အရေးယူခံရ

January 7, 2021

ထိုင်းတွင် တောမီးရှို့မှုဖြင့် မြန်မာအမျိုးသမီး ၁ ဦး အရေးယူခံရ

ထိုင်းနိုင်ငံအနောက်မြောက်ဘက်၊ ကန်ကျနပူရီခရိုင်၊ ဆန်ခလပူရီမြို့နယ်ထဲမှာ မြန်မာအမျိုးသမီး တစ်ယောက် သစ်တောမီးရှို့မှုနဲ့ ဖမ်းဆီးအရေးယူခံထားရပါတယ်။  ဆန်ခလပူရီမြို့နယ်ထဲက ခေါင်လဲမ်သစ်တောကြိုးဝိုင်းထဲမှာ ပြီးခဲ့တဲ့ ဇန်နဝါရီ ၂ ရ က်နေ့က မီးခိုးမီးလျှံတွေထွက်နေလို့ တာဝန်ရှိသူတွေက သွားရောက်စစ်ဆေးရာမှာ လမ်းမှာ မသင်္ကာဖွယ် အမျိုးသမီး တစ်ယောက် တောထဲကနေထွက်လာတာတွေ့လို့ စစ်ဆေးမေးမြန်းဖို့ ခေတ္တခေါ်ယူ ထိန်းသိမ်းလိုက်ပါတယ်။ ဖမ်းဆီးခံရသူဟာ အသက် ၄၀ နှစ်ရွယ်ရှိ မလွင်ဆိုသူ မြန်မာအမျိုးသမီးဖြစ်ပြီး သူဟာ တောစပ်မှာ ခေါက်ဆွဲပြုတ်စားဖို့ မီးမြှိုက်စဉ် လေအရမ်းတိုက်လာတာကြောင့် အနီးနားဝန်းကျင်ကို မီးကူးစက်လောင်ကျွမ်းကျွမ်းခဲ့တာဖြစ်ကြောင်း လောင်နေတဲ့ မီးကိုငြှိမ်းသတ်ဖို့ကြိုးစားပေမယ့် မရတာကြောင့် ထွက်ပြေးခဲ့ရာက အဖမ်းခံရတာလို့ ဆိုပါတယ်။  တာဝန်ရှိသူတွေက တောမီးကိုငြှိမ်းသတ်ခဲ့ရာမှာ  သစ်တောဧရိယာ ၂ ဧကလောက် မီးလောင်ကျွမ်းခဲ့တယ်လို့သိရပါတယ်။ အဆိုပါအမျိုးသမီးကို  သစ်တောဥပဒေအရ အရေးယူအပြစ်ပေးဖို့အတွက် သစ်တောဦး စီးဌာနကနေတဆင့် ဆန်ခလပူရီရဲစခန်းကို ပို့ဆောင်ထားတယ်လို့ naewna ထိုင်းသတင်းမှာ ဖော်ပြပါတယ်။  ထိုင်းနိုင်ငံရဲ့ သစ်တောထိန်းသိမ်းရေးဥပဒေအရ တောမီးရှို့သူဟာ သစ်တောပျက်စီးမှုအခြေ အနေ ပေါ်မူတည်ပြီး ‌ ထောင်ဒဏ် အနည်းဆုံး ၄ နှစ်မှ ၂၀ နှစ်ထိ ဒါမှမဟုတ် ငွေဒဏ် အနည်းဆုံး ဘတ် ၄ သိန်းမှ သိန်း ၂၀ ထိ သတ်မှတ်ထားပါတယ်။  ကိုးကား- Naewna
6 months Ago

October 13, 2020

မိတ္ထီလာသီးကုန်းဂိတ်၌ ရန်ကုန်ပြန် ၂၅ ဦးကိုတင်ဆောင်လာသည့် ယာဉ်မောင်း ၃ ဦး အရေးယူခံရ

မန္တလေးတိုင်း၊ မိတ္ထီလာမြို့ သီးကုန်းအမြန်လမ်းမကြီးဂိတ်မှာ အောက်တိုဘာ ၁၂ ရက်က ရန်ကုန်ပြန် ခရီးသည် ၂၅ ဦးကို အံစာတုံးကား ၃ စီးနဲ့ သယ်ဆောင်လာတဲ့  ယာဉ်မောင်း ၃ ဦးကို သဘာဝဘေးအန္တရာယ်ဆိုင်ရာစီမံခန့်ခွဲမှု ဥပဒေနဲ့  အမှုဖွင့်ထားတယ်လို့ မိတ္ထီလာမြို့မရဲစခန်းက သိရပါတယ်။ သံလျင်မြို့နယ်မှာ နေထိုင်တဲ့ ကောင်းဇော်ထွန်း(၃၀နှစ်)၊ လွတ်လပ်မောင်(၂၇နှစ်)၊ ဝေယံအောင် (၂၆နှစ်)တို့ ယာဉ်မောင်း ၃ ဦးဟာ ကိုဗစ်-၁၉ ရောဂါကင်းရှင်းကြောင်း ထောက်ခံစာမပါရှိဘဲ PPE ဝတ်စုံတွေ ဝတ်ဆင်ပြီး ခရီးသည် ၂၅ ဦးကို တင်ဆောင် မောင်းနှင်လာတာပါ။ မိတ္ထီလာမြို့မရဲစခန်းတာဝန်ကျ ရဲဝန်ထမ်း ၁ ဦးက "သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေနဲ့ အမှုဖွင့်ထားပါတယ်။ အခုတော့ မိတ္ထီလာဆေးရုံ သီးသန့်ဆောင်မှာ ကွာရန်တင်း ထားထားတယ်"လို့ ပြောပါတယ်။ အံစာတုံးကား ၃ စီးနဲ့  လိုက်ပါလာတဲ့ ခရီးသည် အမျိုးသား ၅ ဦး၊ အမျိုးသမီး ၂၀ ဦးတို့ဟာ ရန်ကုန်ကနေ ဒီပဲယင်းမြို့နယ်ကို  ပြန်လာသူတွေဖြစ်တယ်လို့ သီကုန်းအမြန်လမ်းမကြီး ပူးပေါင်းစစ်ဆေးရေးအဖွဲ့ဝင် မီးသတ်ဦးစီး ဦးရဲလင်းကျော်က ပြောပါတယ်။ ခရီးသည် ၂၅ ဦးကိုတော့ ဒီပဲယင်းမြို့နယ်အုပ်ချုပ်ရေးအဖွဲ့ထံ လွှဲပြောင်းပေးခဲ့ပါတယ်။ ကောင်းဇော်ထွန်းအပါအဝင်  ယာဉ်မောင်း  ၃ ဦးကိုတော့ မိတ္ထီလာမြို့မရဲစခန်းမှာ အမြင့်ဆုံးပြစ်ဒဏ် ထောင် ၃ နှစ်အထိကျနိုင်တဲ့ သဘာဝဘေးအန္တရာယ် ဆိုင်ရာစီမံခန့်ခွဲမှုဥပဒေ ပုဒ်မ ၂၅ နဲ့ အမှုဖွင့်ထားပါတယ်။ သတင်း-မောင်မောင်လင်း  ဓာတ်ပုံ-အမြန်လမ်းမီးသတ်/ယာဉ်ထိန်းတပ်ဖွဲ့
8 months Ago
More News
Up