အလောဘွမ်တောင်

April 14, 2021

အလောဘွမ်တောင်ကို သိမ်းယူရန်ထိုးစစ်ဆင်နေသည့် စစ်ကောင်စီတပ်များ ကျဆုံးနေ

အလောဘွမ်တောင်စခန်းကို  ထိုးစစ်ဆင်တဲ့  အာဏာသိမ်း စစ်ကောင်စီရဲ့ ခမရ (၃၂၀) တပ်ရင်းက စစ်ကြောင်းတစ်ကြောင်း ကျသွားပြီလို့  ကေအိုင်အို သတင်းပြန်ကြားရေးတာဝန်ခံ ဗိုလ်မှူးကြီးနော်ဘူက ဒီဗွီဘီကို အတည်ပြုပြောပါတယ်။

မတ်လ ၂၅ ရက်နေ့က ကေအိုင်အေသိမ်းပိုက်ခဲ့တဲ့ အလောဘွမ်တပ်စခန်းကို စစ်ကောင်စီတပ်တွေက  စစ်‌ကြောင်းသုံးကြောင်းနဲ့ထိုးစစ်ဆင်ခဲ့တဲ့အပြင် လေယာဉ်နဲ့ပါ ကူပစ် တိုက်ခိုက်နေခဲ့တာပါ။

တိုက်ပွဲက ဒီမနက်ပိုင်းထိ ပြင်းထန်ခဲ့ပြီး ရန်သူ စစ်ကြောင်းတစ်ကြောင်းတော့ ကျသွားပြီလို့ ဗိုလ်မှူးကြီးနော်ဘူကပြောပါတယ်။

အာဏာသိမ်းစစ်ကောင်စီက တရုတ်လေပိုင်နက်ကိုပါ အသုံးပြုပြီး လေယာဉ်နဲ့ပါထိုးစစ်ဆင်ခဲ့ပေမယ့် ကေအိုင်အေဘက်က အလောဘွမ်ကို ထိန်းချုပ်ထားနိုင်ဆဲဖြစ်ပါတယ်။

လက်ရှိမှာတော့ စစ်ကြောင်းနှစ်ကြောင်းကျန်နေသေးပြီး ထိုးစစ်ထပ်ဆင်ဦးမယ်ဆိုရင်တော့ တိုက်ပွဲပြန်လည်ပြင်းထန်ဖို့ရှိတယ်လို့ ကေအိုင်အေဘက်ကဆိုပါတယ်။

8 months Ago

April 11, 2021

အလောဘွမ်တောင်အနီး ကေအိုင်အေနှင့် စစ်ကောင်စီတပ်များ တိုက်ပွဲပြင်းထန်

ကချင်ပြည်နယ်၊ ကေအိုင်အေတပ်မဟာ အမှတ်(၅)  နယ်မြေ အလောဘွမ်တောင်အနီး ဧပြီ ၁၁ ရက် ဒီနေ့ ည ၈ နာရီလောက်က  ကေအိုင်အေ တပ်ရင်း ၃၀ စခန်းကို အာဏာသိမ်းစစ်ကောင်စီရဲ့ တပ်တွက အင်အားအလုံးအရင်းနဲ့  တိုက်ခိုက်နေသလို လေကြောင်းကနေ တိုက်ဂျက်လေယာဉ် ၂ စီးနဲ့လည်း ပစ်ခတ်တိုက်ခိုက်နေပါတယ်။ 

ကေအိုင်အေတပ်တွေ  ပြန်လည်သိမ်းယူထားတဲ့ အလောဘွမ်တောင်အနီး တာလီခူးဘက်ကို စစ်ကောင်စီတက်တွေက တက်လာတဲ့တွက် မနေ့ညကတည်းက ဒီဒေသမှာ တိုက်ပွဲဖြစ်ပွားနေခဲ့တာ ဖြစ်ပါတယ်။

၁၉၈၇ နှစ်ကတည်းက စစ်တပ်က ယူပြီးသိမ်းပြီး ဗျုဟာကုန်းအနေနဲ့ တည်ရှိနေတဲ့ အလောဘွမ်(ALAW Bum) တပ်စခန်းကို  ကေအိုင်အေက မတ်လ ၂၅ ရက်က ပြန်လည်သိမ်းပိုက် ခဲ့တာကြောင့် စစ်တပ်က အခုအခါ ပြန်လည်လာရောက်တိုက်ခိုက်နေတာဖြစ်ပါတယ်။ 

ဗန်းမော်ခရိုင် မိုးမောက်မြို့နယ်ရှိ မခွယ်အမြောက်တပ် ၃၇၀ မှာလည်း ဧပြီ ၁၀ ရက်ညကတည်းက ဒီမနက်အစောပိုင်းအထိ တိုက်ပွဲဖြစ်ပွားခဲ့ကာ ဒီနေ့ညမှာလည်း လက်နက်ကြီးတွေနဲ့ ပစ်ခတ်နေကြောင်း ဒေသခံတစ်ဦးကပြောပါတယ်။

အဆိုပါတိုက်ပွဲတွေနဲ့ ပတ်သက်ပြီး နှစ်ဘက်အထိအခိုက်ကျဆုံးစာရင်းကို ဘယ်ဘက်ကမှ ထုတ်ပြန်ထားခြင်းမရှိသေးဘဲ တိုက်ပွဲပြင်းထန်နေတုန်းပဲလို့လည်း သိရပါတယ်။

လက်နက်ကျည်တွေ အနီးအနားက ရွာတွေထိမှန်ခဲ့တာကြောင့် ရွာသားတွေ ဘေးလွတ်ရာထွက်ပြေးခဲ့ကြရသလို မခွယ်ရွာဘုန်းကြီးတစ်ပါးပျံလွန်တော်မူခဲ့ရတယ်လို့ ဆိုပါတယ်။ စစ်ကောင်စီ လက်နက်ကိုင်တွေ တပ်စွဲထားတဲ့ နေရာတွေအနီးမှာလည်း မိုင်းတွေထောင်ထားကြတယ်လို့ ဒေသခံတွေက ပြောပါတယ်။ 

ကျွဲနွားတွေ မိုင်းနင်းမိပြီး သေရင် မိုင်းတစ်လုံးကွဲခအဖြစ်  ကျပ်တစ်သိန်း ရွာသားတွေထံက စစ်တပ်က အလျှော်တောင်းတာကြောင့် ဒေသခံတွေအနေနဲ့မိမိ နွားကျွဲတွေ မိုးထိသေသွားတဲ့ရင်တောင် ထုတ်ဖော် မပြောရဲကြဘူးလို့ ရွာသားတွေက ပြောပါတယ်။

8 months Ago
Up