အသက်အငယ်ဆုံး

October 7, 2021

ဘာစီလိုနာကြယ်ပွင့် ဂါဘီ စပိန်အသင်းသမိုင်း၏ အသက်အငယ်ဆုံး ပွဲထွက်ခွင့်ရသူ ဖြစ်လာ

ဘာစီလိုနာကွင်းလယ်ကြယ်ပွင့် ဂါဘီဟာ အီတလီနဲ့ပွဲစဉ်မှာ ပွဲထွက်ကစားခွင့်ရပြီးနောက် စပိန်း လက်ရွေးစင်သမိုင်းတစ်လျှောက် အသက်အငယ်ဆုံးကစားသမားအဖြစ် မှတ်တမ်းဝင်ခဲ့ပါတယ်။

အခုနှစ်ရာသီ ဘာစီလိုနာအသင်းမှာ ပွဲထွက်ခွင့်ရလာတဲ့ ဂါဘီဟာ အသက် ၁ရ နှစ် နဲ့ ၆၂ ရက်သာရှိ သေးပြီး စပိန်လက်ရွေးစင်သမိုင်းတစ်လျှောက် အသက်အငယ်ဆုံး ပွဲထွက်ခွင့်ရတဲ့က စားသမားဖြစ်လာခဲ့တာပါ။ 

၁၉၃၆ ခုနှစ်က ၁၇ နှစ်၊ ၂၈၄ ရက်နဲ့ ပွဲထွက်ခွင့်ရခဲ့တဲ့ အိန်ဂျယ်ဇူဘီတာကို ကျော်ဖြတ်ပြီး ဂါဘီက စံချိန်သစ်တင်ခဲ့တာဖြစ်ပါတယ်။ 

ဒါ့အပြင် ဘာစီလိုနာအသင်းဖော်တွေဖြစ်တဲ့ ပက်ဒရီနဲ့ အန်းဆုဖာတီတို့ကိုလည်း ကျော်ဖြတ်နိုင်ခဲ့တာပါ။ 

ဂါဘီဟာ ပြီးခဲ့တဲ့ယူရိုပြိုင်ပွဲမှာ ပရိသတ်တစ်ဦးအနေနဲ့သာ ကြည့်ရူခဲ့ရပြီး အခုနှစ်ရာသီမှာ လာလီဂါပွဲစဉ် ၂၇၅ မိနစ်သာ ကစားခဲ့ပြီးနောက် စပိန်လက်ရွေးစင်ကစားသမား ဖြစ်လာခဲ့တာပါ။ 

အသက် ၁၇ နှစ်နဲ့ ၂ လခန့်သာ ရှိသေးတဲ့ ဂါဘီဟာ ယူရိုချန်ပီယံအီတလီနဲ့ ပွဲဦးထွက်ပွဲစဉ်မှာ ခြေစွမ်းပြသနိုင်ခဲ့ပြီး ပွဲချိန် ၈၄ မိနစ်ရောက်မှ လူစားလဲခံခဲ့ရတာဖြစ်ပါတယ်။ 

3 weeks Ago
Up