အယုဒ္ဓယ

A d v e r t i s e m e n t With Us

December 24, 2020

အယုဒ္ဓယ ကျောင်းတကျောင်းတွင် ခရစ္စမတ်နေ့ကျင်းပ၊ ဆင်များက နှာခေါင်းစည်းများ ဝေငှ

ထိုင်းနိုင်ငံ အယုဒ္ဓယခရိုင်က ကျောင်းတကျောင်းမှာ ခရစ္စမတ်နေ့ကို ဒီဇင်ဘာ ၂၃ ရက်က ကျင်းပခဲ့ပြီး ဆင်တွေက ခရစ္စမတ် ဖိုးဖိုးဦးထုပ်နဲ့ ပါးစပ်နှာခေါင်းစည်း ဝတ်ပြီး မူလတန်း ကျောင်းသားတွေကို နှာခေါင်းစည်းတွေ ဝေပေးခဲ့ပါတယ်။ ဆင်ဦးစီး လေးယောက်က ခရစ္ဏမတ် ဖိုးဖိုးလို ဝတ်ဆင်ပြီး ခရစ္ဏမတ် ဦးထုပ်တွေ ဆောင်း ထားတဲ့ ဆင်တွေနဲ့အတူ ကိုဗစ်-၁၉ ကပ်ရောဂါ အကြောင်းသတိထားမိအောင် လှုပ်ရှားနေတာလည်း ဖြစ်ပါတယ်။ ကိုဗစ်-၁၉ ကပ်ရောဂါ မဖြစ်ခင် နှစ်တွေက ဒီဆင်တွေနဲ့ ဆင်ဦးစီးတွေဟာ ခရစ္ဏမတ်အကြို လှုပ်ရှားမှုအနေနဲ့ သကြားလုံးတွေကစလို့ ခရစ္စမတ် လက်ဆောင်ပစ္စည်းတွေကို ကျောင်းပတ်လည်မှာ လိုက်ဝေလေ့ ရှိပါတယ်။ ဒီနှစ်မှာတော့ ကျောင်းပေါက်ဝထဲကို အလာမခံတာကြောင့် ဝမ်းနည်းတယ်လို့ ၁၂ နှစ်အရွယ် ကျောင်းသားတယောက်က ပြောပါတယ်။ ထိုင်းနိုင်ငံမှာ ဒီဇင်ဘာ ၂၃ ရက်က တရက်တည်းမှာ မတူတဲ့ ခရိုင်တွေကနေ ပြည်တွင်းကူးစက်ခံ ၃၉ ယောက်ကို စစ်ဆေးတွေ့ရှိခဲ့ပြီး နိုင်ငံခြားပြန် ကူးစက်ခံတွေနဲ့ ပေါင်းရင် စုစုပေါင်း ကူးစက်ခံအသစ် ၄၆ ယောက်ကို စစ်ဆေးတွေ့ရှိထားပါတယ်။
2 months Ago

September 12, 2020

အယုဒ္ဓယတွင် ဘတ်သန်း ၅၀၀ ခန့်တန်ဖိုးရှိ အိုက်စ်မူးယစ်ဆေးများ ဖမ်းမိ

ထိုင်းနိုင်ငံ အယုဒ္ဓယမြို့မှာ စက်တင်ဘာလ ၁၁ ရက်နေ့မှာ ကာလတန်ဖိုး ဘတ်သန်း ၅၀၀ ခန့် တန်ဖိုးရှိ အိုက်စ်မူးယစ်ဆေးတွေ ဖမ်းမိတယ်လို့ သိရပါတယ်။ စက်တင်ဘာ ၁၁ ရက်နေ့ မနက် ၅ နာရီလောက်က အယုဒ္ဓယမြို့  အာရှလမ်းမှာ ရပ်ထားတဲ့ ၁၀ ဘီးကား ၁ စီးနဲ့ အိမ်စီးကားအသေး နှစ်စီးကို သတင်းအရ ရဲတပ်ဖွဲ့က စစ်ဆေးရာက ကားပေါ်မှာ ပြောင်းဆန်တွေနဲ့အတူ သယ်လာတဲ့ အိုက်စ်မူးယစ်ဆေး ၄၉၃ ကီလိုကို ဖမ်းဆီးမိခဲ့တာလို့ တာဝန်ရှိသူတွေက သတင်းစာရှင်းလင်းပွဲမှာ ပြောကြားခဲ့ပါတယ်။ အိုက်စ်မူးယစ်ဆေးတွေနဲ့အတူ ယာဉ်မောင်း နိုင်းထဝီးချိုင်း ဘွန်းဖမ်း၊ နိုင်းဆယ်စုရီးနဲ့ ကျမ်းလဲဖဝေါထောင်းတို့ကို ဖမ်းဆီးမိခဲ့တယ်လို့ အယုဒ္ဓယသတင်းမှာ ဖော်ပြထားပါတယ်။
6 months Ago
Up