အာဏာရပါတီ

A d v e r t i s e m e n t With Us

January 11, 2021

မြောက်ကိုရီးယားခေါင်းဆောင် အာဏာရပါတီ၏အတွင်းရေးမှုးချုပ်ဖြစ်လာ

မြောက်ကိုရီးယားခေါင်းဆောင် ကင်ဂျုံအန်းဟာ လက်ရှိအာဏာရ အလုပ်သမားပါတီရဲ့ အတွင်းရေးမှူးချုပ် အဖြစ် ရွေးကောက် တင်မြှောက်ခံရတယ်လို့ မြောက်ကိုရီးယားအစိုးရမီဒီယာ KCNA က ဇန်နဝါရီ ၁၁ ရက်မှာ ကြေညာပါတယ်။ ပါတီအတွင်းရေးမှူးချုပ်ရာထူးဟာ  တိုင်းပြည်ညီညွတ်ရေးနဲ့ လမ်းညွှန်ချက်တွေရဲ့ အချက်အခြာနဲ့ တော်လှန်ရေးရဲ့ အကြီးအကဲဆိုတဲ့နေရာဖြစ်ကြောင်းနဲ့   အတွင်းရေးမှူးချုပ်အဖြစ် တင်မြှောက်ရေး အဆိုပြုချက်ကို ကွန်ဂရက်က အပြည့်အဝ အတည်ပြု ပေးခဲ့တယ်လို့ KCNA က ပြောပါတယ်။ ကင်ဟာ သူ့ သြဇာထပ်တိုးခိုင်မြဲရေး ရည်မှန်းပြီး  ကွယ်လွန်သွားတဲ့ ဖခင်ဖြစ်သူရဲ့  ရာထူးကို  လွှဲယူလိုက်တာပဲလို့ ရိုက်တာသတင်းဌာနက သုံးသပ်ဖော်ပြပါတယ်။ ပါတီရဲ့ နှစ်တော်တော်ကြာမှ တခါ ကျင်းပတဲ့ ကွန်ဂရက်အတွင်း ဇန်နဝါရီ ၁၀ ရက်က ရွေးကောက် တင်မြှောက်ခဲ့တာပါ။  ဒီကွန်ဂရက်အတွင်း လာမယ့် ငါးနှစ်တာ ကာလမှာ သံတမန်ရေး၊ စစ်ရေးနဲ့ စီးပွားရေး မူဝါဒတွေ အတွက် အသေးစိတ် စီမံချက်တွေကို မြေပုံထုတ်ရေး ကင်အတွက် စီမံ ပုံစံချထားပါတယ်။
2 months Ago

January 10, 2021

အာဏာရပါတီ၏စည်းမျဉ်းများ ပြန်သုံးသပ်ဟု မြောက်ကိုရီးယားပြော

မြောက်ကိုရီးယား လက်ရှိ အာဏာရလုပ်သားပါတီရဲ့ ၈ ကြိမ်မြောက် ကွန်ဂရက်မှာ ပါတီ စည်းမျဉ်းတွေကို သုံးသပ်ခဲ့တယ်လို့ အစိုးရမီဒီယာ KRT က ဇန်နဝါရီ ၁၀ ရက်မှာ ထုတ်လွှင့်ပါတယ်။ ပါတီကွန်ဂရက်စ်ကို ငါးနှစ်တကြိမ် ကျင်းပဖို့ ဆုံးဖြတ်ရေးကိုလည်း ပြန်သုံးသပ်ခဲ့တယ်လို့ ဆိုပါတယ်။  အမေရိကန်ရဲ့ စီးပွားရေး ဒဏ်ခတ်မှု သက်သာရေးအတွက် မြောက်ကိုရီးယား နျူကလီးယား နဲ့ ဒုံးကျည် အစီအစဉ်တွေကို ဖြုတ်သိမ်းရေး ရည်မှန်းထားတဲ့ ဆွေးနွေးပွဲတွေ ကာလကြာရှည် သောင်မတင် ရေမကျ ဖြစ်နေချိန်မှာ ကွန်ဂရက်စ်ကို ကျင်းပနေတာပါ။  ၂၀၁၆ မှာ နောက်ဆုံး ကျင်းပခဲ့ပြီးတဲ့နောက် ပါတီရဲ့ လုပ်ငန်းစဉ်တွေကို ပြန်လှန်သုံးသပ်ဖို့နဲ့ စီမံချက် အသေးစိတ်တွေကို အနှစ်ချုပ်ဖို့ ကွန်ဂရက်စ်က ရည်မှန်းထားပါတယ်။
2 months Ago
More News
Up