အာတီတာ

January 27, 2023

အာတီတာကြောင့် အကောင်းဆုံးနည်းပြ တဦးဖြစ်လာဟု ဂွါဒီယိုလာပြော

အာဆင်နယ်အသင်းနည်းပြ အာတီတာကြောင့် အကောင်းဆုံးနည်းပြတဦး ဖြစ်လာခဲ့တာလို့ မန်စီးတီးနည်းပြ ဂွါဒီယိုလာက ပြောပါတယ်။

နည်းပြအာတီတာဟာ မန်စီးတီးအသင်းမှာ လက်ထောက်နည်းပြအဖြစ် တာဝန်ယူခဲ့သူဖြစ်ပြီး ဂွါဒီယိုလာနဲ့ သုံးနှစ်ကြာ အတူအလုပ်လုပ်ခဲ့တာပါ။

လက်ရှိအချိန်မှာတော့ အာဆင်နယ်နည်းပြအဖြစ် အောင်မြင်မှုရနေတဲ့ အာတီတာကို ဂွါဒီယိုလာက ချီးကျူးခဲ့တာပါ။

“သူ့ရဲ့အမြင်မှာ ကျနော်ကဘယ်လိုလဲတော့မသိပေမဲ့ ကျနော့်အပေါ်မှာ သူ့ရဲ့ လွှမ်းမိုးနိုင်စွမ်းက ကြီးမားပါတယ်။ အကောင်းဆုံးနည်းပြတစ်ယောက်ဖြစ်လာဖို့ သူကအလွန်အရေးပါခဲ့တယ်။ ကျနော်ဒီအသင်းကနေ ထွက်ခွာသွားရင် မီခေးလ်က ဒီနေရာရောက်လာပြီး အကောင်းဆုံးနည်းပြ ဖြစ်လာမှာသေချာပါတယ်”လို့ ဂွါဒီယိုလာက ပြောပါတယ်။

မန်စီးတီးနဲ့ အာဆင်နယ်အသင်းတို့ဟာ ဇန်နဝါရီ ၂၈ ရက်မှာ မနက် ၂ နာရီခွဲမှာ အက်ဖ်အေဖလား ရှုံးထွက်ပွဲစဉ် ယှဉ်ပြိုင်ကစားကြမှာ ဖြစ်ပါတယ်။ 

1 week Ago

November 12, 2022

အာတီတာထံမှ သင်ယူခဲ့တာပိုများဟု မန်စီးတီးနည်းပြ ဂွါဒီယိုလာပြော

နည်းပြ အာတီတာဆီကနေ သင်ယူလေ့လာခဲ့ရတာက ပိုပြီးများကြောင်း မန်စီးတီးနည်းပြ ဂွါဒီယိုလာက ပြောကြားလိုက်ပါတယ်။

အာဆင်နယ်နည်းပြအာတီတာဟာ မန်စီးတီးနည်းပြ ဂွါဒီယိုလာလက် အောက်မှာ လက်ထောက်နည်းပြအနေနဲ့ သုံးနှစ်ကြာတာဝန်ယူခဲ့သူပါ။

ဒါပေမဲ့နည်းပြအာတီတာက သူ့ဆီကနေ သင်ယူခဲ့တာတွေထက် သူကနေ ပြန်လည် သင်ယူ လေ့လာခဲ့ရတာတွေကပိုပြီးများကြောင်း ဂွါဒီယိုလာက ပြောခဲ့တာပါ။

အာဆင်နယ်နည်းပြအာတီတာရဲ့ ဘောလုံးအတွေးအခေါ်တွေဟာ နည်းပြဂွါဒီယိုလာရဲ့ လွှမ်းမိုမှုတွေပါဝင်နေတယ်ဆိုတဲ့ မှတ်ချက်တွေအပေါ် နည်းပြဂွါဒီယိုလာက ပြန်လည်ဖြေရှင်းခဲ့တာပါ။

“သူ(အာတီတာ)က မွေးကတည်းကနေ သင်ယူလာခဲ့သူပါ။ ကျနော်ဆီကနေ သင်ယူလာမှုတွေ ပြုလုပ်ခဲ့တာနဲ့ယှဉ်ရင် ကျနော်ကပြန်ပြီး လေ့လာသင်ယူခဲ့တာကပိုပြီးများပါတယ်”လို့ နည်းပြဂွါဒီယိုလာက ပြောပါတယ်။

အခုနှစ်ရာသီမှာ အာဆင်နယ်အသင်းက မန်စီးတီးထက်ပိုပြီး ခြေစွမ်းကောင်းမွန်လာခဲ့ ကြောင်းလည်း ဂွါဒီယိုလာက ချီးကျူးသွားခဲ့ပါတယ်။

3 months Ago
More News
Up