အာဇာနည်ဗိမာန်ကို ဂါရ၀ပြုရန်လာသူများ ပန်းခွေ၊ ပန်းစည်းများယူခွင့်မပြု

July 19, 2015

အမျိုးသားဒီမိုကရေစီ အဖွဲ့ချုပ်ရုံးတွင် ကျင်းပသည့် အာဇာနည်နေ့ (ဓာတ်ပုံ)

၆၈ နှစ် မြောက် အာဇာနည်နေ့အခမ်းအနားကို ရန်ကုန်မြို့ အနောက်ရွှေဂုံတုိုင်လမ်းရှိ အမျုိုးသားဒီမုိုကရေစီအဖွဲ့ချုပ်ရုံးမှာ ကျင်းပစဉ်။  
6 years Ago

အာဇာနည် နေ့ ဘာသာပေါင်းစုံ သွေးလှူပွဲ (ဓာတ်ပုံ)

အရိယမဂ္ဂအသင်းက ဦးဆောင်ပြီး နယ်မြို့တွေကပါ လာရောက် ပူးပေါင်းပါဝင်မယ့် ဘာသာပေါင်းစုံနဲ့ အဖွဲ့အစည်း ၃၀ ကျော်တို့ ပြုလုပ်တဲ့ အာဇာနည်နေ့ ပရဟိတ သွေးလှူပွဲကို အင်းစိန်ဆေးရုံမှာ ဒီနေ့မနက် ၉နာရီ စတင်မှာ ဖြစ်ပါတယ်။ ဓာတ်ပုံ - လေးလေးမွန်    
6 years Ago

မော်လမြိုင်မြို့ အာဇာနည်နေ့ မြင်ကွင်း (ဓာတ်ပုံ)

၆၈ နှစ်မြောက် အာဇာနည်နေ့မှာ မွန်ပြည်နယ် မော်လမြိုင်မြို့ သံလွင်ဥယျာဉ်က ဗိုလ်ချုပ်ကြေးရုပ်မှာ မြို့ခံပြည်သူတွေ၊ ကျောင်းသားကျောင်းသူတွေ၊ နိုင်ငံရေး ပါတီတွေ၊ ဌာနဆိုင်ရာနဲ့ပြည်နယ်အစိုးရအဖွဲ့တွေက လွမ်းသူပန်းခွေချ ဂါရဝပြုခဲ့ကြပါတယ်။ ဓာတ်ပုံ - ကျော်စိုး  
6 years Ago

July 17, 2015

အာဇာနည် ဗိမာန်ကို ဂါရ၀ပြုရန်လာသူများ ပန်းခွေ၊ ပန်းစည်းများယူခွင့်မပြု

ဇူလိုင် ၁၉ ရက် (၆၈) နှစ်မြောက် အာဇာနည်နေ့မှာ အာဇာနည်ဗိမာန်ကို လာရောက် ဂါရ၀ပြု ကြမယ့်သူတွေအနေနဲ့ ပန်းခွေ၊ ပန်းစည်း၊ ပန်းခြင်း၊ ကင်မရာ၊ ဖုန်းနဲ့ လက်ကိုင်အိတ်တွေ ယူဆောင်လာရင် ၀င်ခွင့်ပေးမှာမဟုတ်ဘူးလို့ အာဇာနည်နေ့ အခမ်းအနား လုံခြုံရေးနဲ့ စည်း ကမ်းထိန်းသိမ်းရေးကော်မတီက ကြိုတင်အသိပေးကြေညာပါတယ်။ အလားတူ အာဇာနည်ခေါင်းဆောင်ကြီး ဗိုလ်ချုပ်အောင်ဆန်းရဲ့ နေအိမ်ပြတိုက်ကို လာရောက်ကြည့်ရှုလေ့လာမယ့် သူတွေအနေနဲ့လည်း အဆိုပါပစ္စည်းအမျိုးမျိုးကို ယူဆောင် မလာကြဖို့နဲ့ ယူလာရင် ၀င်ရောက်ခွင့်ပြုမှာမဟုတ်ဘူးလို့လည်း ထုတ်ပြန်ထားပါတယ်။ အာဇာနည်နေ့ အခမ်းအနားကို ရန်ကုန်မြို့ ရွှေတိဂုံဘုရား ခြေတော်ရင်းရှိ အာဇာနည် ခေါင်းဆောင်ကြီးတွေရဲ့ ဂူရှိရာ အာဇာနည်ဗိမာန်မှာ ဇူလိုင် ၁၉ ရက် မနက် ၈ နာရီက စတင်ကျင်းပမှာဖြစ်ပြီး အများပြည်သူတွေကတော့ မွန်းတည့် ၁၂ နာရီကနေ ညနေ ၅ နာရီအထိ လာရောက် ဂါရ၀ပြုခွင့်ရမှာပါ။ ရန်ကုန်တိုင်း ရဲတပ်ဖွဲ့ကတော့ အာဇာနည်ဗိမာန်နဲ့ ဗိုလ်ချုပ်ပြတိုက် အ၀င်အထွက် လမ်းကြောင်းနဲ့ ဂိတ်တွေကို လုံခြုံရေးအရ ရှာဖွေ စစ်ဆေးမှုတွေကို ပူးပေါင်းကူညီတဲ့အနေနဲ့ အစစ်ဆေးခံကြဖို့ တိုက်တွန်းထားပါတယ်။ ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးတွေ လုပ်ကြံခံရပြီး ကျဆုံးသွားခဲ့တဲ့ (၆၈) နှစ်မြောက် အထိမ်းအမှတ် အောက်မေ့ဖွယ် အခမ်းအနားကို အစိုးရက အာဇာနည်ဗိမာန်မှာ ကျင်းပမှာဖြစ်သလို အဓိက အတိုက်အခံ အမျိုးသားဒီမိုကရေစီ အဖွဲ့ချုပ်ကလည်း ဗဟန်းမြို့နယ် ရွှေဂုံတိုင်ပါတီ ဌာနချုပ်ရုံးမှာ ကျင်းပဖို့ အစီအစဉ်ရှိပါတယ်။
6 years Ago
Up