အသင်း

A d v e r t i s e m e n t With Us

January 10, 2021

အသင်းကို အများကြီး ပြုပြင်ရဦးမည်ဟု ပီအက်စ်ဂျီနည်းပြ ပိုချက်တီနိုပြော

ဘရက်အသင်းကို ၃ ဂိုးပြတ်နဲ့ အနိုင်ရရှိခဲ့ပေမယ့် အသင်းမှာ ပြုပြင်စရာတွေ အများကြီးရှိသေးတယ်လို့ ပီအက်စ်ဂျီနည်းပြ ပိုချက်တီနိုက ပြောပါတယ်။  ဒီပွဲမှာ ပီအက်စ်ဂျီအသင်းအတွက် တိုက်စစ်မှူးမွိုက်ကိန်းက အဖွင့်ဂိုးသွင်းယူပေးခဲ့ပြီး လူစားဝင်ကစားသမားတွေဖြစ်တဲ့ အီကာဒီနဲ့ ဆာရာဘီးယားတို့ကလည်း နောက်ထပ်ဂိုးတွေ ထပ်သွင်းခဲ့ပါတယ်။  ဒါဟာ ပိုချက်တီနိုရဲ့ ဒုတိယမြောက်ပွဲဖြစ်ပြီး ပွဲဦးထွက်မှာတော့ စိန့်အက်တီယန်ကို ၁ ဂိုးစီ သရေကျခဲ့ပါတယ်။ စနေနေ့ နိုင်ပွဲကြောင့် လက်ရှိ ချန်ပီယံပီအက်စ်ဂျီအသင်းဟာ ဇယားကိုဦးဆောင်နေတဲ့ လိုင်ယွန်အသင်းနဲ့ ၁ မှတ်အကွာအနေအထားကို ရောက်ရှိသွားခဲ့ပါတယ်။ ဒီပွဲကို သက်သောင့်သက်သာအနိုင်ရရှိခဲ့ပေမယ့် အသင်းမှာ တိုးတက်စရာတွေ အများကြီးရှိနေသေးတယ်လို့ ပိုချက်တီနိုက ပြောပါတယ်။  “ရလဒ်အတွက်ကျေနပ်မိပါတယ်။ ဒါဟာ ကစားသမားအားလုံးရဲ့ ကြိုးစားမှုအသီးအပွင့်ပါ။ ဒါ့ပေမယ့် အသင်းမှာ နောက်ထပ်လုပ်စရာအများကြီး ကျန်နေပါသေးတယ်။ ဒါ့ကြောင့် အမြင့်ဆုံးအဆင့်နဲ့ ကြိုးစားမှုတွေကို ဆက်လုပ်ရပါဦးမယ်။” ဒီပွဲမှာအသင်းရဲ့ အဓိကတိုက်စစ်မှူး အမ်ဘာပေဟာ ဂိုးပေါက်ပျောက်ဆုံးခဲ့ပြီး သူ့ကန်ချက် ၃ ကြိမ်လုံးဟာ ဂိုးအဖြစ်မပြောင်းလဲခဲ့ပါဘူး။ ဒါပေမယ့် ပြင်သစ်လက်ရွေးစင်ဟာ ဆာရာဘီယားရဲ့ဂိုး ကို လှလှပပဖန်တီးပေးနိုင်ခဲ့ပါတယ်။ အမ်ဘာပေနဲ့ ပတ်သက်လို့ ပိုချက်တီနိုက “အမ်ဘာပေဟာ ကောင်းမွန်တဲ့အရာတွေကို လုပ်ပြနိုင်ခဲ့ပါတယ်။ သူအခွင့်အရေးတွေ ရခဲ့ပေမယ့် ဂိုးတော့မသွင်းနိုင်ခဲ့ပါဘူး။ ဒါပေမယ့် သူဒီပွဲကို ကောင်းကောင်းကစား နိုင်ခဲ့ပါတယ်” လို့ပြောပါတယ်။  ဒီပွဲမှာ ပီအက်စ်ဂျီဟာ ဘောလုံးပိုင်ဆိုင်မှု ၆၀ ဒသမ ၉ အထိ ရရှိခဲ့ပြီး အခွင့်အရေးဖန်တီးမှုလည်း ၁၁ ကြိမ်ရှိခဲ့ပါတယ်။ ဒါဟာ နည်းပြဟောင်း တူချယ်ရဲ့ ၆၃ ဒသမ ၉ ရာခိုင်နှုန်းထက်နည်းပါးနေပေမယ့် ၂ ပွဲကစားပြီးချိန်မှာ ပိုချက်တီနိုရဲ့ ကစားကွက်စတိုင်ကို ရှင်းရှင်းလင်း မြင်လာရပြီလို့ ဆာရာဘီးယားက ပြောပါတယ်။ “သူက ကျနော်တို့ကို ဘောလုံးကိုင်ပြီး ပြိုင်ဘက်ကို မတည်အငြိမ်ဖြစ်အောင်လုပ်စေချင်ပါတယ်။ သူဟာ ဖိအားပေးမှုတွေပြုလုပ်ဖို့ ကျနော်တို့ကိုလည်း တောင်းဆိုပါတယ်။ ဒီဖိအားပေးမှုက အရမ်းမြင့်လွန်းပါတယ်။ ဒါပေမယ့် အကောင်းဆုံးအရာတွေကို လုပ်ဆောင်ဖို့ နည်းပြရဲ့အိုင်ဒီယာတွေကို သိမြင်နေဖို့ဆိုတာ အရေးပါပါတယ်။”   
2 months Ago
Up