အလန်ရှီးယား

A d v e r t i s e m e n t With Us

December 21, 2020

ဖန်တီးမှုနှင့်တိုက်ပွဲစိတ်ဓာတ်အားနည်းသည့် အာဆင်နယ် တန်းဆင်းရနိုင်ဟု အလန်ရှီးယား သုံးသပ်

ဖန်တီးနိုင်မှုနဲ့ တိုက်ပွဲဝင်စိတ်ဓာတ် မရှိတာကြောင့် အာဆင်နယ်အသင်း တန်းဆင်းရနိုင်တယ်လို့ အလန်ရှီးယားက သုံးသပ်ပါတယ်။ အာဆင်နယ်အသင်းဟာ မနေ့က အဲဗာတန်နဲ့ ပွဲမှာ ၂ ဂိုး ၁ ဂိုးနဲ့ ရှုံးပွဲထပ်တွေ့ခဲ့ပြီး ပရီးမီးယားလိဂ်မှာ ၈ ပွဲမြောက် ရှုံးပွဲတွေ့ခဲ့တာပါ။  ပွဲစဉ် ၁၄ အပြီးမှာ ရမှတ် ၁၄ မှတ်သာ ရရှိထားပြီး တန်းဆင်းဇုန်ကအသင်းနဲ့ ၄ မှတ်အကွာ အဆင့် ၁၅ နေရာမှာ ရပ်တည်နေတာပါ။  အာဆင်နယ်အသင်းရဲ့ စွမ်းဆောင်ရည်နဲ့ပတ်သက်ပြီး BBC ရဲ့ Match of the Day ဆိုတဲ့ အစီအစဉ်မှာ အလန်ရှီးယားက သုံးသပ်ရာမှာတော့ ကွင်းလယ်မှာ အခွင့်အရေးဖန်တီးနိုင်သူ မရှိသလို ကစားသမားတွေဟာလည်း တိုက်ပွဲဝင်စိတ်ဓာတ်မရှိဘဲ အေးအေးဆေးဆေး ကစားနေကြတယ်လို့ အလန်ရှီးယားက ဝေဖန်ပါတယ်။ ဒီလိုစွမ်းဆောင်ရည်တွေကြောင့် အာဆင်နယ်အသင်းအနေနဲ့ တန်းမဆင်းရနိုင်ဘူးလို့ သေချာပေါက် မပြောနိုင်ကြောင်း အလန်ရှီးယားက သုံးသပ်ခဲ့တာပါ။  နည်းပြ အာတီတာအတွက် အစွမ်းကုန်ပေးဆပ်ခြင်းမရှိတဲ့ ကစားသမားတချို့လည်းရှိနေပြီး ပေပေဟာဆိုရင် မကြာခဏ လမ်းလျှောက်နေပြီး ဧရိယာထဲဝင်ဖို့အတွက် ပြင်ဆင်လာခဲ့ခြင်း မရှိဘူးလို့ အလန်ရှီးယားက ဝေဖန်သွားပါတယ်။
2 months Ago

July 24, 2020

ပရီးမီးယားလိဂ်ဂိုးအများဆုံးစံချိန် ဂရင်းဝုဒ် ချိုးဖျက်နိုင်လိမ့်မည်ဟု အလန်ရှီးယားသုံးသပ်

မန်ယူလူငယ်တိုက်စစ်မှူး ဂရင်းဝုဒ်ဟာ ပရီးမီးယားလိဂ်သွင်းဂိုးအများဆုံးစံချိန်ကို ကျော် ဖြတ်နိုင်စွမ်းရှိကြောင်း တိုက်စစ်မှူးဟောင်းအလန်ရှီးယားက သုံးသပ်လိုက်ပါတယ်။  အင်္ဂလန်နဲ့နယူးကာဆယ်တိုက်စစ်မှူးဟောင်း အလန်ရှီးယားဟာ ပရီးမီးယားလိဂ်သွင်းဂိုး ၂၆၀ သွင်းယူထားပြီး ဂိုးအများဆုံး ကစားသမားအဖြစ်စံချိန်တင်ထားတာပါ။ အသက်၁၈နှစ်ပဲရှိသေးတဲ့ ဂရင်းဝုဒ်ဟာ အခုနှစ်ပရီးမီးယားလိဂ်မှာ သွင်းဂိုး ၁၀ ဂိုး သွင်းယူထားပြီး ပြိုင်ပွဲစုံမှာတော့ စုစုပေါင်း၁၇ဂိုးသွင်းယူထားပါတယ်။  ပရီးမီးယားလိဂ် သွင်းဂိုးစံချိန်ရှင် အလန်ရှီးယားကတော့ ဂရင်းဝုဒ်ဟာ နောက်ထပ် ၁၂ နှစ် ၁၃နှစ်ခန့်ကြာတဲ့အချိန်မှာ သူ့ရဲ့စံချိန်ကို ချိုးဖျက်နိုင်မယ့်အလားအလာတွေ ဂရင်းဝုဒ်မှာရှိတယ်လို့ ချီးကျူးခဲ့ပါတယ်။  ဂရင်းဝုဒ်ဟာ အလားအလာအကောင်းဆုံးတိုက်စစ်မှူးဖြစ်ပြီး ဘယ်ခြေရော၊ညာခြေနဲ့ပါ ဂိုးသွင်းနိုင်တဲ့ စွမ်းဆောင်ရည်ကို လေးစားတယ်လို့လည်း အလန်ရှီးယားက ချီးကျူး ခဲ့ပါတယ်။ ပရီးမီးယားလိဂ်သမိုင်းမှာ အလန်ရှီးယားရဲ့သွင်းဂိုး၂၆၀ စံချိန်နောက်မှာ ဝိန်းရွန်းနီက ၂၀၈ ဂိုး နဲ့ ဒုတိယနေရာမှာရပ်တည် နေပါတယ်။ 
7 months Ago
More News
Up