အသတ်ခံရ

September 17, 2021

ခင်ဦးမြို့နယ်၌ ပျူစောထီးအဖွဲ့ဝင် ၂ ဦးအသတ်ခံရပြီးနောက် ပြည်သူအယောက် ၂၀ ကို စစ်အုပ်စုကဖမ်းဆီး

စစ်ကိုင်းတိုင်း၊ ခင်ဦးမြို့နယ်က ကံသစ်ကျေးရွာကို စက်တင်ဘာ ၁၆ ရက် ညနေ ၄ နာရီလောက်မှာ အိမ်စီးကား ၅ စီးအပါအဝင် ဆိုင်ကယ်တွေနဲ့လာတဲ့ အာဏာသိမ်း စစ်အုပ်စု လက်ပါးစေ အရပ်ဝတ်လက်နက်ကိုင်တွေက ကျေးရွာပြည်သူ ၂၀ ကျော် ဖမ်းဆီးခဲ့ပြီး တချို့ကို ငွေကျပ် ၁၀ သိန်းနဲ့  လာရွေးခိုင်းနေတယ်လို့ ဒေသခံတွေက ပြောပါတယ်။

ကံသစ်ကျေးရွာက အသက်မပြည့်သေးသူနဲ့ ကျန်းမာရေးမကောင်းသူတွေ အပါအဝင် အမျိုးသား ၂၂ ဦးကို ဖမ်းဆီးသွားတာပါ။ အဲဒီထဲက တစ်ဦးကို လူသတ်မှုပုဒ်မနဲ့တရားစွဲဆိုထားပြီး ကျန်တဲ့ ၂၁ ဦးအား တစ်ဦးကို ကျပ် ၁၀ သိန်းနှုန်းနဲ့ ရွေးဖို့ တရားလိုလုပ်သူ ပျူစောထီးအဖွဲ့ဝင်တစ်ဦးက ညှိနှိုင်းနေတာလို့ သိရပြီး ဒီသတင်းပေါက်ကြားခဲ့ပါက ပြန်လွှတ်မပေးဘူးဆိုပြီး ခြိမ်းခြောက်ထားတယ်လို့ ဆိုပါတယ်။ 

ကံသစ်ရွာနဲ့ လက်ပံကြီးရွာတို့က ပျူစောထီးအဖွဲ့ဝင်နှစ်ဦးကို King Cobra အဖွဲ့က ရှင်းလင်းသုတ်သင်ပြီးနောက် အခုလို အရပ်ဝတ် လက်နက်ကိုင်အဖွဲ့တွေက ဖမ်းဆီး ရိုက်နှက်စစ်ဆေးတာတွေ လုပ်လာတာလို့ ဒေသခံတဦးက ပြောပါတယ်။

“တချို့ကို ရိုက်နှက်စစ်ဆေးပြီး တချို့ကို တစ်ဦးငွေ ဆယ်သိန်းနဲ့ အရွေးခိုင်းထာတယ်။ တတ်နိုင်တဲ့သူကတော့ ရွေးကြတာပေါ့။ မတတ်နိုင်တဲ့သူက များတယ်လေ။ အသတ်ခံရသူ အိမ်မှာ ညက ပျူအဖွဲ့ဝင်လို့ ထင်ရတဲ့ လက်နက်ကိုင်တွေနဲ့စစ်သားတချို့ စောင့်နေတာ တွေ့တယ်။”

ရွာသားတွေဟာ ‌ငွေဆယ်သိန်းနဲ့ရွေးနိုင်ဖို့ တတ်နိုင်တဲ့သူရှိသလို မတတ်နိုင်တဲ့သူတွေလည်း ရှိနေတဲ့အတွက် အခုထိ ညှိနှိုင်းလို့ အဆင်မပြေကြသေးဘူးလို့ သိရပါတယ်။

