အာဆင်နယ်အသင်း

November 13, 2022

အနီးဆုံးပြိုင်ဘက် မန်စီးတီးကို ၅ မှတ်ဖြတ်ပြီး အာဆင်နယ်အသင်း ဦးဆောင်

အာဆင်နယ်အသင်းဟာ ဒီကနေ့ မနက်ပိုင်းက ဝုဗ်အသင်းနဲ့ပွဲစဉ်မှာ ၂ ဂိုး ဂိုးမရှိနဲ့ အနိုင်ရပြီး အနီးဆုံးပြိုင်ဘက် မန်စီးတီးကို ၅ မှတ်ဖြတ် ဦးဆောင်နိုင်ခဲ့ပါတယ်။

အစောပိုင်းပွဲစဉ်မှာ မန်စီးတီးက ဘရန့်ဖို့ဒ်ကို ၂ ဂိုး ၁ဂိုးနဲ့ ရှုံးနိမ့်ခဲ့တာကြောင့် အာဆင်နယ်က ဝုဗ်အသင်းကို ဖိဖိစီးစီးကစားခဲ့ပြီး လိုအပ်တဲ့ အနိုင်သုံးမှတ်ကို အမှားအယွင်းမရှိ ရယူနိုင်ခဲ့တာပါ။

အာဆင်နယ်ဟာ ပထမပိုင်းမှာ ဂိုးရဖို့ ရုန်းကန်ခဲ့ရပေမဲ့ ဒုတိယပိုင်းမှာ အသင်းခေါင်းဆောင် အိုဒီဂတ်က ၂ ဂိုးဆက်တိုက် သွင်းယူပေးခဲ့တာပါ။ 

ဒီနိုင်ပွဲကြောင့် စုစုပေါင်း ၁၄ ပွဲ ကစားအပြီးမှာ ၁၂ ပွဲနိုင်၊ ၁ ပွဲသရေ၊ ၁ ပွဲ ရှုံးရလဒ်နဲ့ ၃၇ မှတ် ရရှိ ထားတဲ့ အာဆင်နယ်အသင်းဟာ ၃၂ မှတ်ရရှိထားတဲ့ မန်စီးတီးအပေါ် ၅ မှတ်ဖြတ်ပြီး အသာစီးရယူနိုင်ခဲ့ပါတယ်။

ကမ္ဘာ့ဖလားပြိုင်ပွဲကြောင့် ပရီးမီးယားလိဂ်ပြိုင်ပွဲအပါအဝင် ကလပ်အသင်းပွဲစဉ်တွေကို တလနီပါး ရပ်ဆိုင်းထားမှာပါ။

အာဆင်နယ်ဟာ ခရစ္စမတ်ကာလအလွန်အထိ အမှတ်ပေးဇယားနံပါတ် ၁ နေရာ ဆက်ပြီး ရပ်တည်ဖို့ သေချာသွားခဲ့ပါတယ်။ 

4 weeks Ago

November 7, 2022

အာဆင်နယ်အသင်း အနိုင်ရလဒ်နှင့်ထိုက်တန်ဟု ချဲလ်ဆီးနည်းပြပေါ်တာ ပြော

အာဆင်နယ်အသင်းဟာ အနိုင်ရလဒ်နဲ့ ထိုက်တန်ပြီးရှုံးပွဲအတွက် ဆင်ခြေပေးစရာ မရှိကြောင်း ချဲလ်ဆီး နည်းပြ ဂရေဟမ်ပေါ်တာက ပြောပါတယ်။

ချဲလ်ဆီးအသင်းဟာ စတမ်းဖို့ဒ်ဘရစ်ချ်မှာ ဧည့်သည် အာဆင်နယ်ကို ၁ ဂိုး ဂိုးမရှိနဲ့ရှုံးနိမ့်ခဲ့ပြီး နည်းပြသစ်ပေါ်တာအတွက် ဖိအားများစေခဲ့ပါတယ်။

လက်ရှိအချိန်မှာ အာဆင်နယ်အသင်းက ကောင်းမွန်တဲ့ယုံကြည်မှုရနေတဲ့အသင်းဖြစ်ပြီး အနိုင်ရလဒ်နဲ့ ထိုက်တန်ကြောင်း၊ ချဲလ်ဆီးအသင်းဟာ အခွင့်အရေးကောင်းတွေကို အသုံးမချနိုင်ခဲ့တာတွေရှိပြီး ရလဒ်ပိုင်းနဲ့ ပတ်သက်လို့ ဘာမှပြောစရာမရှိကြောင်း နည်းပြ ဂရေဟမ်ပေါ်တာက ပြောပါတယ်။

ဒါ့အပြင် အာဆင်နယ်ဟာ နည်းပြအာတေတာနဲ့ နှစ်ရှည်လများစွာကတည်းက အတူလက်တွဲလာ တာဖြစ်ပြီး အခုမှစတင်ကိုင်တွယ်တဲ့ အခြေအနေမှာ ကွဲပြားခြားနားမှုတွေရှိကြောင်းလည်း နည်းပြ ပေါ်တာကပြောပါတယ်။

ချဲလ်ဆီးဟာ လန်ဒန်ဒါဘီမှာရှုံးပွဲတွေ့ခဲ့လို့ ထိပ်ဆုံးမှာဦးဆောင်နေတဲ့ အာဆင်နယ်နဲ့ ၁၃ မှတ် အထိကွာဟ သွားခဲ့ရပါတယ်။

1 month Ago
More News
Up