အမျိုးသား ၁ ဦး

December 9, 2020

ပုသိမ်ကြီးမြို့နယ်၌ ဓားဖြင့် ခုခံတိုက်ခိုက်ခဲ့သည့် အမျိုးသား ၁ ဦးကို ရဲတပ်ဖွဲ့က ပစ်ခတ်ဖမ်းဆီး

မန္တလေးတိုင်း၊ ပုသိမ်ကြီးမြို့နယ်မှာ ကိုဗစ်-၁၉ စစ်ဆေးရေးဂိတ် တာဝန်ရှိသူတွေကို ခုံနဲ့ရိုက်ခဲ့တဲ့ အမျိုးသားတစ်ဦးအား ရဲတပ်ဖွဲ့က ဖမ်းဆီးစဉ် ဓားနဲ့ ပြန်လည်ခုခံတိုက်ခိုက်ခဲ့လို့ ရဲက သေနတ်နဲ့ ပစ်ခတ်ဖမ်းဆီးခဲ့ရပါတယ်။  ပုသိမ်ကြီးမြို့နယ်၊ သလဲကုန်းကျေးရွာက ကိုဗစ်-၁၉ ရောဂါ တားဆီးကာကွယ်ရေး စစ်ဆေးတဲ့ဂိတ်မှာ မနေ့မွန်းလွဲပိုင်းက တာဝန်ရှိသူတွေကို ခုံနဲ့ရိုက်ခဲ့တဲ့ အမျိုးသားကို ညနေ ၅ နာရီခွဲလောက်မှာ ရဲတပ်ဖွဲ့က လာရောက်ဖမ်းဆီးစဉ်မှာ ရဲကို ပြန်ပြီးဓားနဲ့လိုက်ခုတ်ခဲ့တာကြောင့် သေနတ်နဲ့ ပစ်ခတ်ဖမ်းဆီးခဲ့တယ်လို့ သလဲကုန်းကျေးရွာအုပ်စု အုပ်ချုပ်ရေးမှူးက ပြောပါတယ်။ သလဲကုန်းကျေးရွာသား အသက် ၄၀ နှစ်အရွယ် အမျိုးသားတစ်ဦးဟာ ကျေးရွာအပြင်ကို သွားရောက်ဖို့ လုပ်ဆောင်စဉ် စစ်ဆေးစောင့်ကြပ်ရေးဂိတ် တာဝန်ရှိသူတွေက မနေ့နေ့လယ် ၁၂ နာရီ နောက်ပိုင်း  အပြင်မသွားဖို့ တားမြစ်ရာက အချင်းများကာ စောင့်ကြပ်နေသူတွေကို ခုံနဲ့ လိုက်လံ ရိုက်နှက်ခဲ့တယ်လို့ သိရပါတယ်။ သလဲကုန်းကျေးရွာအုပ်စု အုပ်ချုပ်ရေးမှူး ဦးဇော်လွင်က “ကျနော်တို့က ၁၂ နာရီ ကျော်ရင် ရွာကနေ အပြင်မထွက်ဖို့ ဂိတ်တဲလေး လုပ်ထားတယ်ပေါ့။ သူက အဲဒီအချိန်မှာ ဂိတ်တဲကို ဆိုင်ကယ်နဲ့ ဝင်တိုက်ပြီးတော့ ဂိတ်စောင့်နေတဲ့ ရပ်မိရပ်ဖ နှစ်ယောက်ကို တဲနားမှာရှိတဲ့ ထိုင်ခုံနဲ့ ရိုက်တယ်။ ကျန်တဲ့သူတွေလည်း လိုက်ရိုက်တာပဲ။ ကျန်တဲ့သူတွေလည်း ပြေးလို့။ အဲဒါနဲ့ ကျနော်တို့က စခန်းမှာ အမှုဖွင့်သွားတာပေါ့။ နောက်မဖြစ်ဖို့ရာ အဲဒါလေးလုပ်ဖို့ရာ စခန်းသွားတာပေါ့။ အဲဒီခါကျ စခန်းက လိုက်လာတယ်။ စခန်းက သူ့အိမ်ကို လိုက်လာတဲ့အခါကျတော့ သူ့အိမ်ကို အဝင်မခံဘူး။ သူ့အိမ်ထဲကနေ ခဲတွေနဲ့ ဘာတွေနဲ့ ထုတယ်။ စခန်းမှူး ပါတဲ့ ကားတွေလည်း ခဲနဲ့ထုတာပဲ။ စခန်းမှူးလည်း အဝင်မခံဘူး။ ရဲတွေလည်း အဝင်မခံဘူး။ အကုန် အဝင်မခံဘူးပေါ့လေ။ နောက်ဆုံး သူ့တံခါးဖွင့်ပြီး ဓားနဲ့ လိုက်ခုတ်တော့တာပဲ” လို့ ပြောပါတယ်။ အဆိုပါအမျိုးသားဟာ ရဲတပ်ဖွဲ့ဝင်တွေကို ဓားနဲ့ ခုတ်တာကြောင့် ရဲတပ်ဖွဲ့ဝင် ၁ ဦး ဒဏ်ရာရရှိသွားပါတယ်။ ရဲတပ်ဖွဲ့က သေနတ်နဲ့ ပစ်ခတ် ဖမ်းဆီးခဲ့တာကြောင့် အဆိုပါအမျိုးသားမှာ သေနတ်ဒဏ်ရာ ၃ ချက် ရရှိသွားလို့ မန္တလေး အထွေထွေရောဂါကု‌ဆေးရုံကြီးကို ပို့ဆောင်ထားရပါတယ်။ အဆိုပါအမျိုးသားကို ဒေသန္တရအမိန့်နဲ့ အမှုဖွင့်အရေးယူဖို့ ဆောင်ရွက်နေတယ်လို့လည်း သလဲကုန်းကျေးရွာ အုပ်ချုပ်ရေးမှူးက ပြောပါတယ်။ မန္တလေးတိုင်းဒေသကြီးအစိုးရအဖွဲ့ရဲ့ ညွှန်ကြားချက်နဲ့ မန္တလေးခရိုင်အတွင်း ကိုဗစ်‌-၁၉ ရောဂါ ကူးစက်မှုကို ဟန့်တားနိုင်ဖို့အတွက် Stay at Home ကာလ ၁၄ ရက်ကို ဆောင်ရွက်နေပြီး ကန့်သတ်ချက်တွေကို ချိုးဖောက်ပါက အရေးယူမှုတွေ လုပ်ဆောင်နေတာ ဖြစ်ပါတယ်။  အဲဒီလိုလုပ်ဆောင်ရာမှာ မနက် ၄ နာရီမှ နေ့လယ် ၁၂ နာရီနောက်ပိုင်း ဈေးဝယ်ခွင့် ကတ်နဲ့ အပြင်မထွက်ဖို့ ကန့်သတ်ထားတာဖြစ်ပြီး အရေးယူမှုတွေလည်း ရှိနေပါတယ်။ သတင်း - ထိန်ထိန်လင်း၊ ဓာတ်ပုံ - ရွာရှည်ကျေးရွာ အုပ်ချုပ်ရေးမှူး
5 months Ago

