အရပ်သား

January 1, 2022

မင်းကင်းမြို့နယ်၌ စစ်တပ်က အရပ်သားတွေကိုဖမ်းဆီးပြီး လူသားဒိုင်းအဖြစ်အသုံးပြုနေ

စစ်ကိုင်းတိုင်း၊ မင်းကင်းမြို့နယ်၊ ဖက်ခတ်ကျေးရွာက ဒေသခံတွေကို စစ်ကောင်စီတပ်တွေက နယ်မြေရှင်းလင်းလုပ်ဆောင်ရာမှာ ဒီဇင်ဘာ ၃၀ ရက် မနက် ၉ နာရီလောက်က  ရွာသားတွေကို ဖမ်းဆီးပြီး လူသားဒိုင်းအဖြစ်အသုံးပြုခဲ့တယ်လို့  ဒေသခံရွာသားတွေက ပြောပါတယ်။

စစ်ကောင်စီတပ်ဟာ ရေဦးမြို့နယ်ကနေ မင်းကင်းမြို့နယ်အတွင်း ဒီဇင်ဘာ ၂၈ ရက်မှာ ဝင်ရောက်လာခဲ့ပြီး ၂၉ ရက် ညနေပိုင်းမှာ မောက္ကတော်ရွာကနေ ချင်းတွင်းမြစ်အနောက်ဘက်ကို စစ်လှေ‌နဲ့ကူးခဲ့ပါတယ်။

ဒီဇင်ဘာ ၃၀ ရက် ညနေပိုင်းမှာတော့ ဖက်ခတ်ကျေးရွာက ဒေသခံမိသားစုနှစ်စုကို ဖမ်းဆီးခေါ်ဆောင်ကာ အကာအကွယ်ယူပြီး  ဒေသခံပြည်သူကာကွယ်ရေးတပ် PDF စခန်းကို ဝင်ရောက် စီးနင်းခဲ့တယ်လို့ ဒေသခံတွေကပြောပါတယ်။

ဖက်ခတ်ကျေးရွာ မဟူရာကျောက်ရိုင်းအဖွဲ့ တာဝန်ရှိသူက  “သူတို့က ကျနော်တို့ရွာကို အလစ်ဝင်လာတယ်။ အဲဒီလိုဝင်လာပြီး ရွာကမိသားစု ၁၀ ယောက်လောက်ကို ဖမ်းဆီးခေါ်ပြီး ဖက်ခက်ကျေးရွာအနီးက ကျနော်တို့ ပြည်သူ့ကာကွယ်ရေးတပ် PDF စခန်းကို ဝင်စီးခံရတယ်။ ကျနော်တို့ စခန်းကို မရောက်ခင် ကြိုတင်ပြင်ဆင်တာတွေတော့ လုပ်ထားတယ်။ ဒါပေမဲ့ ကိုယ့်ရွာသားတွေကို လူသားဒိုင်းအဖြစ် အသုံးပြုလာတာကြောင့် ကျနော်တို့ ကြိုတင်စီစဉ်တာတွေ မနိုင်ခဲ့ဘူး”လို့ ပြောပါတယ်။

မင်းကင်း မဟူရာကျောက်ရိုင်းအဖွဲ့ဟာ ချင်းတွင်းမြစ်အတွင်းက စစ်ကောင်စီ မော်တော်ယာဉ်တွေကို အဓိကတိုက်ခိုက်တာတွေ လုပ်ဆောင်ခဲ့ပါတယ်။

လက်ရှိအချိန်မှာတော့ စစ်ကောင်စီတပ်က ဝင်‌ရောက်လာတာကြောင့် ကာကွယ်ရေးတပ်တွေ  စခန်းကိုပစ်ပြီး ဘေးလွတ်ရာကို ရှောင်တိမ်းနေရသလို  ဖက်ခတ်ကျေးရွာသားတွေလည်း ဘေးလွတ်ရာကို ရှောင်တိမ်းနေရတယ်လို့‌ ဒေသခံရွာသားတွေရဲ့ ပြောပြချက်အရ သိရပါတယ်။

3 weeks Ago

November 22, 2021

မိုးကုတ်မြို့​က အရပ်သား အနည်းဆုံး ၁၃ ဦး ဖမ်းဆီးခံရ

မန္တ​လေးတိုင်း မိုးကုတ်မြို့မှာ နိုဝင်ဘာ ၂၁ ရက်က စစ်ကောင်စီတပ်တွေက အရပ်သား ၁၃ ယောက်ကို နေအိမ်တွေမှာ လာရောက်ဖမ်းဆီးသွားတယ်လို့ သိရပါတယ်။

"အောင်မြေသုခက ၈ ယောက်ကို အိမ်မှာ လာဖမ်းသွားတာ။ လယ်ဦးဘက်က ဖုန်းတွေ ဘာတွေ စစ်ရင်း ဖမ်းခံလိုက်ရတဲ့သူတွေလည်း ရှိတယ်။ လယ်ဦးဘက်က ၅ ယောက်လောက် အဖမ်းခံထား ရတယ်" လို့ ဒေသခံတစ်ဦးက ပြောပါတယ်။

မိုးကုတ်မြို့ မှာ စစ်ကောင်စီတပ်တွေက လက်နက်တွေအသင့်ဆင်ပြီး မြို့ထဲ ကင်းလှည့်နေတဲ့အပြင် စစ်တာဆေးတွေပါ ယခင်ထက်ပိုမိုတင်းကြပ်လာတယ်လို့ ဒေသခံတွေက ဆိုပါတယ်။

မိုးကုတ်မြို့မှာ နိုဝင်ဘာ ၂၀ ရက်နေ့ကလည်း ဒေသခံ တစ်ဦးကို စစ်ကောင်စီတပ်တွေက နေအိမ်ကို လာရောက်ကာ အဝတ်မဲ နဲ့မျက်နှာကို အုပ်ဖမ်းဆီးသွားခဲ့ပါတယ်။

နိုဝင်ဘာ ၂၁ ရက်မှာတော့ တရက်တဘည်း အရပ်သား အနည်းဆုံး ၁၃ ဦးလောက် ဖမ်းဆီးခံလိုက်ရတာ ဖြစ်ပါတယ်။

မိုးကုတ်မြို့မှာ စစ်ကောင်စီတပ်နဲ့ ပတ္တမြားမြေ PDF အဖွဲ့တို့ ထိတွေ့တိုက်ခိုက်မှုတွေ ဖြစ်ပေါ်ခဲ့ပြီး နောက် စစ်ကောင်စီတပ်တွေ မြို့တွင်းက ဒေသခံတွေကို ဖမ်းဆီးတာတွေ များလာသလို စစ်ဆေးမှုတွေလည်း ပိုမိုတင်းကြပ်လာတယ်လို့ သိရပါတယ်။

2 months Ago
More News
Up