အာဆီယံအပါအ၀င် ၁၈ နိုင်ငံ ပူးတွဲရေတပ်စစ်ရေးလေ့ကျင့် (ရုပ်သံ)

May 6, 2016

အာဆီယံအပါအ၀င် ၁၈ နိုင်ငံ ပူးတွဲရေတပ်စစ်ရေးလေ့ကျင့် (ရုပ်သံ)

အာဆီယံဆယ်နိုင်ငံ အပါအ၀င် ၁၈ နိုင်ငံက ရေတပ်ဖွဲ့ဝင်တွေဟာ ဘရူနိုင်းနိုင်ငံမှာ မေလ ၄ ရက်နေ့ကစပြီး ရေကြောင်းလုံခြုံရေးနဲ့ အကြမ်းဖက်မှုတိုက်ဖျက်ရေးအတွက် ပူးတွဲစစ်ရေး လေ့ကျင့်နေကြပါတယ်။ “အာဆီယံကာကွယ်ရေးဝန်ကြီးများ အစည်းအဝေး၊ ရေကြောင်းလုံခြုံရေးနဲ့ အကြမ်းဖက်မှု တိုက်ဖျက်ရေး လေ့ကျင့်မှု ၂၀၁၆” ကို ဘရူနိုင်းနိုင်ငံ မော်ရာရှိ နိုင်ငံစုံပူးပေါင်းဆောင်ရွက်ရေး စင်တာမှာ အခမ်းအနားဖွင့်လှစ်ခဲ့ပါတယ်။ ဒီလေ့ကျင့်ခန်းမှာ နိုင်ငံတွေအကြား သတင်းအချက်အလက်မျှဝေမှုကို မြှင့်တင်ဖို့၊ လေ့ကျင့်မှုတွေ ကို ခေတ်မီဆန်းသစ်စေဖို့ ရည်ရွယ်ပါတယ်။ အာဆီယံ ၁၀ နိုင်ငံနဲ့အတူ မိတ်ဘက် သြစတေးလျှ၊ တရုတ်၊ အိန္ဒိယ၊ ဂျပန်၊ နယူးဇီလန်၊ ရုရှား၊ တောင်ကိုရီးယားနဲ့ အမေရိကန်ပြည်ထောင်စုတို့က ရေတပ်အသီးသီးက တပ်သား သုံးထောင်၊ သင်္ဘော ၁၈ စင်း၊ ရဟတ်ယာဉ် ၁၆ စင်း၊ ရေကြောင်းကင်းလှည့်လေယာဉ် ၂ စင်းနဲ့ အထူးတပ်ဖွဲ့ဝင်တွေ ပူးတွဲလေ့ကျင့်ကြတယ်လို့ ဘရူနိုင်းတိုင်းမ်သတင်းက ဖော်ပြပါတယ်။ ပူးတွဲလေ့ကျင့်မှုကို မေလ ၁၂ ရက်နေ့မှာ အပြီးသတ်မှာဖြစ်ပါတယ်။
6 years Ago
Up