အလုပ်ထုတ်ခံရ (ရုပ်သံ)

October 1, 2017

ငါးမန်းအုပ်ကို လက်သီးဖြင့်ထိုးကြိတ်ခဲ့သည့် ဧည့်လမ်းညွှန်ဒိုက်ဗင်သမား အလုပ်ထုတ်ခံရ (ရုပ်သံ)

by dvburma ဧည့်လမ်းညွှန်ရေငုပ်သမားက ငါးမန်းအုပ်အား လက်သီးနဲ့ အကြိမ်ကြိမ်ထိုးတဲ့ ရုပ်သံထွက်ပေါ်လာပြီးနောက် အလုပ်ရှင်တွေက အလုပ်ထုတ်လိုက်တယ်လို့ သည်ဆန်းသတင်းမှာ ဖော်ပြထားပါတယ်။ ငါးမန်းအစာကျွေးတာ ပြသဖို့ ဧည့်လမ်းညွှန်က ခရီးသွားတွေကို ခေါ်သွားချိန် ငါးစာထောင်ချောက်ဘူးထဲက အစာတွေကို ငါးမန်းတွေက ခိုးစားဖို့ ကြိုးစားနေလို့ လမ်းညွှန်က ဒေါသထွက်ပြီး ငါးမန်းအုပ်အာ လက်သီးနဲ့ ထိုးခဲ့တာကို ရုပ်သံထဲမှာ မြင်ရပါတယ်။ လမ်းညွှန်က နာ့စ်ရှာ့က်အမျိုးအစား ငါးမန်းတကောင်ကို ထိုးလိုက်ပြီး အခြားငါးမန်းတွေကို ဆက်တိုက်ထိုးချိန် လုပ်ဖော်ကိုင်ဖက် ရေငုပ်သမား နစ်ကိုးလက်စ်ဂျုန်းစ်က ရုပ်သံရိုက်ကူးခဲ့တာလို့ ဒိုက်ဗာမဂ္ဂဇင်းထဲမှာ ဖော်ပြထားပါတယ်။ “လမ်းညွှန်က ငါးစာထောင်ချောက်ဘူးကို သော့မခတ်ခဲ့ဘူး။ ပြီးတော့ ငါးမန်းအစာကျွေးဖို့ ရေငုပ်တဲ့အခါ ငါးမန်းတွေက သူတို့ရဲ့မွေးရာပါ စွမ်းရည်အရနဲ့ အစာရှိတာကို သဘာဝအရ တုံ့ပြန်တာအတွက် ငါးမန်းတွေကို အပြစ်ပေးသလို ဖြစ်နေတယ်” လို့ လက်တွဲဖော်ရေငုပ်သမား ဂျုန်းစ်က ပြောပါတယ်။ “အခြေခံကျကျပြောရရင် ငါးမန်းအစာကျွေးသူက သူလုပ်တာမှားနေပြီး နာ့စ်ရှာ့က်ငါးမန်းတွေကို  ဒေါသဖြစ်ကာ ဒီငါးတွေကို ထိုးခဲ့တာပါ” လို့ ဂျုန်းစ်ကပြောပါတယ်။ “တကယ်ကို ကောင်းတဲ့ အတွေ့အကြုံပါ။ ဒါပေမယ့် လမ်းညွှန်က ငါးမန်းကို ထိုးခဲ့တာက လိုတယ်လို့ မထင်ဘူး” လို့ ဆိုပြီး ရုပ်သံကို အင်စတာဂရမ်စာမျက်နှာပေါ် တင်ခဲ့တာပါ။ ဘာဟားမားကျွန်းစုရှိ Stuart Cove ရေငုပ်ကုမ္ပဏီက ရုပ်သံကို မြင်တဲ့အချိန်မှာ ချက်ချင်းတုံ့ပြန်ပြီး ဧည့်လမ်းညွှန်ကို အလုပ်ထုတ်ခဲ့တာလို့ သိရပါတယ်။ ကုမ္ပဏီရဲ့ပြောရေးဆိုခွင့်ရှိသူက သူတို့ကုမ္ပဏီက ငါးမန်းတွေကို လေးလေးစားစား ကိုင်တွယ်ဆက်ဆံဖို့၊ ကာကွယ်ဖို့အတွက် ရေရှည်ဆက်လက်ရပ်တည်သွားမယ်လို့ ပြောလိုက်ပါတယ်။ ကျနော်တို့ကုမ္ပဏီက ငါးမန်းအစာကျွေးသူအားလုံးနဲ့ ဒီကိစ္စကို ဆွေးနွေးခဲ့ပြီး ငါးမန်းတွေကို အစာကျွေးရာမှာ တင်းကျပ်တဲ့ စည်းမျဉ်းတွေကို အသုံးပြုဖို့ ထပ်တလဲလဲ ပြောခဲ့ပါတယ်။ ငါးမန်းတွေကို လက်သီးနဲ့ ထိုးခဲ့သူကိုယ်တိုင်လည်း သူဘယ်လောက် စိတ်မထိန်းနိုင်လဲဆိုတာကို မြင်ပြီး အထိတ်တလန့်ဖြစ်ကာ ဒီဖြစ်ရပ်အတွက် တောင်းပန်ခဲ့တယ်လို့ ကုမ္ပဏီရဲ့ ပြောရေးဆိုခွင့်ရှိသူက ပြောလိုက်ပါတယ်။
4 years Ago

