အာစင်ဝင်းဂါး

January 3, 2021

အသင်းက လိုအပ်လျှင် အာဆင်နယ်ကို ပြန်လာမည်ဟု အာစင်ဝင်းဂါးပြော

အသင်းဘက်က အကူအညီလိုအပ်ရင် အာဆင်နယ်ကို ပြန်လာဖို့ရှိတယ်လို့ နည်းပြဟောင်း အာစင်ဝင်းဂါးက ပြောလိုက်ပါတယ်။  အာဆင်နယ်ဂန္ထဝင်နည်းပြကြီး အာစင်ဝင်းဂါးဟာ ၂၀၁၈ ခုနှစ်မေလက အသင်းနဲ့ ၂၂ နှစ်ကြာ ကာလကို အဆုံးသတ်ပြီး ရာထူးကနေ အနားယူခဲ့တာပါ။  လက်ရှိအချိန်မှာ ကမ္ဘာ့ဘောလုံးအဖွဲ့ချုပ်မှာ ဘောလုံးတိုးတက်ရေးအရာရှိအနေနဲ့ တာဝန်ယူနေတဲ့ အာစင်ဝင်းဂါးကတော့ အာဆင်နယ်အသင်းက လိုအပ်လာမယ်ဆိုရင် အသင်းဆီပြန်လာဖို့ ရှိတယ်လို့  မှတ်ချက်ပေးခဲ့တာပါ။  ဒါပေမယ့် အဲဒီလိုဖြစ်လာဖို့တော့ မျှော်လင့်မထားကြောင်းနဲ့ အချိန်ကာလတစ်ခုရောက်ရင် အသင်းက တိုးတက်လာလိမ့်မယ်လို့ အာစင်ဝင်းဂါးက ပြောပါတယ်။  အာဆင်နယ်အသင်းဟာ အခုနှစ်ရာသီ နည်းပြ အာတီတာလက်ထက်မှာ အသင်းသမိုင်းတလျှောက် အဆိုးရွားဆုံးရလဒ်နဲ့ ရင်ဆိုင်ခဲ့ရပြီး အဆင့် ၁၅ အထိ ကျဆင်းခဲ့သေးတာပါ။  နည်းပြ အာတီတာနဲ့ပတ်သက်ပြီး အကောင်းဆုံးစွမ်းဆောင်နိုင်ဖို့ ဆန္ဒပြုပြီး အသင်းရဲ့ ဘဏ္ဍာရေးအခြေအနေတွေလည်း တိုးတက်လာပြီဖြစ်လို့ အောင်မြင်မှုတွေ ပြန်လည် ရယူနိုင်လိမ့်မယ်လို့ အာစင်ဝင်းဂါးက သုံးသပ်ခဲ့ပါတယ်။
10 months Ago

October 16, 2020

အိုဇေး အပယ်ခံဖြစ်နေကြောင်း အာစင်ဝင်းဂါး၏ပြောစကားကို အာတီတာ တုံ့ပြန်

ကွင်းလယ်ဖန်တီးရှင်အိုဇေးလ်ဟာ အာဆင်နယ်အသင်းမှာ အပယ်ခံဖြစ်နေတယ်ဆိုတဲ့ အာစင်ဝင်းဂါးရဲ့ ပြောစကားကို အာဆင်နယ်နည်းပြ အာတီတာက ပြန်လည်ချေပလိုက်ပါတယ်။   အိုဇေးဟာ အခုရာသီအတွင်းမှာ အာဆင်နယ်အသင်းအတွက် တစ်ပွဲမှ ပွဲထွက်ခွင့် မရရှိ သေးပါဘူး။  အာဆင်နယ်အသင်းရဲ့ တာဝန်ရှိသူတွေက ဒီရာသီမကုန်ခင် အိုဇေးကို အသင်းကနေ ဖယ်ရှား သွားဖို့ ဆွေးနွေးနေတယ်လို့လည်း သတင်းတွေမှာ ဖော်ပြပါတယ်။ အာဆင်နယ်နည်းပြဟောင်း အာစင်ဝင်းဂါးက လက်ရှိအသင်းမှာဖြစ်နေတဲ့ အိုဇေးရဲ့ အခြေအနေနဲ့ ပတ်သက်လို့ စိတ်မကောင်းဖြစ်မိတယ်လို့ပြောဆိုထားပြီး အိုဇေးဟာ အာတီတာရဲ့အ သင်းအတွက် အသုံးဝင်နေဆဲပဲလို့ အခုလအစောပိုင်းမှာပြောပါတယ်။ “အိုဇေးလ်ဟာအသင်းမှာ အပယ်ခံဖြစ်နေတယ်လို့ ကျနော်ခံစားရပါတယ်။ ဘာဖြစ်လို့လဲဆိုတော့ ပထမတချက်က သူဟာ ကစားသမား တဦးအတွက် အကောင်းဆုံး အသက်အရွယ်မှာ ရှိနေပါတယ်။ သူ့လို စူပါစတား တယောက်၊ final third ဇုန်မှာ killer pass တွေ ဖန်တီးပေးနိုင်တဲ့ ကစာသမားတယောက်ကို အသုံးမပြုတာဟာ  အသင်းအတွက်လည်း နစ်နာမှုပါပဲ" လို့ အိုဇေးလ်နဲ့ပတ်သက်တဲ့ မေးမြန်းမှုမှာ ဝင်းဂါးက ပြောခဲ့ပါတယ်။ ဝင်းဂါးရဲ့ပြောဆိုမှုနဲ့ပတ်သက်ပြီး လက်ရှိ အာဆင်နယ်အသင်းနည်းပြ အာတီတာက “ကျနော့်အနေနဲ့ကတော့ အသင်းမှာရှိတဲ့ ကစားသမား အားလုံးကို သူတို့ရဲ့အရည်အချင်းနဲ့ သင့်တော်မယ့် နည်းလမ်းကို ရှာဖွေပေးဖို့လို့ ထင်ပါတယ်။ ဒါဟာ အလုပ်ဖြစ်ပြီး ကစားသမားအားလုံးနဲ့ပတ်သက်တဲ့ ကျနော်တို့ရဲ့ တာဝန်ယူမှုလည်းဖြစ်ပါတယ်” လို့ ပြောပါတယ်။  အိုဇေးဟာ မကြာခင်ယှဉ်ပြိုင်တော့မယ့် ယူရိုပါလိဂ်ပြိုင်ပွဲအတွက် အာဆင်နယ်အသင်းရဲ့ လူစာရင်းကနေလည်း ချန်လှပ်ခံခဲ့ရပြီး ၃၂ နှစ်သားကို ချန်လှပ်ဖို့ ခက်ခက်ခဲခဲ စဉ်းစားခဲ့ရတယ်လို့ အာတီတာက ဝန်ခံပါတယ်။ “ချန်လှပ်ခံရတဲ့လူက သူတယောက်တည်းတော့ မဟုတ်ပါဘူး။ ဒီလိုဆုံးဖြတ်ဖို့ကိုလည်း ခက်ခက်ခဲခဲစဉ်းစားခဲ့ရပါတယ်။ ကျနော်ဒီလို မလုပ်ချင်ခဲ့ပါဘူး။ ဒါပေမဲ့ အသင်းရဲ့ နိုင်ငံခြားသား ကစားသမား စာရင်းမှာ အကန့်အသတ်ရှိတာကြောင့် ကံမကောင်းစွာနဲ့ပဲ ဒီလိုလုပ်ခဲ့ရပါတယ်” လို့ အာတီတာက ပြောပါတယ်။
1 year Ago
More News
Up