အသွားအလာကန့်သတ်

A d v e r t i s e m e n t With Us

January 18, 2021

ဝန်ထမ်း ၁ ဦး ကိုဗစ်ကူးခံရသဖြင့် ကွမ်းခြံကုန်း မြို့နယ်ပညာရေးမှူးရုံးကို အသွားအလာကန့်သတ်

ရန်ကုန်တိုင်း၊ ကွမ်းခြံကုန်းမြို့ရဲ့ မြို့နယ်ပညာရေးမှူးရုံးက စာရေးမတစ်ဦးမှာ ဇန်နဝါရီ ၁၇ ရက်က ကိုဗစ်-၁၉ ရောဂါပိုး တွေ့ရှိခဲ့တဲ့အတွက် မြို့နယ်ပညာရေးမှူးရုံးကို အသွားအလာကန့်သတ်ထားပါတယ်။ ရုံးဝန်ထမ်း ၂၇ ယောက်ကို ဝန်ထမ်းအင်အားလျော့ချပြီး လက်ရှိမှာ ၁၀ ယောက်နဲ့ပဲ ရုံးလုပ်ငန်းတွေကို အဓိကလည်ပတ်နေပါတယ်။ ရုံးဝန်ထမ်းတွေနဲ့ ပြင်ပလူ ဆက်စပ်မှုမရှိအောင် ဆောင်ရွက်ထားပြီး လက်ရှိလည်ပတ်နေတဲ့ ဝန်ထမ်း ၁၀ ယောက်ကိုလည်း ကျန်းမာရေးစစ်ဆေးနိုင်အောင် မြို့နယ်ဆရာဝန်ကြီးနဲ့ ချိတ်ဆက်နေတယ်လို့ ကွမ်းခြံကုန်းမြို့၊ မြို့နယ်ပညာရေးမှူး၊ ဒေါ်အေးအေးသိုက်က ပြောပါတယ်။ ရုံးဝန်ထမ်း စာရေးမဟာ ဖခင်ကတစ်ဆင့် ရောဂါပိုး ကူးဆက်ခံရတာဖြစ်ပြီး သူနဲ့ ထိစပ်ထားတဲ့ ရုံးဝန်ထမ်း ၅ ယောက်နဲ့ မိသားစုဝင် ၂ ယောက်ကို အထက(၁)၊ ကွာရန်တင်းစင်တာမှာ အသွားအလာကန့်သတ်ထားပါတယ်။ အတည်ပြုလူနာကိုတော့ ဇန်နဝါရီ ၁၈ ရက်က ဖောင်ကြီးကုသရေးစင်တာကို ပို့ဆောင်ထားတယ်လို့လည်း သိရပါတယ်။ ကျန်းမာရေးနဲ့အားကစားဝန်ကြီးဌာနရဲ့ ထုတ်ပြန်ချက်အရ ကွမ်းခြံကုန်းမြို့နယ်မှာ ကိုဗစ်အတည်ပြုလူနာ ၂၉၉ ဦး၊ သေဆုံးသူ ၉ ဦးရှိတယ်လို့ သိရပါတယ်။ လွင်မိုးအောင်
1 month Ago

December 24, 2020

ပုသိမ်ရဲစခန်းတွင် အချုပ်သား ၁ ဦး ပိုးတွေ့၊ ရဲနှင့်အချုပ်သား ၂၁ ဦးကို အသွားအလာကန့်သတ်

ဧရာဝတီတိုင်း၊ ပုသိမ်မြို့ မြို့မရဲစခန်းမှာ ဒီဇင်ဘာ ၂၃ ရက်နေ့က အချုပ်သား ၁ ဦးမှာ ကိုဗစ်ရောဂါပိုးတွေ့ရှိခဲ့တယ်လို့ တိုင်းရဲတပ်ဖွဲ့က သိရပါတယ်။ ရောဂါပိုးတွေ့ရှိခဲ့တဲ့ အချုပ်သားဟာ အချုပ်ခန်းထဲကို ရောက်တာ ရက်ပိုင်းလောက်သာရှိသေးတာဖြစ်ပြီး ပထမအကြိမ်စစ်ဆေးတာ ပိုးမတွေ့ခဲ့ဘဲ ဒုတိယအကြိမ်စစ်ဆေးတာမှာ ရောဂါပိုးတွေ့ရှိခဲ့တာလို့ တိုင်းရဲတပ်ဖွဲ့က ပြောရေးဆိုခွင့်ရှိသူ ဒုရဲမှူးကြီး ထွန်းရွှေက ပြောပါတယ်။ "သူနဲ့ထိစပ်မိခဲ့တဲ့ တပ်ဖွဲ့ဝင်တွေနဲ့ အချုပ်သားတွေကို အသွားအလာကန့်သတ်ထားပါတယ်၊ ရောဂါပိုးရှိ မရှိလည်း စစ်ဆေးဖို့လုပ်နေပါတယ်။ အချုပ်သားတွေကိုတော့ သီးသန့်နေရာထားရှိ သွားမှာပါ။”  ရောဂါပိုးတွေ့ရှိခဲ့တဲ့ အချုပ်သားဟာ ပုသိမ်မြို့မှာနေထိုင်သူဖြစ်ပြီး သနပ်ခါးတုံးရောင်းတဲ့ အလုပ်လုပ်ကာ ခရီသွားရာဇဝင်နဲ့ ပိုးတွေ့လူနာနဲ့ ထိတွေ့ခဲ့ဘူးတာမရှိဘူးလို့ သိရပါတယ်။ ဧရာဝတီတိုင်းမှာ ဒီဇင်ဘာလ ၂၄ ရက်နေ့ မနက် ၉ နာရီထိ ကိုဗစ်-၁၉ အတည်ပြုလူနာ ၄၁၉၂ ဦးရှိပြီး ဆေးရုံဆင်းခွင့်ရသူ ၃၅၅၉ ဦးရှိကာ သေဆုံးသူ ၃၅ ဦးထိ ရှိလာပြီလို့ တိုင်းကျန်းမာရေးဦးစီးဌာနက ထုတ်ပြန်ပါတယ်။ မင်းထက်မုန်း (ပုသိမ်)
2 months Ago
More News
Up