December 11, 2016

ကျောင်းသားအချင်းချင်း ပါးရိုက်ခိုင်းသည့် ဗွီဒီယိုထွက်ပေါ်၊ ဆရာဖြစ်သူ အလုပ်ထုတ်ခံရ (ရုပ်သံ)

တရုတ်နိုင်ငံက ကောလိပ်ကျောင်းတစ်ကျောင်းမှာ ဆရာက ကျောင်းသားတွေအချင်းချင်း တဦးနဲ့တဦး ပါးရိုက်ခိုင်းခဲ့တဲ့ ၂ မိနစ်ကြာ ရုပ်သံဗွီဒီယို လက်တစ်လောထွက်ပေါ်လာလို့ လူတော်တော်များက ဝေဖန်ပြစ်တင်နေကြပါတယ်။ စီစီတီဗွီရဲ့ ဒီဇင်ဘာလ ၁၁ ရက်နေ့ ရုပ်သံဗီဒီယိုထဲမှာ ဆရာက ကျောင်းသားတဦးနဲ့တဦးကို ပါးရိုက်ခိုင်းခဲ့လို့ အနည်းဆုံးကျောင်းသား စုစုပေါင်း ၁၃ ဦးဟာ စာသင်ခန်းရဲ့ပြင်ပမှာရပ်နေကြရပါတယ်။ ကျောင်းသားအချင်းချင်း သေသေချာချာ ပါးမရိုက်ဘူးလို့ထင်ရင် ဆရာက သူကိုယ်တိုင် ကျောင်းသားတွေရဲ့ပါးကို ရိုက်ပါတယ်။ ဒီလိုကျောင်းသားတွေကို အချင်းချင်းပါးရိုက်ခိုင်းတဲ့ ဗွီဒီယိုရုပ်သံဟာ ဒီဇင်ဘာလ ၈ ရက်နေ့က ထွက်ပေါ်လာတာဖြစ်ပြီး ဒီရုပ်သံကို တရုတ်နိုင်ငံ အနောက်ပိုင်း ဂန်စုခရိုင် Zhangye မြို့မှာရှိတဲ့ Hexi တက္ကသိုလ်မှာ ရိုက်ကူးခဲ့တာလို့ သိရပါတယ်။ ကျောင်းသားတွေဟာ ညနေပိုင်းအတန်းကို နောက်ကျတဲ့အတွက် ဒီလိုအပြစ်ပေးခံရတယ်လို့ ဆိုပါတယ်။ ဒီဇင်ဘာလ ၉ ရက်နေ့မှာတော့ ဂန်စုခရိုင် ပညာရေးဌာနက ဒီကျောင်းဆရာကို အလုပ်က ထုတ်လိုက်ကြောင်း အမိန့်ထုတ်ခဲ့ပါတယ်။ ဆရာက သူရဲ့မှားယွင်းတဲ့အပြုအမူအတွက် လူသိရှင်ကြားတောင်းပန်ခဲ့သလို ကျောင်းသားတွေကိုလည်း သူ့ကိုမမုန်းကြဖို့ ပြောခဲ့ကြောင်း သိရပါတယ်။ ဒါပေမယ့်ကျောင်းသားတွေက ဆရာ့ကို ခွင့်လွှတ်ချင်ပုံမပေါ်ပါဘူး။ လူမှုကွန်ရက်ပေါ်မှာ လူတွေက ဒေါသဖြစ်နေတဲ့ ဝေဖန်ပြစ်တင်မှုတွေကို ရေးသားကြပြီး ဒီလူတွေဟာ ဆရာကိုသာမက ဒီလိုလုပ်တာကို ဘာမှပြန်မပြောတဲ့ ကျောင်းသားတွေကိုပါ ဒေါသဖြစ်တယ်လို့ သိရပါတယ်။ “ဘယ်ကျောင်းသားတယောက်ကမှ ဆရာကို မလုပ်သင့်ကြောင်း ပြန်မပြောကြဘူး။ တက္ကသိုလ်ပညာသင်ကြားရေးစနစ်က ဘာတွေဖြစ်ကုန်ပြီလည်း” လို့ ဝီဘိုသုံးစွဲသူတဦးက ရေးသားထားပါတယ်။
5 years Ago
Up