အမျိုးသား ၂ ဦး

September 9, 2021

ပုလဲမြို့နယ်တွင် အမျိုးသား ၂ ဦး အသတ်ခံရ

စစ်ကိုင်းတိုင်း ယင်းမာပင်ခရိုင် ပုလဲမြို့နယ် လှော်ကားကြီးကျေးရွာ ပျူစောထီးအဖွဲ့ဝင် အုပ်ချုပ်ရေးမှူး အပါအဝင် ၂ ဦးကို စက်တင်ဘာ ၈ ရက် မနက်ပိုင်းမှာ အ မည်မသိအဖွဲ့တစ်ဖွဲက ခေါ်ဆောင်သွားပြီး ဦးခေါင်ဖြတ်သတ်ခဲ့တယ်လို့ ဒေသခံတွေက ပြောပါတယ်။

ဖမ်းဆီးခေါ်ဆောင် အသတ်ခံရသူတွေကတော့ ပုလဲမြို့ပျူစောထီးခေါင်းဆောင် မြတ်လေးရဲ့လက်ထောက် ဦးမောင်စိုး (အသက် ၄၅) နဲ့ ဦးမောင်တိုး (အသက် ၆၀) တို့ ဖြစ်တယ်လို့ ဆိုပါတယ်။

ဦးမောင်စိုးဟာ လှော်ကားကျေးရွာက CDM ဝန်ထမ်းတွေကို ခြိမ်းခြောက်တာတွေ ပေါ်ပေါ်ထင်ထင် ပြုလုပ်နေတာကြောင့် သတ်ဖြတ်ခံရတာဖြစ်ပြီး ဦးမောင်တိုးကိုတော့ ဘာကြောင့် ဖမ်ဆီးသတ်ဖြတ်တယ်ဆို မသိရဘူးလို့ ဒေသခံတဦးက ပြောပါတယ်။

“သူတို့ကို မနက်ခင်းက ဖမ်းခေါ်သွားပြီး နေ့ခင်းပိုင်း‌လောက်မှတော့ လှော်ကားကြီးရွာနဲ့ တနယ်ရွာအကြား လမ်းက တံတားနားမှာ ဦးခေါင်းဖြတ်ပြီး ချိတ်ထားတာတွေ့ ရတယ်။”

ပုလဲမြို့နယ်အတွင်း စစ်ကောင်စီသတင်းပေး ပျူစောထီးလို့ အမည်ထွက်နေတဲ့  လူ ၂၀ လောက်ကိုလည်း စစ်ကောင်စီအလိုကျ ပြည်သူသစ္စာဖောက်လုပ်နေပါက မိသားစုတွေအပါအဝင် လုံခြုံရေးအာမ မခံနိုင်ကြောင်း သတိပေးထားတယ်လို့ ဒလန်ရှင်းလင်းရေး အဖွဲဝင်တဦးက ပြောပါတယ်။

5 months Ago

September 4, 2021

ကျုံမငေးမြို့တွင် စစ်ကောင်စီက အမျိုးသား ၂ ဦးကို PDF ဆိုပြီး စွပ်စွဲဖမ်းဆီး

ဧရာဝတီတိုင်း၊ ကျုံမငေးမြို့နယ်မှာ စက်တင်ဘာ ၃ ရက်နေ့ ညပိုင်းက အမျိုးသား ၂ ဦးကို PDF ဆိုပြီး စွပ်စွဲကာ စစ်ကောင်စီက ဖမ်းဆီးသွားတယ်လို့ သိရပါတယ်။

ကွမ်းသီးချောင်းလေးကျေးရွာမှာနေထိုင်တဲ့ ကိုလှထွန်းနဲ့ ကိုကျော်ဇေယျာတို့ ၂ ဦးကို စစ်ကောင်စီက မနေ့ညပိုင်းမှာ လာရောက်ဖမ်းဆီးသွားတာလို့ ဒေသခံတွေက ပြောပါတယ်။

