အသေခံဗုံးခွဲမှု

A d v e r t i s e m e n t With Us

November 28, 2020

ဆိုမာလီတွင် အသေခံဗုံးခွဲမှုကြောင့် ၆ ဦး သေဆုံး

ဆိုမာလီယာနိုင်ငံ၊ မြို့တော်မိုဂါဒစ်ရှူးက ရေခဲမုန့်ဆိုင်တစ်ဆိုင်မှာ နိုဝင်ဘာ ၂၇ ရက်က အသေခံဗုံးခွဲမှု ဖြစ်ခဲ့ပြီး လူ ၆ ယောက် သေဆုံးကာ ၈ ယောက် ဒဏ်ရာရခဲ့တယ်လို့လည်း ပြန်ကြားရေးဌာန ပြောခွင့်ရပုဂ္ဂိုလ်က သတင်းထောက်တွေကို ပြောပါတယ်။ ဗုံးခွဲတိုက်ခိုက်ခံရတဲ့ ဂျယ်လာတိုဒီဗင် ရေခဲမုန့်ဆိုင်ဟာ မြို့လယ်ကောင် K4 Junction အနီး တည်ရှိပါတယ်။  ဒီတိုက်ခိုက်မှုဟာ ဘယ်သူ့လက်ချက်လဲဆိုတာကို ရှင်းရှင်းလင်းလင်း မသိရပေမဲ့ အယ်ရှာဘတ် သောင်းကျန်းသူအဖွဲ့ဟာ မြို့တော်နဲ့ တခြားနေရာတွေမှာ မကြာခဏ ဗုံးခွဲလေ့ရှိပါတယ်။ အယ်ရှာဘတ်အဖွဲ့ဟာ အယ်လ်ကိုင်းဒါးအဖွဲ့နဲ့ မဟာမိတ်ပြုထားပြီး ဆိုမာလီနိုင်ငံကို တင်းကျပ်တဲ့ ရှီးယားဘာသာရေးဥပဒေနဲ့ အုပ်ချုပ်လိုတယ်လို့ ရိုက်တာသတင်းမှာ ဖော်ပြထားပါတယ်။
3 months Ago

November 18, 2020

ဆိုမာလီတွင် အသေခံဗုံးခွဲမှုကြောင့် ၅ ဦး သေဆုံး၊ ၈ ယောက် ဒဏ်ရာရ

ဆိုမာလီနိုင်ငံ မြို့တော် မိုဂါဒစ်ရှူးက ရဲတပ်စခန်းအနီး စားသောက်ဆိုင်တစ်ဆိုင်မှာ နိုဝင်ဘာ ၁၇ ရက်က အသေခံဗုံးခွဲမှုကြောင့် ၅ ယောက် သေဆုံးပြီး ၈ ယောက် ဒဏ်ရာရခဲ့ပါတယ်။  ဒီတိုက်ခိုက်မှုဟာ ဘယ်သူ့လက်ချက်ဆိုတာကိုတော့ သဲသဲကွဲကွဲ မသိရသေးပါဘူး။ အယ်လ်ကိုင်ဒါအဖွဲ့ မဟာမိတ်ဒေသခံ အယ်ရှာဘတ်အဖွဲ့ဟာ မကြာခဏဆိုသလို မြို့တော် မိုဂါဒစ်ရှူးနဲ့ တခြားနေရာတွေမှာ ဗုံးခွဲတိုက်ခိုက်တာတွေ လုပ်လေ့ရှိပါတယ်။  ဒီလိုလုပ်တာက ဆိုမာလီ ဗဟိုအစိုးရကို ဖြုတ်ချဖို့ ကြိုးပမ်းတဲ့ သူတို့လှုပ်ရှားမှု တစ်စိတ်တပိုင်း ဖြစ်ပါတယ်။ အယ်ရှာဘတ်အဖွဲ့က အာဖရိကဦးချိုဒေသ ဆိုမာလီမှာ တင်းကျပ်တဲ့ အစ္စလာမ်ရှီယာ ဥပဒေကို ပြဋ္ဌာန်းပြီး သူတို့ကိုယ်တိုင် အုပ်ချုပ်လိုတယ်လို့ ရိုက်တာသတင်းမှာ ဖော်ပြပါတယ်။
3 months Ago
Up