အာဏာသိမ်းစစ်အစိုးရ

A d v e r t i s e m e n t With Us

February 27, 2021

အာဏာသိမ်းစစ်အစိုးရကို အသိအမှတ်မပြုရန် ကုလအထူးကိုယ်စားလှယ်ပြော

စစ်တပ်ဟာ အခြေခံဥပဒေကို ပြောင်ပြောင်တင်းတင်း ချိုးဖောက်ခဲ့တာကြောင့် အာဏာသိမ်းအစိုးရကို အသိအမှတ်မပြုဖို့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်က ပြောပါတယ်။

ကုလသမဂ္ဂအထွေထွေညီလာခံမှာ အထူးကိုယ်စားလှယ် ခရစ္စတင်း ရှရနာ ဘာဂနာက ပြောလိုက်တာပါ။

 “တည်ဆဲဥပဒေယန္တရားတွေကို ကျင့်သုံးရမယ့်အစား စစ်တပ်ဟာ အာဏာသိမ်းဖို့ ကြိုးပမ်းမှု တရားဝင်စေဖို့ မတူခြားနားတာတွေကို လိုသလို အသုံးချပြီး အကြောင်းပြခဲ့တယ်။ ကျမက “ကြိုးပမ်းမှု” လို့ ပြောရတဲ့အကြောင်းကတော့ အာဏာလွှဲယူမှုဟာ တည်ငြိမ်မှုမရှိတဲ့အပြင် လူထုက ပစ်ပစ်ခါခါ ပယ်ချနေပုံရှိပါတယ်။ နိုင်ငံတကာ အသိုက်အဝန်းအနေနဲ့ ဒီအာဏာသိမ်းအစိုးရအပေါ် တရားဝင်မှု မပေးဖို့ အသိအမှတ်မပြုဖို့ အရေးကြီးပါတယ်။ ကျမက “အာဏာသိမ်းမှု” လို့ ပြောရတာကတော့ သူတို့ ဘယ်လိုပြောနေပါစေ အရေးအပေါ် အခြေအနေကြေညာပြီး စစ်တပ်က အာဏာလွှဲယူမှုဟာ အခြေခံဥပဒေကို ပြောင်ပြောင်တင်းတင်း ချိုးဖောက်လိုက်တာပဲဖြစ်ပါတယ်” လို့ ပြောပါတယ်။

ဒီမိုကရေစီနည်းကျ ရွေးကောက်တင်မြှောက်ခံခဲ့ရတဲ့ လွှတ်တော်ကိုယ်စားလှယ်တွေဟာ ဖေဖော်ဝါရီ ၄ ရက်နေ့မှာ အခြေခံဥပဒေနဲ့အညီ ကျမ်းသစ္စာ ကျိန်ဆိုနိုင်ခဲ့ကြပြီး ပြည်ထောင်စုလွှတ်တော်ကိုယ်စားပြု ကော်မတီကို ဖွဲ့စည်းခဲ့တယ်ဆိုတာလည်း သူက ပြောပါတယ်။

“ဒီလွှတ်တော်အမတ်တွေဟာ သူတို့ကို ရွေးကောက်တင်မြှောက်ခဲ့တဲ့ ပြည်သူတွေက ပေးအပ်ထားတဲ့ တာဝန်ဝတ္တရားကို ထမ်းဆောင်ဖို့ ရဲရဲဝံ့ဝံ့ ကြိုးစားခဲ့ကြပါတယ်။ ဒါကြောင့် သူတို့အတွက် ပါဝင်ဆွေးနွေးဖို့ စင်္ကြံတခုပေးဖို့ အရေးကြီးပါတယ်” လို့ ပြောပါတယ်။

6 days Ago

February 23, 2021

ရန်ကုန်ရှိ အင်ဒိုနီးရှားသံရုံးကို သွားရောက်ဆန္ဒပြ

အာဏာသိမ်းစစ်အစိုးရက ကျင်းပဖို့ စီစဉ်နေတဲ့ ရွေးကောက်ပွဲသစ်ကို အာဆီယံအဖွဲ့ဝင် နိုင်ငံတွေကသဘောတူလာအောင်  အင်ဒိုနီးရှာနိုင်ငံက တိုက်တွန်းနေတယ်လို့ သတင်းထွက်လာပြီးနောက်မှာ မြန်မာပြည်သူတွေက ရန်ကုန်မှာရှိတဲ့ အင်ဒိုနီးရှားသံရုံးကို ဒီကနေ့ ဖေဖော်ဝါရီ ၂၃ ရက်မနက် သွားရောက် ဆန္ဒပြနေကြပါတယ်။

အင်ဒိုနီးရှား နိုင်ငံခြားရေးဝန်ကြီးကတော့ မြန်မာနိုင်ငံရဲ့ လက်ရှိအခြေအနေကို အလွန်စိုးရိမ်တဲ့အကြောင်းနဲ့ မြန်မာပြည်သူတွေနဲ့အတူ ရပ်တည်ကြောင်း ပြောထားပါတယ်။ 

Photo - Ye Myo Khant / MPA

1 week Ago
More News
Up