ဒေသခံတဦးက “ခုရက်ထဲ ညပိုင်း ရွာတွေကို ဝင်စစ်တာပိုများလာတယ်။ မနေ့ညကလည်း အဲ့ရွာက တောင်ယာလုပ်တဲ့သူ ၂ ဦး ပါသွားတယ် ကြားတယ်။ ဘယ်သူတွေဆိုတာတော့ သေချာမသိရသေးဘူး” လို့ ပြောပါတယ်။

စစ်ကောင်စီလက်အောက်ခံ ရဲတပ်ဖွဲ့ရဲ့ ကြေးနန်းစာထဲမှာတော့ PDF လို့ စွပ်စွဲဖမ်းဆီးခံရသူ ၂ ဦးကို လက်လုပ်သေနတ်၊ ဖောက်ခွဲရေးပစ္စည်းတွေနဲ့ ဖမ်းမိခဲ့တယ်လို့ ဆိုပါတယ်။

ဧရာဝတီတိုင်းမှာ အကြမ်းဖက်စစ်ကောင်စီက PDF လူငယ်တွေ ရှိနိုင်တဲ့နေရာတွေကို စက်တင်လာလဆန်းပိုင်းက စတင်ပြီး အင်အား အလုံးအရင်းနဲ့ ဝင်ရောက်ရှာဖွေဖမ်းဆီးတာတွေ ပြုလုပ်နေတာလည်း ဖြစ်ပါတယ်။

ဧရာဝတီတိုင်း၊ လပွတ္တာမြို့မှာလည်း PDF တပ်ဖွဲ့ဝင်တွေ ရှိနိုင်မယ့်နေရာတွေကို အကြမ်းဖက်စစ်ကောင်စီက ပိတ်ဆို့ရှာဖွေတာတွေ ပြုလုပ်နေတယ်လို့ သိရပါတယ်။

လပွတ္တာမြို့မှာ စက်တင်ဘာလ ၁ ရက်နေ့က စတင်ပြီး ညစဥ်ဆိုသလို မြို့ပေါ်ရပ်ကွက်တွေကို လိုက်လံပြီး ဧည့်စာရင်းစစ်တာတွေ၊ ကင်းပုန်းဝပ်တာတွေပြုလုပ်ကာ PDF တွေကို ဖမ်းဆီးနိုင်ဖို့ ပြုလုပ်လာတယ်လို့ ဒေသခံတွေက ပြောပါတယ်။

“ဒီလစကတည်းက ပိုကြမ်းလာတာ အရင်ကဆို စစ်တာရှိတယ်၊ ဒါပေမဲ့ ကြိုသိတယ်။ ခုက ဘာမှ မသိရတာ။ စစ်တာကတော့ လူစာရင်းပေါ့၊ အိမ်မှာရှိတဲ့သူထဲ လူစိမ်းပါလား ပါရင် ဧည့်စာရင်းတိုင်ထားလား အဲ့တာမျိုးတွေပေါ့” လို့ ပြောပါတယ်။

နေအိမ်တွေမှာ လိုက်စစ်ဆေးလို့ လူစိမ်းရှိပြီး ဧည့်စာရင်းမတိုင်ထားပါက ရဲစခန်းမှာ လိုက်ဖြေရှင်းရတာမျိုးရှိပြီး စစ်ဆေးတာတွေ မဖြေနိုင်ပါက ပြန်မလွှတ်ပေးတာမျိုးတွေလည်း ရှိနေတယ်လို့ ဆိုပါတယ်။

လပွတ္တာမြို့မှာ စက်တင်ဘာ ၁ ရက်နေ့က စတင်ကာ မြို့ပေါ်ရပ်ကွက်တွေကို အကြမ်းဖက်စစ်ကောင်စီက ရှောင်တခင် ဝင်ရောက်စစ်ဆေးတာတွေပြုလုပ်ခဲ့ပြီး ဧည့်စာရင်းမတိုင်ထားသူတွေထဲက လူငယ် ၃ ဦးကို ဖမ်းဆီးခဲ့တယ်လို့ သိရပါတယ်။

5 months Ago
More News
Up