အဝေးပစ်လက်နက်ကြီး

February 23, 2022

အဝေးပစ်လက်နက်ကြီး ထုတ်လုပ်အောင်မြင်ဟု ယောဒေသ PDF ပြော

အကြမ်းဖက်စစ်ကောင်စီကို ခုခံတွန်းလှန်နိုင်ဖို့အတွက် လက်နက်တွေကို စမ်းသပ်ထုတ်လုပ်နေရာမှာ အဝေးပစ်လက်နက်ကြီးတချို့ ထုတ်လုပ်အောင်မြင်နေပြီလို့ ယောဒေသ ဒရုန်းနဲ့ လက်နက်နည်းပညာအဖွဲ့က ပြောပါတယ်။ 

“အခုဟာကို ပလုံဂျိမ်းလက်နက်လို့ နာမည်ပေးထားတယ်။ ၁ ဒသမ ၈ ကီလိုမီတာ (၁ မိုင်ကျော်) ပြေးတယ်။ မီတာ ၁၅၀ ပတ်လည်ကို ထိရောက်တယ်။ အခုက ဒါထက်ကြီးတာကိုလည်း ထုတ်နေတာ။ တလုံးကို ၅ သိန်းလောက်ကုန်တော့ အများကြီး မထုတ်နိုင်သေးဘူး။ လက်ရှိမှာတော့ တိုက်ပွဲတွေမှာ သုံးနေပြီ” လို့ လက်နက်တာဝန်ခံက ပြောပါတယ်။

အဆင့်မြှင့်ပြီး ထုတ်လုပ်မယ့် လက်နက်ကြီးက ပစ်ခတ်တဲ့ ဒီဂရီပေါ်မူတည်ပြီး ၂ မိုင်ခွဲကနေ ၃ မိုင်အထိ ပြေးနိုင်သလို မီတာ ၃၀၀ ပတ်လည်ကို ပေါက်ကွဲထိရောက်တယ်လို့လည်း သူက ဆိုပါတယ်။

ဒါတွေဟာ နောက်ဆုံး စမ်းသပ်ထုတ်လုပ်သုံးစွဲနေတာတွေ ဖြစ်ပြီး ဒီအရင်ကလည်း အဝေးပစ်လက်နက်ကြီးတွေ ထုတ်လုပ်သုံးစွဲနေတာ ဖြစ်ပါတယ်။

ယောဒေသက ပြည်သူ့ကာကွယ်ရေးတပ်တွေဟာ ဒေသတွင်းတိုက်ပွဲတွေ ရင်ဆိုင်နေရသလို ချင်းပြည်သူ့ကာကွယ်ရေးတပ်တွေနဲ့လည်း ပူးပေါင်းပြီး အကြမ်းဖက်စစ်ကောင်စီကို ခုခံတွန်းလှန်နေကြတာ ဖြစ်ပါတယ်။

4 months Ago

January 16, 2022

ဟိန်ဇိန်ကျေးရွာ အနီးတဝိုက်ကို စစ်ကောင်စီတပ်က အဝေးပစ်လက်နက်ကြီးများဖြင့် ပစ်ခတ်

ကလေးတက္ကသိုလ်အတွင်း တပ်စွဲထားတဲ့ စစ်ကောင်စီတပ်က ချင်းပြည်နယ်၊ တီးတိန်မြို့နယ် ဟိန်ဇိန်ကျေးရွာတဝိုက်ကို ဒီနေ့မနက်ပိုင်းကစတင်ပြီး အဝေးပစ်လက်နက်ကြီးတွေနဲ့ ပစ်ခတ်တိုက်ခိုက်နေတယ်လို့ ကျေးရွာဒေသခံတွေဆီက သိရပါတယ်။

တိုက်ပွဲမဖြစ်ပေမယ့်လည်း လက်နက်ကြီးတွေနဲ့ ၄ ကြိမ် ခြောက်လှန့် ပစ်ခတ်နေတာလို့ ဒေသခံတွေက ဆိုပါတယ်။

“မနက် ၈ နာရီကျော်လောက်က စပစ်တာ၊ လက်နက်ကြီးနဲ့က ၄ ချက် ပစ်တာ ကြားတယ်။ ကလေးတက္ကသိုလ်ထဲက အဝေးပစ်လက်နက်ကြီးတွေနဲ့ လှမ်းထုတယ်။ ရွာထဲက လူတွေလည်း ထွက်ပြေးကြတယ်” လို့ ကျေးရွာဒေသခံတစ်ဦးက ပြောပါတယ်။

ဇန်နဝါရီ ၁၅ ရက်နေ့ မနက် ၈ နာရီလောက်ကတည်းက စစ်ကောင်စီတပ်နဲ့ ချင်းပြည်သူ့ကာကွယ်ရေးပူးပေါင်းတပ်ဖွဲ့တို့  တိုက်ပွဲဖြစ်ပွားခဲ့တာကြောင့်  ရဲတပ်ဖွဲ့ဝင်တွေက ကလေး-တီးတိန်-ဟားခါး သွားတဲ့ကားလမ်းကို မွန်းတည့် ၁၂ နာရီလောက်ကစပြီး  လမ်းပိတ်ဆို့ထားတယ်လို့ သိရပါတယ်။

ဇန်နဝါရီ ၁၅ ရက်နေ့မှာ ကလေးမြို့ထဲက စစ်ကားတစ်စီးဟာ ၁၀၅-မမ အမြောက်လက်နက်ကို ယူဆောင်ပြီး ကလေးတက္ကသိုလ်ကျောင်းထဲ ဝင်သွားခဲ့ပြီး ဇန်နဝါရီ ၁၆ ရက်နေ့မှာတော့ ကျေးရွာဝန်းကျင်ကို အခုလိုပစ်ခတ်နေတာလို့ သိရပါတယ်။ 

ဇန်နဝါရီ ၁၅ ရက်နေ့က စစ်ကောင်စီနဲ့ ချင်းပြည်သူ့ကာကွယ်ရေးပူးပေါင်းတပ်ဖွဲ့တို့ ဖြစ်ပွားခဲ့တဲ့ ဟိန်ဇိန်တိုက်ပွဲမှာ ဂျက်လေယာဉ်အသုံးပြု တိုက်ခိုက်တာကြောင့် CAN တပ်ကြီးတစ်ဦး ကျဆုံးခဲ့တယ်လို့  CAN  ကသိရပါတယ်။ 

တိုက်ပွဲမှာ ပြည်သူ့ကာကွယ်ရေးပူးပေါင်းတပ်ဖွဲ့တွေအနေနဲ့ CNDF၊ CNA၊ CDF-KKG၊ Zoland – PDF ၊ CDM တပ်ဖွဲ့တို့ ပူးပေါင်း တိုက်ခိုက်ခဲ့ကြတာ ဖြစ်ပါတယ်။

5 months Ago
Up