အရီဇိုးနားပြည်နယ်

October 20, 2020

ရွေးကောက်ပွဲအတွက် အရီဇိုးနားပြည်နယ်တွင် ဒေါ်နယ်ထရမ့် မဲဆွယ်စည်းရုံး

အမေရိကန် သမ္မတရွေးကောက်ပွဲအတွက် ဒီမိုကရက်တွေ ကြိုတင်မဲတခဲနက် ပေးနေချိန်မှာ အောက်တိုဘာ ၁၉ ရက်က ရီပတ်ဘလီကန်သမ္မတ ဒေါ်နယ်ထရမ့်က အကြိတ်အနယ်ဖြစ်နေတဲ့ အရီဇိုးနားပြည်နယ်မှာ မဲဆွယ်စည်းရုံးခဲ့ပါတယ်။ သမ္မတထရမ့်ဟာ တက်ဆန်မြို့ကို မလာခင် အရင်ဆုံး ပရက်စ်ကို့တ်မြို့မှာ လူထုစည်းဝေးပွဲ လုပ်ခဲ့ပါတယ်။ မဲဆွယ်ပွဲ အနည်းအကျဉ်းသာလုပ်ပြီး တက်ရောက်သူ အရေအတွက်တွေကို ကန့်သတ်တဲ့အတွက် ပြိုင်ဘက် ဒီမိုကရက်သမ္မတလောင်း ဘိုင်ဒင်ကို ထရမ့်က လှောင်ပြောင်ခဲ့ပါတယ်။ ကပ်ရောဂါ ဖြစ်နေချိန်မှာ နှာခေါင်းစည်းတပ်သူ အနည်းအကျဉ်းသာပါပြီး တစ်ဦးနဲ့ တစ်ဦး ခပ်ခွာခွာနေတာမျိုးမရှိတဲ့ လူစုလူဝေးတွေ လုပ်တာကြောင့် ထရမ့်ကို ဘိုင်ဒင်နဲ့ ကျန်းမာရေး ကျွမ်းကျင်သူတွေကလည်း စကားလုံးတွေနဲ့ ထိုးနှက်ခဲ့ပါတယ်။ အမေရိကန်မှာ ကိုဗစ်-၁၉ ကပ်ရောဂါကြောင့် သေဆုံးသူက ၂၂၀,၀၀၀ နီးပါးရှိနေပါတယ်။ အမေရိကန် သမ္မတ ရွေးကောက်ပွဲ ကျင်းပဖို့ ၁၅ ရက်အလိုမှာ ထုတ်ပြန်တဲ့ လူထုစစ်တမ်း အရ ရွေးကောက်ပွဲကို အဆုံးအဖြတ်ပေးဖွယ်ရှိတဲ့ ပြည်နယ်အများအပြားမှာ ဒီမိုကရက်သမ္မတလောင်း ဘိုင်ဒင်က ဦးဆောင်နေတယ်လို့ ရိုက်တာက ဖော်ပြပါတယ်။
8 months Ago

June 30, 2020

အရီဇိုးနားပြည်နယ်၌ ကိုဗစ်-၁၉ ကူးစက်မှုမြင့်တက်လာသဖြင့် နိုက်ကလပ်များပိတ်ရန် ညွှန်ကြား 

အမေရိကန်နိုင်ငံ၊ အရီဇိုးနားပြည်နယ်မှာ ကိုဗစ်-၁၉ ကူးစက်ခံရသူ မြင့်တက်လာတာကို ထိန်းချုပ်ဖို့ ဘားတွေ၊ နိုက်ကလပ်တွေ၊ အားကစားခန်းမတွေ၊ ရုပ်ရှင်ရုံတွေနဲ့  ရေပန်းဥယာဉ်တွေကို ပိတ်ပစ်ဖို့ ပြည်နယ်အုပ်ချုပ်ရေးမှူးက ဇွန် ၂၉ ရက်မှာ ညွှန်ကြားလိုက်ပါတယ်။ ဒါ့အပြင့် ဇူလိုင် ဒါမှမဟုတ် သြဂုတ်လဆန်းမှာ ကျောင်းတွေ ပြန်ဖွင့်ဖို့ စီစဉ်ထားတာကို ပြည်နယ်အုပ်ချုပ်ရေးမှူး ဒေါက်ဂျူစီက  သြဂုတ်လ ၁၇  မှ ဖွင့်ဖို့ အချိန်ရွှေ့ဆိုင်းလိုက်ပါတယ်။  ဇွန် ၂၈ ရက်က အရီဇိုးနားပြည်နယ်မှာ တစ်ရက်အတွင်း ကိုရိုနာဗိုင်းရပ်စ်ကြောင့် ဆေးရုံတက်ရသူ စံချိန်တင် မြင့်တက်ခဲ့ပါတယ်။ အဲဒီနောက်မှာတော့ ဇွန်လ ၂၉ ရက် ည ၈ နာရီက စလို့ ညွှန်ကြားချက်အသစ်တွေ စတင်အသက်ဝင်ခဲ့ပါတယ်။  နောက်ပြီး  တစ်ဦးနဲ့ တစ်ဦး ခပ်ခွာခွာနေရေးလို ဘေးကင်းလုံခြုံရေးအစီအမံတွေကို    မလိုက်နာရင်  အယောက် ၅၀ ထက်ပိုပြီး  လူစုဝေးတာမျိုးကို  ပြည်နယ်အုပ်ချုပ်ရေးမှူး ဂျူစီက တားမြစ်တယ်လို့ ရိုက်တာသတင်းက ဖော်ပြပါတယ်။
12 months Ago
Up