ကံသစ်ကျေးရွာသား ပျူစောထီးအဖွဲ့ဝင် အသက် ၃၀ အရွယ် ကိုတိုးနိုင်က  ရွာအနောက်ဘက် လယ်မြေမှာ စက်တင်ဘာ ၁၆ ရက် မနက် ၉ နာရီလောက်က သေနတ်နဲ့ ပစ်သတ်ခံခဲ့ရတာဖြစ်ပြီး လက်ပံကြီးကျေးရွာသား အသက် ၅၀ အရွယ် ကိုဖိုးချောကတော့ ခင်ဦး-ရွှေဘို OMC မူးဘောင်ပေါ်မှာ စက်တင်ဘာ ၁၆ ရက်  ညနေ ၃ နာရီလောက် ဓားဒဏ် ရာတွေနဲ့ သေဆုံးနေတာဖြစ်ပါတယ်။

ဒီဖြစ်စဉ် ၂ ခုလုံးကို ခင်ဦးမြို့နယ်တောကြီးမြွေဟောက်အဖွဲ့ King Cobra က ၂၂ ယောက်‌မြောက် ရှင်းလင်းသုတ်သင်ခဲ့တာလို့ အတိအလင်း ကြေညာထားပါတယ်။

ခင်ဦးမြို့နယ် ကံသစ်ကျေးရွာအပြင် လယ်တောမှာ မနေ့ မနက်ကိုးနာရီလောက်က ပျူစောထီးအဖွဲ့ဝင်တွေဖြစ်ကြတဲ့ ကိုတိုးနိုင်နဲ့ ကိုနိုင်ဝင်း၊ ကိုဝင်းရွှေတို့ သုံးဦး သေနတ်ပစ်ခံရတာဖြစ်ပါတယ်။  

ပစ်ခတ်မှုကြောင့် ကိုတိုးနိုင် နေရာတင်သေဆုံးပြီး ကျန်နှစ်ဦး ထွက်ပြေးလွတ်မြောက်သွား တယ်လို့ ဆိုပါတယ်။

ဒေသခံတဦးက “ကံသစ်ရွာမှာ ပျူစောထီးအဖွဲ့ကလူတွေ မြေဆီသယ်သွားရင်းနဲ့ ပီဒီအက်ဖ်အဖွဲ့က လိုက်ပစ်တာ၊ သုံးယောက်သွားတာမှာ တယောက်က သေသွားတယ်။ သေသွားတဲ့ကောင်က တိုးနိုင်တဲ့ ပျူစောထီးအဖွဲ့က။ နှစ်ယောက်က မသေဘဲနဲ့ထွက်ပြေးပြီး ရွာထဲပြန်ဝင်တယ်၊ သူတို့က စစ်ကောင်စီကပေးတဲ့လက်နက်ပြန်ယူပြီး ပီဒီအက်ဖ်အဖွဲ့ကို ပြန်လိုက်ပစ်တယ်။ မမီတော့ဘူး၊ အဲတော့ သူတို့က စစ်ကောင်စီတပ်တွေကို ခေါ်လိုက်တော့ ရွာကို ပျူစောထီးအဖွဲ့နဲ့ စစ်ကောင်စီအဖွဲ့နဲ့ဝင်ပြီး အိမ်ထဲရှိတဲ့ရွာသားတွေခေါ်ပြီး လူငါးဆယ်လောက် ဖမ်းပြီး ခင်ဦးကို ခေါ်သွားတယ်။ အဲဒီထဲမှာ အသက်မပြည့်တဲ့ ကလေးအရွယ်တွေပါ ခေါ်သွားတယ်။” 

သေဆုံးသူ ကိုတိုးနိုင်ရဲ့အလောင်းကို စစ်ကောင်စီတပ်ဖွဲ့က ခင်ဦးမြို့ပေါ်ကို ယူဆောင်သွားတယ်လို့ ဆိုပါတယ်။

စစ်တပ်က အာဏာသိမ်းပြီးနောက် စစ်ကိုင်းတိုင်းဒေသအတွင်းမှာ တခြားဒေသတွေနည်းတူ ဒလန်သတင်းပေးတွေကို ရှင်းလင်းတာ၊ အုပ်ချုပ်ရေးမှူးတွေကိုရှင်းလင်းတာ လုပ်ဆောင်နေပါတယ်။ 

အမျိုးသားညီညွတ်ရေးအစိုးရကလည်း စက်တင်ဘာ ၇ ရက်နေ့မှာ နိုင်ငံတဝန်းအရေးပေါ်အခြေအနေနဲ့ ခုခံစစ်ကို စတင်လိုက်ပြီလို့ တရားဝင်ကြေညာထားပါတယ်။

