အာကာသပညာတက္ကသိုလ်ကျောင်းသားဟောင်

October 2, 2021

အာကာသပညာတက္ကသိုလ်ကျောင်းသားဟောင်း ကိုကောင်းထက်သူကို ထောင်ဒဏ် ၃ လချ

ဖမ်းဆီးခံထားရတဲ့ မြန်မာနိုင်ငံ လေကြောင်းနဲ့ အာကာသပညာတက္ကသိုလ်ကျောင်းသားဟောင်း ကိုကောင်းထက်သူကို စစ်ကောင်စီက ထောင် ၃ လ ချလိုက်ပြီး ဇနီးဖြစ်သူကိုလည်း နှိပ်စက်စစ်ဆေးနေတယ်လို့ အဲဒီကျောင်းရဲ့ ကျောင်းသားသမဂ္ဂ (MAEU) က ထုတ်ပြန်ပါတယ်။

ကိုကောင်းထက်သူကို ပြီးခဲ့တဲ့ စက်တင်ဘာ ၁၈ ရက်က မုံရွာမြို့၊ ဒေါင်းကျောင်းရှေ့မှာ ဖမ်းဆီးခဲ့တာဖြစ်ပြီး ပုဒ်မ ၁၈၈ နဲ့ စွဲဆို ထောင်ချလိုက်တာပါ။

သူ့ရဲ့ ဇနီးဖြစ်သူကိုတော့ စစ်ဆေးနေဆဲဖြစ်ပြီး ရိုက်နှက် နှိပ်စက်တာတွေရှိတယ်လို့ MAEU က ဆိုပါတယ်။

ကိုကောင်းထက်သူဟာ အကြမ်းဖက်စစ်တပ်က အာဏာသိမ်းပြီးနောက်ပိုင်း Mytel ကုမ္ပဏီဝန်ထမ်းအဖြစ်က နုတ်ထွက်ပြီး ဇနီးသည်နဲ့အတူ မုန့်ဟင်းခါးရောင်း၊ သပြေပန်းရောင်းပြီး အသက်မွေးဝမ်းကြောင်းပြုနေတယ်လို့လည်း ဆိုပါတယ်။

2 weeks Ago
Up