အယ်လီဂရီ

January 6, 2021

လမ်းပတ် နေရာအစားထိုးနိုင်ရန် နည်းပြ ၄ ဦးကို ချဲလ်ဆီးအသင်း လျာထား

ချဲလ်ဆီးအသင်းဟာ နည်းပြလမ်းပတ်နေရာမှာ အစားထိုးဖို့ နည်းပြ ၄ ဦးကို လျာထားပြီး ဖြစ်တယ်လို့ သတင်းထွက်ပေါ်လာပါတယ်။ ချဲလ်ဆီးအသင်းဟာ ပရီးမီးယားလိဂ်နောက်ဆုံး ၆ပွဲ မှာ တစ်ပွဲသာ အနိုင်ရခဲ့ပြီး ၄ ပွဲ ရှုံး၊ ၁ ပွဲ သရေကျခဲ့တာပါ။ အမှတ်ပေးဇယားအဆင့် ၉ အထိ ကျဆင်းသွားခဲ့တာကြောင့် နည်းပြလမ်းပတ်ရဲ့ ထိုင်ခုံဟာလည်း လှုပ်ခတ်လာခဲ့တာ ဖြစ်ပါတယ်။ ချဲလ်ဆီးအသင်းက အစားထိုးခန့်အပ်ဖို့ လျာထားထားတဲ့ နည်းပြစာရင်းမှာ ပီအက်စ်ဂျီ နည်းပြဟောင်း တူချယ်၊ ဂျူဗင်တပ်စ် နည်းပြဟောင်း အယ်လီဂရီ၊ လက်စတာနည်းပြ ဘရန်ဒန်ရော်ဂျာနဲ့ ဆောက်သမ်တန်နည်းပြ ဟာဆန်ဟတ်တယ်လည်း ပါဝင်နေပါတယ်။ အသင်းပိုင်ရှင် ရုရှားသူဌေး အေဗရာမိုဗစ်ဟာလည်း ရလဒ်မကောင်းအောင် စွမ်းဆောင်နိုင်ခြင်းမရှိတဲ့ နည်းပြတွေကို အချိန်ပေးလေ့မရှိဘဲ ထုတ်ပယ်ခဲ့ဖူးတဲ့ အစဉ်အလာတွေ ရှိခဲ့တာပါ။  ဒါပေမဲ့ ဒီအချိန်မှာတော့ အသင်းရဲ့ ဂန္ထဝင်ကစားသမားဖြစ်တဲ့ လမ်းပတ်ကိုတော့ အချိန်တစ်ခု ဆက်လက်ပေးသွားဦးမယ်လို့ သိရပါတယ်။
11 months Ago

May 31, 2020

အယ်လီဂရီ ပြည်ပကလပ်တသင်းကို တာဝန်ယူရန် ပြင်ဆင်နေဟု ကတ်ဂလီယာရီဥက္ကဋ္ဌပြော

အီတလီနည်းပြ အယ်လီဂရီဟာ နိုင်ငံခြားကလပ်တသင်းကို ကိုင်တွယ်ဖို့ ရည်မှန်းထားတယ်လို့ ကတ်ဂလီယာရီအသင်းဥက္ကဋ္ဌက ပြောလိုက်ပါတယ်။  အီတလီကလပ် ကတ်ဂလီယာရီအသင်းဟာ ပြီးခဲ့တဲ့ ဇန်နဝါရီလက အသင်းလက်မဲ့ဖြစ်နေတဲ့ အယ်လီဂရီကို နည်းပြချုပ်အဖြစ် တာဝန်ပေးဖို့ ကမ်းလှမ်းခဲ့ပါတယ်။  နည်းပြအယ်လီဂရီက ကမ်းလှမ်းချက်ကို ငြင်းဆန်သွားခဲ့ပြီး ပြည်ပကလပ်   အသင်းတသင်းမှာ သွားရောက်နည်းပြမှာလို့ ပြောခဲ့ကြောင်း ကတ်ဂလီယာရီဥက္ကဋ္ဌ ဂယ်လီနီ ကပြောပါတယ်။  အသက် ၅၂ နှစ်ရှိ နည်းပြ အယ်လီဂရီဟာ ဂျူဗင်တပ်အသင်းမှာ ၅ နှစ်ကြာတာဝန်ယူခဲ့ပြီး ကမ္ဘာ့အကောင်းဆုံးနည်းပြတဦးအဖြစ် သတ်မှတ်ခံခဲ့ရပါတယ်။  ဂျူဗင်တပ်အသင်းကို ဆုဖလားတွေရရှိအောင် စွမ်းဆောင်နိုင်ခဲ့သလို ဥရောပချန်ပီယံလိဂ်ဗိုလ်လုပွဲ ၂ ကြိမ်အထိ တက်ရောက်အောင်စွမ်းဆောင်ခဲ့တာကြောင့် ဥရောပထိပ်တန်းကလပ်တွေက ခေါ်ယူလိုနေတာပါ။   ပြီးခဲ့တဲ့ ၂ နှစ်အတွင်းမှာ ပရီးမီးယားလိဂ်ကလပ် မန်ယူ၊ စပါး၊ အာဆင်နယ်၊ ပြင်သစ်ကလပ် ပီအက်စ်ဂျီအသင်းတို့နဲ့ သတင်းထွက်ပေါ်ခဲ့ပါတယ်။ 
2 years Ago
More News
Up