အာဆင်နယ်

September 19, 2021

အာဆင်နယ်ကစားသမားများ၏ မဆုတ်မနစ်ကြိုးစားမှုအပေါ် နည်းပြချီးကျူး

မနေ့ညက ပရီးမီးယားလိဂ်ပွဲစဉ်မှဦ ဘန်လေကို ၁ ဂိုးဂိုးမရှိနဲ့ အနိုင်ရခဲ့တဲ့ပွဲမှာ ကစားသမားတွေရဲ့ မဆုတ်မနစ်ကြိုးစားမှုအပေါ် နည်းပြ အာတီတာက ချီးကျူးစကားဆိုလိုက်ပါတယ်။

ဘန်လေကို အနိုင်ရတဲ့ပွဲဟာ အမှန်တကယ်ယှဉ်ပြိုင်တိုက်ခိုက်ပြီးမှ နိုင်ပွဲရခဲ့တာဖြစ်ပြီး အလွန်ခက်ခဲ့တဲ့ အဝေးကွင်းပွဲစဉ်ဖြစ်တယ်လို့ အာတီတာကပြောပါတယ်။ 

“ဘန်လေကခံစစ် နှစ်ထပ်ပိတ်ပြီးကစားရမှာ အလွန်ကောင်းပြီး ကျနော်တို့ အကောင်းဆုံး တုံ့ပြန်ကစားနိုင်ခဲ့ပါတယ်။ ပွဲစဉ်တစ်လျှောက်လုံးမှာ ကစားသမားတွေရဲ့ မဆုတ်မနစ်ကြိုးစားမှုက တော့ ကျနော်အလေးစားဆုံးပါပဲ” လို့ အာတီတာက ပြောပါတယ်။

ဒီနိုင်ပွဲကနေ ခက်ခဲ့တဲ့ပွဲတွေမှာလည်း အနိုင်ယူနိုင်တယ်ဆိုတဲ့ ယုံကြည်မှုရရှိစေပြီး လာမယ့်ပွဲတွေမှာလည်း ဆက်ထိန်းနိုင်ဖို့လိုတယ်လို့လည်း အာတေတာကပြောပါတယ်။

အာဆင်နယ်အသင်းဟာ ဘန်လေအသင်းကို ခက်ခက်ခဲခဲ ယှဉ်ပြိုင်ကစားခဲ့ရပြီး ပွဲချိန်မိနစ် ၃ဝ မှာရရှိခဲ့တဲ့ အိုဒီဂတ်ရဲ့ဖရီးကစ်ဂိုးနဲ့အနိုင်ရခဲ့တာဖြစ်ပါတယ်။ ၂ ပွဲဆက်တိုက်နိုင်ပွဲကြောင့် ၅ ပွဲကစားအပြီးမှာ အဆင့် ၁၃ အထိတက်လှမ်းနိုင်ခဲ့ပါတယ်။

3 days Ago

September 11, 2021

အာဆင်နယ်ပရိသတ်များ ဘက်ပြောင်းအားပေးမှာ အာဆင်နယ်ဂန္ထဝင် ရေးပါလာ စိုးရိမ်

အာဆင်နယ်နဲ့ နောဝှစ်ချ်နဲ့ပွဲမှာ နောဝှစ်ချ်ဘက်က ဂိုးစတင်ရရှိမယ်ဆိုရင် ပရိသတ်တွေက ဘက်ပြောင်းအားပေးမှာကို စိုးရိမ်မိတယ်လို့ အာဆင်နယ်ကစားသမား ဟောင်းရေးပါလာ ကပြောပါတယ်။

ရေးပါလာဟာ အာဆင်နယ်မှာ ၁၂ ကြာကစားခဲ့ပြီး အောင်မြင်မှုတွေရယူခဲ့တဲ့ အင်္ဂလန်ကွင်းလယ်လူ ဟောင်းတစ်ဦးပါ။ လက်ရှိအချိန်မှာ ဘောလုံးသုံးသပ်သူအဖြစ် လုပ်ဆောင်နေတဲ့ ရေးပါလာကတော့ အသင်းဟောင်း အာဆင်နယ်အသင်းအနေနဲ့ နောက်ထပ်ရူံးပွဲထပ်ကြုံတွေမှာကို စိုးရိမ်နေတာဖြစ် ပါတယ်။

စနေနေ့ ကစားမယ့်ပွဲစဉ်မှာ နောဝှစ်ချ်က ဂိုးစရမယ်ဆိုရင် အာဆင်နယ်ပရိတ်တွေဘက်က အားပေးမှုပြောင်းလဲသွားနိုင်ပြီး ပြိုင်ဘက်အသင်းကို အားပေးတာမျိုးဖြစ်လာမှာကို အလွန်စိုးရိမ်တယ်လို့ ရေးပါလာကပြောပါတယ်။

အာဆင်နယ် အသင်းအနေနဲ့ ဂိုးစပေးရပြီး ဖိအားရှိသွားစေမယ့် အခြေအနေမျိုး ဖြစ်မလာဖို့ မျှော်လင့်ပြီး နိုင်ပွဲစတင်ရရှိစေ ချင်တယ်လို့ ရေးပါလာကပြောပါတယ်။ အာဆင်နယ်ပရ်သတ်တချို့ဟာ မန်စီးတီးနဲ့ပွဲမှာ ပြိုင်ဘက်ဂိုးရချိန်မှာ အားပေးခဲ့ဖူးပါတယ်။ အာဆင်နယ်အသင်းဟာ အဖွင့် ၃ ပွဲဆက်တိုက်ရှုံးပွဲတွေ့ခဲ့တာကြောင့် ပွဲစဉ် ၄ မှာ ရလဒ်မကောင်းခဲ့ရင် ၁၁၈ နှစ်အတွင်း အဆိုးရွားဆုံးအခြေအနေကြုံတွေ့သွားမှာ ဖြစ်ပါတယ်။

2 weeks Ago
More News
Up