အလစ်ဆန်

December 12, 2020

အလစ်ဆန်နှင့် ချိန်ဘာလိန်တို့ လေ့ကျင့်ခန်းပြန်ဆင်းပြီဟု ကလော့ပ် အတည်ပြု

လီဗာပူးဂိုးသမား အလစ်ဆန်ဟာ ဒဏ်ရာကနေ ပြန်လည်ကောင်းမွန်လာပြီး ဖူဟမ်နဲ့ပွဲမှာ ပြန်ကစားနိုင်ဖွယ်ရှိတယ်လို့ နည်းပြ ယာဂန်ကလော့ပ်က အတည်ပြုပါတယ်။  အလစ်ဆန်ဟာ ပြီးခဲ့တဲ့လက  ကစားခဲ့တဲ့ ဘရိုက်တန်နဲ့ပွဲမှာ တံကောက်ကြောဒဏ်ရာရခဲ့လို့ အနားယူခဲ့ရတာပါ။ သောကြာနေ့က ပြုလုပ်ခဲ့တဲ့ သတင်းစာရှင်းလင်းပွဲမှာတော့ ဂိုးသမား အလစ်ဆန်ဟာ လေ့ကျင့်ခန်း ပြန်ဆင်းနေပြီဖြစ်ကြောင်း နည်းပြကလော့ပ်က အတည်ပြုခဲ့ပါတယ်။  တနင်္ဂနွေနေ့မှာ ကစားမယ့် ဖူဟမ်နဲ့ ပရီးမီးယားလိဂ်ပွဲစဉ်မှာ ပြန်လည်ပွဲထွက်နိုင်ပြီး အခြေအနေကို စောင့်ကြည့်သွားရမယ်လို့ နည်းပြကလော့ပ်က ပြောပါတယ်။  ဒဏ်ရာရရှိနေတဲ့ တောင်ပံတိုက်စစ်မှူး ချိန်ဘာလိန်ဟာလည်း လေ့ကျင့်ခန်းပြန်ဆင်းနေပြီး မကြာခင် ပွဲထွက်ကစားနိုင်တော့မယ်လို့ နည်းပြကလော့ပ်က အတည်ပြုခဲ့ပါတယ်။
4 months Ago

May 11, 2020

အကောင်းဆုံးဂိုးသမားက အလစ်ဆန်ဟု လေနိုသုံးသပ်

ပရီးမီးယားလိဂ်ရဲ့ အကောင်းဆုံးဂိုးသမားက လီဗာပူးက အလစ်ဆန် ဖြစ်တယ်လို့ အာဆင်နယ်ဂိုးသမား လေနိုက ပြောလိုက်ပါတယ်။  ဘရာဇီးလက်ရွေးစင်ဂိုးသမား အလစ်ဆန်ဟာ ၂၀၁၈ ခုနှစ်ကမှ ရိုးမားအသင်းကနေ ပြောင်းရွှေ့လာခဲ့တာဖြစ်ပါတယ်။  အလစ်ဆန်ဟာ လီဗာပူးအသင်းအတွက် ချန်ပီယံလိဂ်ဆုဖလားရယူပေးနိုင်ခဲ့ပြီး အခုနှစ်ပရီးမီးယားလိဂ်မှာလည်း ပေးဂိုးအနည်းဆုံးဖြစ်အောင် ကာကွယ်နိုင်ခဲ့တာပါ။  လက်ရှိ ပရီးမီးယားလိဂ်မှာ အကောင်းဆုံးဂိုးသမားက အလစ်ဆန်ဆိုတာ သိသာထင်ရှားပြီး သူဟာ ကွင်းတွင်းလက်စွမ်းရော အချက်အလက်တွေအရပါ အကောင်းဆုံးဖြစ်တယ်လို့ လေနိုက ချီးကျူးပါတယ်။  လီဗာပူးအသင်းဟာ ပေးဂိုးအနည်းဆုံး အသင်းဖြစ်ပြီး အဲဒီအောင်မြင်မှုနောက်မှာ ဂိုးသမား အလစ်ဆန်ရဲ့ စွမ်းဆောင်ရည်တွေလည်း အများကြီးပါဝင်တယ်လို့ အာဆင်နယ်ဂိုးသမားလေနိုက သုံးသပ်ခဲ့ပါတယ်။ 
11 months Ago
Up