အာဂျင်တီးနားတွင် လစာတိုးမြှင့်ရေး တက္ကသိုလ်ဆရာ၊ ဆရာမများ ဆန္ဒပြ

May 18, 2017

အာဂျင်တီးနားတွင် လစာတိုးမြှင့်ရေး တက္ကသိုလ်ဆရာ၊ ဆရာမများ ဆန္ဒပြ

အာဂျင်တီးနားနိုင်ငံ မြို့တော် ဗျူနိုအေးရိစ်မှာ လစာတိုးမြှင့်ရေးခေါင်းစဉ်နဲ့ တက္ကသိုလ် ဆရာ၊ ဆရာမတွေ ဆန္ဒပြကြပါတယ်။ မေလ ၁၆ ရက်နေ့က ဆန္ဒပြသူတွေဟာ အမျိုးသားကွန်ဂရက် အပြင်ဘက်မှာ စုဝေးကြပြီး ပညာရေးဝန်ကြီးဌာနရှိရာကို ချီတက်ကြပါတယ်။ နိုင်ငံမှာ ဖြစ်ပေါ်နေတဲ့ ငွေကြေးဖောင်းပွမှုကို ကာမိအောင် လစာတိုးမြှင့်ဖို့ ဆရာ ဆရာမတွေ တောင်းဆိုနေကြတာပါ။ ဒါပေမယ့် လပေါင်းများစွာ ညှိနှိုင်းပြီးတဲ့နောက်မှာ အစိုးရက ၂၀ ရာခိုင်နှုန်းသာ တိုးမြှင့်ပေးခဲ့ပါတယ်။ တက္ကသိုလ်ကျောင်းဆရာတဦးက “သုံးလအတွင်း အစည်းအဝေး ၆ ကြိမ်လုပ်တယ်။ အနည်းဆုံး လက်ခံနိုင်တဲ့ အနေအထားတောင် မရခဲ့ပါဘူး။ အစိုးရက ၂၀ ရာခိုင်နှုန်း တိုးမြှင့်ပေးမယ် ပြောတယ်။ တကယ်တမ်းက လစာလျှော့ချလိုက်တာ ရှင်းနေတာပဲ” လို့ ပြောခဲ့ပါတယ်။ မေလ ၁၆ ရက်ေန့က ပြုလုပ်တဲ့ ချီတက်ပွဲဟာ သမ္မတ မော်ရေးရှိုး မက်ခရီ (Mauricio Macri) အစိုးရအဖို့ စမ်းသပ်မှုတခု ဖြစ်ပါတယ်။ မက်ခရီအစိုးရဟာ လာမယ့် အောက်တိုဘာမှာ ပြုလုပ်မယ့် ရွေးကောက်ပွဲတွေမတိုင်ခင် အားကောင်းတဲ့ သမဂ္ဂတွေကို တိုးမြှင့်တိုက်ဖျက်နေတာ ဖြစ်ပါတယ်။ မက်ခရီရဲ့ ညွန့်ပေါင်းအစိုးရဟာ ပြုပြင်ပြောင်းလဲရေး အစီအစဉ်ကို ဆက်လက်လုပ်ဆောင်ဖို့ ထောက်ခံမဲတွေကို ရရှိအောင် ကြိုးပမ်းနေတာ ဖြစ်ပါတယ်။ ၂၀၁၇ ခုနှစ် အာဂျင်တီးနားနိုင်ငံ ဗဟိုဘဏ်ရဲ့ ငွေကြေးဖောင်းပွမှု ထိန်းချုပ်ရေး ရည်မှန်းချက်ထက် အာဂျင်တီးနားနိုင်ငံရဲ့ လစာနှုန်းက အတော်လေး မြင့်မားနေတာဟာ အစိုးရအနေနဲ့ ငွေကြေးဖောင်းပွမှုကို ထိန်းချုပ်ဖို့ အတော်လေး ခက်ခဲစေပါတယ်။
4 years Ago
Up