2 days Ago

September 10, 2021

စစ်တပ်က မိုင်းနင်းခိုင်းပြီး အသတ်ခံခဲ့ရသူ ၃ ဦးအပါအဝင် ကျဆုံးပြည်သူ အယောက် ၁၀၆၀ နီးပါးရှိလာ

မြန်မာနိုင်ငံမှာ မတရားအာဏာသိမ်းကာလ ၇ လကျော်အကြာ အကြမ်းဖက်စစ် တပ် ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၁၀၅၈ ယောက်ထိရှိပြီလို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ စက်တင်ဘာ ၉ ရက်အထိ အေအေပီပီက ကောက်ယူမှတ်တမ်း ပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင်တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၇၉၉၂ ယောက် ဖမ်းဆီးခံခဲ့ရကာ ၆၃၄၃ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၂၇၂ ယောက်ကတော့ ထောင်ဒဏ် ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအ တွက်ကတော့ ၁၉၈၄ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ  သေ ဒဏ်ချမှတ်ခံထားရသူ စုစုပေါင်း ၆၅ ယောက် ရှိခဲ့ပြီဖြစ်ပါတယ်။

မကွေးတိုင်းဒေသကြီး၊ ပေါက်မြို့နယ်၊ ဒိန်းကွင်းကျေးရွာက ဒေသခံတောင်သူ ၃ ယောက်ဖြစ်ကြတဲ့ ဦးညိုသန်း၊ ဦးစိုးနိုင်ဝင်းနဲ့ ဦးမင်းမင်းတို့ကို အကြမ်းဖက်စစ်အုပ်စု တပ် သားတွေက ဩဂုတ် ၂၇ ရက်နေ့မှာ လမ်းပြအဖြစ် ဖမ်းဆီးခေါ်ဆောင်သွားခဲ့ပြီးနောက် မိုင်းပေါ်တက်နင်းခိုင်းပြီး သတ်ဖြတ်ခဲ့တယ်လို့ သိရှိရပါတယ်။

အကြမ်းဖက်စစ်တပ်က ဩဂုတ် ၃၀ ရက်နေ့ကတည်းက ဖမ်းဆီးသွားခဲ့တဲ့ မန္တ လေးတိုင်းဒေသကြီး၊ တောင်သာမြို့နယ်၊ ဘုရားလှကျေးရွာမှ အမျိုးသားဒီမိုကရေစီအဖွဲ့ ချုပ်(NLD) ပါတီထောက်ခံသူတယောက်ဖြစ်တဲ့ ဦးမိုးကို စစ်တပ်က စက်တင်ဘာ ၈ ရက်ညအချိန်က  ရွာကို ပြန်လည်ခေါ်ဆောင်လာကာ ဘုရားလှကျေးရွာထိပ်မှာ ဦးခေါင်း နဲ့ ရင်ဘတ်ကို သေနတ်နဲ့ ပစ်သတ်ခဲ့တယ်လို့ ဆိုပါတယ်။

အာဏာဖီဆန်ရေးလှုပ်ရှားမှု(CDM)ပြုလုပ်ထားတဲ့ ပဲခူးတိုင်းဒေသကြီး၊ ကဝမြို့ နယ်က လက်ထောက်မြို့နယ်ပညာရေးမှူး ဦးအောင်မျိုးသူကို အကြမ်းဖက်စစ်အုပ်စုက လူနာတင်ယာဉ်ကို အသုံးပြုကာ စက်တင်ဘာ ၈ ရက်နေ့ ညနေ ၄ နာရီဝန်းကျင်က နေ အိမ်မှာ လာရောက်ဖမ်းဆီးသွားခဲ့ကြောင်း သိရှိရပါတယ်။

အေအေပီပီအနေနဲ့ လက်ရှိအခြေအနေတွေကို နေ့စဉ် စောင့်ကြည့်မှတ်တမ်းတင် နေတာဖြစ်ပြီး စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ်ချမှတ်ခံ ထားရသူတွေ စာရင်းကို နေ့စဉ် ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ် ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေ စတဲ့ နယ်ပယ်အသီး သီးက ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ်အသိပေး အကြောင်းကြားဖို့ အသိပေးထားပါတယ်။

1 week Ago
More News
Up