲ့ ဒေသအတွင်း ကမ္ဘာ့ဒုက္ခသည်နေ့အထိမ်းအမှတ် သွားရောက် လည်ပတ်တာပါ။

မာလီနိုင်ငံက မလုံခြုံမှုကနေ ထွက်ပြေးလာတဲ့ ဒုက္ခသည်တွေကို ထားရှိရာ စခန်းထဲက မာလီဒုက္ခသည်တွေဟာ ဘာကီနာဖှာဆိုနိုင်ငံမှာလည်း အလားတူ အခြေအနေကိုသာ တွေ့ကြုံ နေရတယ်လို့ ရိုက်တာသတင်းဌာနက ဖော်ပြထားပါတယ်။ 

ဇွန်လအစောပိုင်းက နိုက်ဂျာနိုင်ငံနဲ့ နယ်စပ်က ယာဂါခရိုင်ဆိုဟန်ရွာကို စစ်သွေးကြွတွေ တိုက်ခိုက်လို့ လူ ၁၃၂ ယောက် သေဆုံးပါတယ်။

ဂျိုလီက “တခြားနိုင်ငံတွေက ဒုက္ခသည်တွေအတွက် နယ်စပ်တွေကိုရော သူတို့ရဲ့စိတ်တွေကိုပါ ပိတ်ထားချိန်မှာ ဆိုးရွားတဲ့ တိုက်ခိုက်မှုတွေ စိန်ခေါ်မှုတွေ ရှိလျက်နဲ့ ရှိတာလေး နည်းနည်းကို မျှဝေပေးပြီး နေရပ်ရွှေ့ပြောင်းရတဲ့ မောင်နှမတွေကို ကြိုဆိုပေးတဲ့ ဘာကီနာဖှာဆို ပြည်သူတွေနဲ့အတူ သွေးစည်းကြောင်းပြဖို့ ကျမ ဒီကို ရောက်နေတာပါ”လို့ ပြောပါတယ်။

အနောက်အာဖရိကမှာရှိတဲ့ ဆာဟဲဒေသ အကြမ်းဖက်မှုတွေကနေ ထွက်ပြေးတဲ့ ဦးရေဟာ ၂ နှစ်အတွင်း လေးဆတိုးလာပြီး လူ ၂ သန်းဟာ သူတို့နိုင်ငံတွေကနေ အိုးအိမ်စွန့်ခွာ ထွက်ပြေးခဲ့ရတယ်လို့ ကုလဒုက္ခသည်အေဂျင်စီက ဒီနှစ်အစောပိုင်းမှာ ပြောထားပါတယ်။

အယ်လ်ကေဒါနဲ့ အိုင်အက်စ် စစ်သွေးကြွတွေနဲ့ ချိတ်ဆက်ထားတဲ့ စစ်သွေးကြွတွေဟာ ဆာဟာရ ဒေသအတွင်း လက်တံချဲ့လာပြီး ဘာကီနာဖှာဆို၊ မာလီနဲ့ နိုက်ဂျာနိုင်ငံတွေက တိုင်းရင်းသား ပဋိပက္ခတွေကို မီးထိုးပေးနေတယ်လို့ ရိုက်တာက ဖော်ပြထားပါတယ်။

4 months Ago

October 24, 2020

ဂီနီရွေးကောက်ပွဲအပြီး တိုင်းပြည်မငြိမ်သက်ဖြစ်၊ ပစ်ခတ်မှုများ ရှိလာ

အာဖရိကအနောက်ပိုင်း ဂီနီနိုင်ငံမှာ ရွေးကောက်ပွဲ ရလဒ်ကြေညာပြီးနောက် မငြိမ်သက်မှု တွေဖြစ်လာကာ အောက်တိုဘာ ၂၃ ရက်က မြို့တော် ကွန်နက်ကီမှာ သေနတ်ပစ်ခတ်တာတွေ ဖြစ်ခဲ့ပါတယ်။  အသက် ၈၂ နှစ် အရွယ် သမ္မတ အဲဖာခွန်ဟာ တတိယမြောက် သက်တမ်းအတွက် ယှဉ်ပြိုင်ဖို့ ဆုံးဖြတ်ချက်ကြောင့် ပြီးခဲ့တဲ့နှစ်မှာ ဆန္ဒပြပွဲတွေ အကြိမ်ကြိမ် ဖြစ်ခဲ့ပြီး အောက်တိုဘာ ၁၈ ရက် ရွေးကောက်ပွဲနောက်ပိုင်း ပဋိပက္ခတွေကြောင့် လူ ၁၇ ယောက်ထက်မနည်း သေဆုံးခဲ့ ပါတယ်။   ရွေးကောက်ပွဲကနဦး ရလဒ်တွေအရ  သမ္မတ အဲဖာခွန်ဟာ ပြိုင်ဘက်ကိုယ်စားလှယ်လောင်း  ဆယ်လူဒယ်လန်ဒီဂျက်လိုထက် မဲ နှစ်ဆနီးပါး အနိုင်ရထားပါတယ်။  အတိုက်အခံတွေကတော့ ရွေးကောက်ပွဲဟာ ဖွဲ့စည်းပုံဥပဒေနဲ့ မညီဘူးလို့ ပြောပါတယ်။ သမ္မတ အယ်ဖာခွန်က သမ္မတသက်တမ်း နှစ်ကြိမ်အား ပြင်ဆင်တဲ့ ဖွဲ့စည်းပုံ ပြင်ဆင်ရေး လူထုဆန္ဒခံယူပွဲကို   ပြီးခဲ့တဲ့မတ်လက လုပ်ခဲ့တယ်လို့ ပြောပေမဲ့ အတိုက်အခံတွေကတော့ သူဟာ ဥပဒေကို ချိုးဖောက်ပြီး အာဏာကို ဆုပ်ကိုင်ထားတယ်လို့ ပြောပါတယ်။ 
1 year Ago
More News
Up