အလှမယ်

July 29, 2019

ပရိသတ်တွေ အင်တာနက်ကနေ မဲပေးခဲ့ကြလို့ ဆုရတာပါ - အလှမယ် နန်းမွေခမ်း

တရုတ်နိုင်ငံရဲ့ ၂၀၁၉ ခုနှစ်အတွက် Miss Friendship International အလှမယ်ရွေးပွဲကို ပြီးခဲ့တဲ့ ဇူလိုင် ၁၇ ရက်ကနေ ၂၇ ရက်နေ့ထိ စီချွမ်ပြည်နယ် မြို့တော် ချင်ဒူးမြို့မှာ ကျင်းပခဲ့ပါတယ်။ အဲဒီပွဲမှာ နိုင်ငံပေါင်း ၆၀ ကျော်က အလှမယ်တွေ ၀င်ရောက်ယှဉ်ပြိုင်ခဲ့ပြီး မြန်မာနိုင်ငံ ကိုယ်စားပြုအနေနဲ့ ရှမ်းပြည်နယ် နမ့်ခမ်းမြို့က နန်းမွေခမ်း (၂၆ နှစ်) က သွားရောက်ယှဉ်ပြိုင်ခဲ့ပါတယ်။ ဒီပွဲမှာ နန်းမွေခမ်းက Miss Congeniality Award လို့ခေါ်တဲ့ လူကြိုက်အများဆုံးဆုကိ်ု ရရှိခဲ့ပါတယ်။ ဆုရခဲ့တာတွေနဲ့ ပတ်သက်ပြီး ဒီဗွီဘီက နန်းမွေခမ်းကို ဆက်သွယ်မေးမြန်းထား ပါတယ်။ မေး -  နိုင်ငံတကာမိတ်ဿဟာ အလှမယ် Miss Friendship International  ပြိုင်ပွဲမှာ ညီမအနေနဲ့ Miss Congeniality Award လို့ခေါ်တဲ့ Miss Popular Vote လူကြိုက်အများဆုံးဆုကိ်ု ရခဲ့တယ်လို့ သိရပါတယ်။ ဒီဆုကို ဘယ်လိုရွေးချယ်ပြီး ဘာကြောင့်ရတယ်လို့ ထင်ပါသလဲ။ ဖြေ - ဟုတ်ကဲ့ ညီမ ဒီဆုကိုရတာကတော့ ပြည်တွင်းပြည်ပ ပရိသတ်တွေက အင်တာနက်ကနေ Vote လုပ်ပြီး မဲတွေပေးခဲ့ကြလို့ပါ။ အထူးသဖြင့် မြန်မာပြည်၊ ရှမ်းပြည်က ပရိသတ်တွေ မဲတွေ ၀ိုင်းပေးခဲ့လို့ပါ။ ညီမက မဲအရေအတွက် ၁၃၆၁၅ မဲရပြီး ဒုတိယ မဲအများဆုံးကတော့ ဖိလစ်ပိုင်က အလှမယ် ၆၄၀၂ မဲရပါတယ်ရှင့်။ မေး - ဆုအနေနဲ့ ဘာတွေရခဲ့သလဲ။  ဖြေ - ဆုအနေနဲ့  စလွယ်ရယ်၊ ဖန်သားရုပ်တုရယ်၊ ဂုဏ်ပြုလက်မှတ်တွေ ရပါတယ်ရှင့်။ မေး - ပြိုင်ပွဲမ၀င်ခင် ညီမအနေနဲ့ ဘာတွေပြင်ဆင်ခဲ့ရပါသလဲ။ ဖြေ - ပြိုင်ပွဲဝင်ရမယ်ဆိုတာကို ဒီလဆန်းပိုင်းမှသိရလို့ ကြိုတင်ပြင်ဆင်ချိန် ၂၅ ရက်ပဲရပါတယ်။ ညီမက ဒီဇိုင်နာလုပ်ရတာ ၀ါသနာပါတော့ တချို့ဝတ်စုံကို