အမျိုးသားလုံခြုံရေး

June 18, 2020

သမ္မတထရမ့် တရုတ်အကူရရန်ကြိုးပမ်းခဲ့ဟု အမျိုးသားလုံခြုံရေးအကြံပေးဟောင်း၏ စာအုပ်တွင် ဖော်ပြ

အမေရိကန်သမ္မတ ဒေါ်နယ်ထရမ့်ဟာ သမ္မတပြန်အရွေးခံရဖို့အတွက်  တရုတ်သမ္မတ ရှီကျင့်ဖျင်ရဲ့အကူအညီရယူဖို့ ကြိုးပမ်းခဲ့တယ်လို့ အမျိုးသားလုံခြုံရေးအကြံပေးဟောင်းရဲ့ စာအုပ်သစ်မှာ ဖော်ပြထားပါတယ်။   ဒါ့အပြင် သမ္မတ ထရမ့်ဟာ အိမ်ဖြူတော်ကို ဘယ်လို ဦးစီးရမလဲဆိုတာကို အံ့သြစရာ ကောင်းလောက်အောင် မသိရှိဘူးလို့လည်း အမျိုးသားလုံခြုံရေး အကြံပေးဟောင်း ဂျွန်ဘော်လ်တန်က ပြောဆိုပါတယ်။  “ဇာတ်လမ်းဖြစ်ပျက်ဖြစ်ခဲ့တဲ့ အခန်း “လို့  အမည်ရတဲ့  စာမျက်နှာ ၅၇၇- မျက်နှာပါ   ဘော်လ်တန်ရဲ့စာအုပ်ကို  ဇွန်လ ၂၃ ရက်မှာ စတင်ရောင်းချဖို့ စီစဉ်ထားပါတယ်။   ဒါပေမဲ့လည်း  ထရမ့်အစိုးရက အဲဒီစာအုပ် ရောင်းချ မဖြစ်အောင် တားဆီးနေပါတယ်။  ဇွန်လ ၁၇ ရက် ညကပဲ  အမေရိကန်တရားရေးဌာဟာ စာအုပ်ထုတ်ဝေခွင့်ကို တားမြစ်တဲ့ တရားသူကြီးရဲ့ အရေးပေါ် ညွှန်ကြားချက်ကို ရရှိခဲ့ပါတယ်။  စာအုပ်ထုတ်ဝေသူ ဆိုင်မွန်နှင့်ရှူစတာစာအုပ်တိုက်က အမေရိကန်အစိုးရ တရားစွဲဆိုမှုဟာ  နိုင်ငံရေးအရ လှုံ့ဆော်တဲ့ ပေါ့ပျက်ပျက် လုပ်ဆောင်ချက် ဖြစ်တယ်လို့ ပြောဆိုပါတယ်။  ဂျွန်ဘော်လ်တန်ရဲ့စာအုပ်သစ် သိန်းချီပြီး ကမ္ဘာတဝှမ်းကို ဖြန့်ချိထားတာမို့ တရားရုံး အမိန့်စာဟာ အောင်မြင်မှာ မဟုတ်ဘူးလို့  စာအုပ်တိုက်က ပြောဆိုခဲ့ပါတယ်။  တချိန်တည်းမှာပဲ Fox သတင်းဌာန တွေ့ဆုံမေးမြန်းခန်းမှာ သမ္မတ ထရမ့်က ဘော်လ်တန်ဟာ “ဥပဒေကို ချိုးဖောက်တယ်။ စာအုပ်မှာ လုံခြုံရေးအရ အထူးလျှို့ဝှက်ထားတဲ့ သတင်းတွေ ပါဝင်ပြီး ဘော်လ်တန်ဟာ ခွင့်ပြုချက်ရမထားဘူး”လို့ ပြောဆိုခဲ့ပါတယ်။ 
10 months Ago

January 28, 2020

ဟွာဝေး 5G ကွန်ရက်နှင့်ပတ်သက်၍ အမျိုးသားလုံခြုံရေး အထိခိုက်မခံဟု ဗြိတိန်ဝန်ကြီးချုပ်ပြော

ဟွာဝေးရဲ့ 5G networks နဲ့ပတ်သက်လို့  အမျိုးသားလုံခြုံရေးကို အထိခိုက်မခံဘဲ နည်းပညာသစ် အကျိုးကျေးဇူးတွေ ရရှိမယ့် ဆုံးဖြတ်ချက် ချသွားမယ်လို့  ဗြိတိန်ဝန်ကြီးချုပ် ဘောရစ်ဂျွန်ဆင်က ဇန်နဝါရီလ ၂၇ ရက်မှာ ပြောလိုက်ပါတယ်။ ဗြိတိန်နိုင်ငံ လျှို့ဝှက်ချက်တွေကို ထိခိုက်စေနိုင်တဲ့ ဟွာဝေးကုမ္ပဏီကို တားဆီးဖို့ အမေရိကန်သမ္မတထရမ့် ဖိအားပေးတာကိုလည်း ဝန်ကြီးချုပ် ဂျွန်ဆင်ဟာ ရင်ဆိုင်နေရပါတယ်။ လက်နက်အပြိုင်အဆိုင် ထုတ်လုပ်တပ်ဆင်တဲ့ စစ်အေးကာလနဲ့ နှိုင်းယှဉ်ပြီး 5G  လွှမ်းမိုးမှုက တရုတ်နိုင်ငံလို ပြိုင်ဘက်ကို အမေရိကန်အစိုးရ လက်ခံဖို့ အသင့်မဖြစ်သေးတဲ့ နည်းပညာသာလွန်မှု ရသွားမှာကို အမေရိကန် အစိုးရဟာ စိုးရိမ်နေပါတယ်။  ဆက်သွယ်ရေးနည်းပညာပစ္စည်းတွေ ကမ္ဘာ့အများဆုံး ထုတ်လုပ်တဲ့ ဟွာဝေးကုမ္ပဏီက  သူတို့ဟာ တရုတ်အစိုးရအတွက် ထောက်လှမ်းရေး လုပ်ပေးနေတယ်ဆိုတာကို ငြင်းဆိုလိုက်ပြီး ဘယ်အမေရိကန်ကုမ္ပဏီကမှ ဟွာဝေးနဲ့ ဈေးနှုန်းယှဉ်ပြီး 5G နည်းပညာကွန်ရက်ကို မချဲ့ထွင်နိုင်တာမို့ အမေရိကန်ဟာ ဟွာဝေးကို တားမြစ်လိုတယ်လို့ ပြောခဲ့ပါတယ်။  ဗြိတိန်နိုင်ငံရဲ့ အနာဂတ် 5G network မှာ ဟွာဝေးကို အကန့်အသတ်နဲ့ ခွင့်ပြုပေးမယ့် အဆိုပြုချက်ကို ဗြိတိန်အရာရှိတွေက အဆိုပြုထားတယ်လို့ ဇန်နဝါရီလ ၂၃ ရက်မှာ  ရိုက်တာသတင်းက ရေးပါတယ်။
1 year Ago
Up