October 11, 2020

အမေရိကန်နိုင်ငံ အုပ်စုနှစ်စု အပြန်အလှန်ဆန္ဒပြပွဲတွင် အမျိုးသား ၁ ဦး ပစ်သတ်ခံရ

အမေရိကန်နိုင်ငံ ကော်လိုရာဒိုပြည်နယ် ဒန်ဗာမြို့မှာ လက်ဝဲယိမ်းနဲ့ လက်ယာယိမ်း အုပ်စု ၂ စု အပြိုင်ဆန္ဒပြပွဲအတွင်း အမျိုးသား တယောက် အသေပစ်သတ်ခံရလို့ သံသယရှိသူ တယောက်ကို ရဲက ထိန်းသိမ်းထားပါတယ်။  ပစ်ခတ်သူဟာ အရင်က ပုဂ္ဂလိက လုံခြုံရေးအစောင့်အဖြစ် အလုပ်လုပ်ဖူးတယ်လို့ ရဲက ပြောပါတယ်။  အဖမ်းခံရတဲ့ အမျိုးသားဟာ ရုပ်သံဌာနတခုက သူ့ဝန်ထမ်းတွေကို ကာကွယ်ဖို့ ငှားထားတဲ့ လုံခြုံရေးအစောင့်ဖြစ်တယ်လို့ NBC သတင်းဌာနရဲ့ မိတ်ဖက် ကူဆာတီဗီက သူ့အင်တာနက် စာမျက်နှာမှာ ဖော်ပြထားပါတယ်။  ဒန်ဗာအနုပညာပြတိုက်ဝင်းထဲမှာ ပစ်ခတ်မှုဖြစ်ခဲ့တာပါ။  သူရဲကောင်းချီတက်ပွဲလို့ နာမည်ပေးထားတဲ့ လှုပ်ရှားမှုအတွင်း တခြားအုပ်စုတွေက တန်ပြန် သပိတ်မှောက်နေတုန်း ခုလိုဖြစ်တာပါ။  ဒန်ဗာမြို့ဆိုင်ရာ ရဲစုံစမ်းစစ်ဆေးရေးဌာန အကြီးအကဲက သံသယရှိသူရဲ့ အလုပ်အကိုင်ကို အတည်မပြုပါဘူး။  ပစ်ခတ်ခံရလို့ သေဆုံးသူရဲ့ နာမည်ကိုရော သံသယရှိသူရဲ့ နာမည်ကိုပါ အာဏာပိုင်တွေက မထုတ်ပြန်သေးပါဘူး။  ဒန်ဗာပို့စ်သတင်းဌာနရဲ့ သတင်းထောက် တယောက် ရိုက်ကူးထားတဲ့ ဓာတ်ပုံမှာတော့ အမျိုးသား တယောက်က သေနတ်ကိုင်ထားတဲ့ နောက်အမျိုးသားတယောက်ကို ဓာတုပစ္စည်းရည်နဲ့ ဖြန်း ပက်နေတာကို တွေ့ရပါတယ်။  
7 months Ago
More News
Up