ကိုယ့်ဖာသာ ဆန်းသစ်တီထွင်ပြီး ကိုယ့်ဖာသာ ချုပ်ပါတယ်။ နေရှင်နယ်လ်အမျိုးသားဝတ်စုံ၊ အလှဝတ်စုံ၊ ရိုးရာယဉ်ကျေးမှုဝတ်စုံ စုစုပေါင်း ၁၂ စုံ ချုပ်တယ်။ လိုအပ်တာတွေကို ငှားတန်ငှားရပါတယ်။ လေယာဉ်လက်မှတ်၊ ခရီးစဉ်ကိစ္စ ကိုယ့်ဖာသာကိုယ်စီစဉ်ရတယ်။ ခရီးစရိတ်တွေကိုတော့ ပွဲကော်မတီက ပြန်ပေးပါတယ်။ အချိန်နည်းလို့ လေ့ကျင့်ချိန်သိပ်မရပါဘူးရှင့်။ မေး - ဒီခရီးစဉ်မှာ ဘယ်လိုအတွေ့အကြုံကောင်းတွေရခဲ့ပါသလဲ။ ဖြေ - အတွေ့အကြုံကတော့ အများကြီးပါ။ သွားတာနဲ့ ချန်ဒူးမြို့နယ်ထဲက အထင်ကရနေ ရာ အားလုံးစုံအောင် လေ့လာရတယ်။  အခမ်းအနားအဆင်အပြင်တွေ၊ စီစဉ်တာတွေ တကယ်ခေတ်မီခမ်းနားတယ်။ နိုင်ငံတကာအလှမယ်တွေနဲ့ တချိန်လုံး အတူသွား၊ အတူလာ၊ အတူလေ့ကျင့်ရတော့ တယောက်နဲ့တယောက် ညီအမတွေလို ရင်းနှီးပြီး မိတ်သစ်ဆွေသစ်တွေလည်း အများကြီးရပါတယ်ရှင့်။ မေး - ညီမအနေနဲ့ နိုင်ငံတကာပြိုင်ပွဲမှာ ဘယ်လိုဆုတွေ ရခဲ့ဖူးသလဲ။ ဖြေ - မနှစ်ကလည်း တရုတ်ပြည် နန်ကျင်းမြို့ Miss All Nation ပြိုင်ပွဲကနေ Miss Eco Tourism ဆုနဲ့ Miss Miao Yu ဆု ၂ ခုရပြီး ဒီနှစ် Miss Congeniality Award  ဆုနဲ့ပါဆိုရင် အားလုံး ၃ ခုရပြီးပါပြီရှင့်။ မေး - ညီမရဲ့ဘ၀ရည်မှန်းချက်က ဘာလဲ။ ဖြေ - အောင်မြင်တဲ့ ဒီဇိုင်နာတယောက်ဖြစ်ဖို့ပါ။ အခုလည်း ဒီဇိုင်နာသင်တန်းတွေ တက်နေ ပါတယ်။ မေး - ပရဟိတ လူမှုကူညီရေးလုပ်ငန်းတွေရော ဘာတွေလုပ်ဖြစ်လဲ။  ဖြေ - ညီမက Shan State Health Ambassador ဆိုတော့ ပြည်သူ့ကျန်းမာရေးအတွက် ကျေးလက်တောရွာတွေ ကွင်းဆင်းပြီး ပညာပေးရပါတယ်။ သူတို့လိုအပ်ချက်တွေကို တင်ပြပေးရပါတယ်။ မေး - ဆုရလာတဲ့အတွက် ဘယ်သူတွေကို ကျေးဇူးတင်လိုပါသလဲ။ ဖြေ - အားလုံးကို ကျေးဇူးတင်ပါတယ်ရှင့်။ ပြိုင်ပွဲဝင်ဖို့ ဖိတ်ခေါ်တဲ့ ပွဲကော်မတီ၊ စီစဉ်သူတွေရော၊ အ၀တ်အစား အဆင်အပြင်နဲ့ မိတ်ကပ်ပိုင်းမှာ ပံ့ပိုးကူညီသူအားလုံးကိုရော၊ အထူးသဖြင့် ညီမကို ပြိုင်ပွဲဝင်ခွင့်ပြုခဲ့၊ ခရီးသွားခွင့်ပြုခဲ့တဲ့ ကျေးဇူးရှင် ဖေဖေနဲ့ မေမေ၊  ညီမပြိုင်ပွဲဝင်ချိန် ဆုရအောင်ဝိုင်းပြီး အားပေးခဲ့သူတွေအားလုံး၊ မဲထည့်ဝင်ပေးသူအားလုံး၊ ပြည်တွင်းပြည်ပ ပရိသတ်အားလုံးကို ကျေးဇူးတင်ပါတယ်ရှင့်။
2 years Ago

January 25, 2019

တိုင်းရင်းသား အလှမယ်ပြိုင်ပွဲဝင် ကယားအလှမယ် နှင်းအိလွင်နှင့် မေးမြန်းချက်

မြန်မာနိုင်ငံရှိ တိုင်းရင်းသားတွေရဲ့ ရိုးရာယဉ်ကျေးမှုနဲ့ ခရီးသွားလုပ်ငန်းမြှင့်တင်ရေး ရည်ရွယ်ပြီး  မြန်မာနိုင်ငံတိုင်းရင်းသား လုပ်ငန်းရှင်များအသင်းကနေ သွေးချင်းတို့ရဲ့ ပွဲတော်ဆီ ဆိုတဲ့ခေါင်းစဉ်နဲ့ ပွဲတော်ကို လာမယ့်ဇန်န၀ါရီလ ၂၅ ရက်နေ့ကနေ ၃၀ ရက်နေ့အထိ ရန်ကုန်မြို့မှာ စတင်ကျင်းပနေပါတယ်။ အဲဒီပွဲတော့်ရဲ့ တစိတ်တပိုင်းအနေနဲ့ MISS Ethnic Myanmar တိုင်းရင်းသား အလှမယ်ရွေးပွဲလည်း ပြုလုပ်နေပါတယ်။ လတ်တလောမှာတော့ တိုင်းနဲ့ပြည်နယ်အသီးသီးက တိုင်းရင်းသားအသီးသီးက ကိုယ်စားပြုအလှမယ် ၄၁ ယောက် ပါဝင်ယှဉ်ပြိုင်နေကြတာဖြစ်ပြီး အဲဒီထဲက ကယားပြည်နယ်က ကယားလူမျိုး သင်္ချာ တတိယနှစ်မှာ ပညာသင်ယူနေတဲ့ အသက် ၂၁ နှစ်အရွယ် အလှမယ် နှင်းအိလွင်ကို ဒီဗွီဘီက ဆက်သွယ်မေးမြန်းထားပါတယ်။ မေး။ ဒီပြိုင်ပွဲကို ဘယ်လို လာရောက်ယှဉ်ပြိင်ဖြစ်လဲဆိုတာ ပြောပြပါဦး။ ဖြေ။  “ညီမက ကယားပြည်နယ် ကယားတိုင်းရင်းသားကိုယ်စားပြုပါရှင်။ ကယားပြည်နယ် ကယားတိုင်းရင်းသား လုပ်ငန်းရှင်များ အသင်းကနေပြီးတော့ ကယားတိုင်းရင်းသား ကိုယ်စားပြု အတွက် အလှမယ်တွေ ခေါ်တယ်ပေါ့နော်။ အနည်းဆုံး တပြည်နယ်ကို ၃ ယောက်ဆိုတော့ အဲဒါနဲ့ ကယားပြည်နယ် ကယားတိုင်းရင်းသား ကိုယ်စားပြုအနေနဲ့သွားဖို့ ညီမကလည်း ကယားလူမျိုး ဖြစ်တော့ ပါဝင်ဖြစ်တယ်။” မေး။ မြန်မာနိုင်ငံ တိုင်းရင်းသားလူမျိုးများ အလှမယ် Miss Ethnic Myanmar ပြိုင်ပွဲဟာဟာ ဒါပထမဆုံး ကျင်းပပြုလုပ်တဲ့ ပွဲဖြစ်တာကြောင့် မြန်မာတိုင်းရင်းသားလူမျိုးအကြား မတူကွဲပြားတဲ့ ယဉ်ကျေးမှု၊ ဘာသာစကားနဲ့ ဓလေ့တွေကို ဘာတွေ လေ့လာသင်ယူခဲ့ရလဲ။ ဖြေ။“ ဒီပြိုင်ပွဲကိုလာတော့ ဒီမှာ နှစ်ပတ်နေရတယ်လေ။  နှစ်ပတ်နေရတဲ့အချိန်မှာတော့ တခြားတိုင်းရင်းသား ညီကိုမောင်နှမတွေနဲ့ သိရတောပေါ့နော်။ သူတို့တွေနဲ့  ကိုယ့်ဘာသာစကား၊ သူ့ဘာသာစကား ဖလှယ်ကြတယ်။ သူတို့ရဲ့ လည်ပတ်စရာနေရာ၊ သူတို့ ပြည်နယ်အကြောင်းတွေလည်း ပိုသိလာရတာပေါ့နော်။ သူတို့ရဲ့အစားအသောက်တွေ အဲလိုအတွေ့အကြုံတွေရတယ်။ ” မေး။ ကယားတိုင်းရင်းသား ကိုယ်စားပြုတယောက်အနနဲ့ ဘာတွေယှဉ်ပြိုင်သွားဖို့ရှိလဲ။ ဖြေ။ “ညီမ ဒီပြိုင်ပွဲကိုလာပြိုင်ရတဲ့ ရည်ရွယ်ချက်ကတော့  ကိုယ့်ရဲ့ကယားတိုင်းရင်းသားရဲ့ ရိုးရာယဉ်ကျေးမှု၊ ၀တ်စားဆင်ယင်မှု၊ ပြီးတော့ ကယားပြည်နယ်အကြောင်းတွေ နောက် ကယားစကားကို တခြားလူတွေနဲ့ ဖလှယ်တာပေါ့နော်။ နောက်အခုလိုမျိုး ညီမ ယှဉ်ပြိုင်မယ်ဆိုတဲ့ အတွက်ကြောင့်မို့လို့ ညီမရဲ့ ကြိုးစားမှုကောင်းခဲ့မယ်ဆိုရင် တခြားလူတွေကလည်း ကယား ပြည်နယ်ကို ပိုမိုစိတ်ဝင်စားလာမယ်၊ စိတ်ဝင်စားလာမယ်ဆိုလို့ရှိရင် ပြည်နယ်ရဲ့ နယ်စပ်ဒေသ၊ အထူးသဖြင့် ခရီးသွားလာရေးလုပ်ငန်းကိုလည်း မြှင့်တင်နိုင်မယ်။ တိုင်းရင်းသားအကျိုးပြု လုပ်ငန်းပေါ့နော်။ အဲလိုမျိုးပုံစံတွေဖြစ်လာမယ့်လို့ ကျမထင်လို့ပါရှင့်။” မြန်မာနိုင်ငံမှာရှိတဲ့ တိုင်းရင်းသားလူမျိုးအားလုံးဟာ ဒီမြေထဲမှာမွေးဖွားပြီး ဒီမြေထဲမှာ ကြီးပြင်းလာတဲ့အတွက်ကြောင့်  မြန်မာနိုင်ငံရဲ့တိုင်းရင်းသားလူမျိုးစုဝင်တွေဖြစ်တဲ့အတွက် အတူ တကွနေထိုင်နိုင်တယ်လို့ ပြောပါတယ်။ ဓာတ်ပုံ-Miss Ethnic Myanmar
2 years Ago
More News
Up