အလာဘာ

A d v e r t i s e m e n t With Us

December 23, 2020

ဘိုင်ယန်နောက်ခံလူ အလာဘာကို တရားဝင်ဆွေးနွေးရန် မန်ယူအသင်း စီစဉ်

မန်ယူအသင်းဟာ ဘိုင်ယန်မြူးနစ်နောက်ခံလူ အလာဘာကိုခေါ်ယူဖို့ တရားဝင်ကမ်းလှမ်းတော့မယ်လို့ သိရပါတယ်။  အသက် ၂၈ နှစ်ရှိ သြစတြီးယား နောက်ခံလူ အလာဘာဟာ ဘိုင်ယန်မှာ ၁၀ နှစ်ကြာ ကစားခဲ့ပြီး အခုနှစ်ရာသီအကုန်မှာ စာချုပ်သက်တမ်း ကုန်ဆုံးမှာဖြစ်ပါတယ်။  အသင်းကနေ ထွက်ခွာဖို့လည်း အတည်ပြုထားတဲ့ အလာဘာကို မန်ယူအသင်းအပြင် ရီးရဲလ်မက်ဒရစ်၊ ပီအက်စ်ဂျီနဲ့ ချဲလ်ဆီးအသင်းတွေကလည်း ခေါ်ယူလိုနေတာ ဖြစ်ပါတယ်။  မန်ယူအသင်းကတော့ ပြိုင်ဘက်တွေထက် လက်ဦးမှုရယူချင်တာကြောင့် ကစားသမားနဲ့ လာမယ့်ဇန်နဝါရီမှာ စတင်ဆွေးနွေးဖို့ စီစဉ်ထားတယ်လို့ သိရပါတယ်။  စပိန်သတင်းစာ AS ကတော့ မန်စီးတီးနဲ့ ဘာစီလိုနာအသင်းတွေကလည်း အလာဘာကို ခေါ်ယူဖို့ စိတ်ဝင်စားနေတယ်လို့ ဖော်ပြခဲ့ပါတယ်။
2 months Ago

November 6, 2020

ဘိုင်ယန်နောက်ခံလူ အလာဘာကို ခေါ်ရန် ထိပ်တန်းကလပ် ၆ သင်း အပြိုင်ကြိုးပမ်း

စာချုပ်သက်တမ်းကုန်ဆုံးတော့မယ့် ဘိုင်ယန်မြူးနစ်နောက်ခံလူ အလာဘာကို ဥရောပ ထိပ်တန်းအသင်းကြီးတွေက ခေါ်ယူလိုနေပါတယ်။  သြစတြီးယားကစားသမား ဒေးဗစ်အလာဘာဟာ အခုနှစ် ရာသီအကုန်မှာ ဘိုင်ယန်မြူးနစ်နဲ့ စာချုပ်သက်တမ်းကုန်ဆုံးမှာဖြစ်ပြီး သက်တမ်းတိုးဖို့လည်း ဆွေနွေးတာ မရှိတဲ့အတွက်  အလွတ်ပြောင်းရွှေ့ကြေးနဲ့ ထွက်ခွာခွင့်ရတော့မှာဖြစ်ပါတယ်။  အလာဘာရဲ့အခြေအနေကို  ပရီးမီးယားလိဂ်ကလပ်တွေဖြစ်တဲ့ လီဗာပူးနဲ့ မန်စီးတီး အသင်းတို့က စောင့်ကြည့်နေသလို စပိန်ကလပ်တွေဖြစ်တဲ့ ဘာစီလိုနာနဲ့ ရီးရဲလ်မက်ဒရစ်တို့က လည်း စိတ်ဝင်စားနေတာပါ။  ဒါ့အပြင် ဂျူဗင်တပ်နဲ့ ပီအက်စ်ဂျီအသင်းတို့ဟာလည်း ဘိုင်ယန်နဲ့အတူ အောင်မြင်မှုတွေရ ယူနိုင်ခဲ့တဲ့ အလာဘာကို ခေါ်ယူဖို့ စိတ်ဝင်စားနေတယ်လို့ AS သတင်းစာက ဖော်ပြပါတယ်။ အသက် ၂၈ နှစ်ရှိ အလာဘာဟာ ဘိုင်ယန်ကို ၂၀၀၈ခုနှစ်ကတည်းက ဘိုင်ယန်မှာ ရောက်ရှိနေတာဖြစ်ပြီး ဘွန်ဒက်စ်လီဂါချန်ပီယံ ၉ ကြိမ်၊ ဂျာမန်ဖလား ၆ ကြိမ်နဲ့ ချန်ပီယံလိဂ်ဖလား ၂ ကြိမ်ရ ယူထားပါတယ်။
4 months Ago
Up