အမျိုးသားတဦး

November 16, 2019

အမျိုးသားတဦး ရိုက်နှက်ခံရပြီး သေဆုံးမှု ဆယ်ကျော်သက် ၃ ဦးကို ဖမ်းဆီးစစ်ဆေး

ကလေးမြို့ သာစည်ရွာတံတားအနီး အမျိုးသားတဦး ရိုက်နှက်ခံရပြီး သေဆုံးခဲ့တာနဲ့ပတ်သက်လို့ ဆယ်ကျော်သက် လူငယ် ၃ ဦးကို ကလေးမြို့မရဲစခန်းက လူသတ်မှုနဲ့ ဖမ်းဆီးစစ်ဆေးနေပါတယ်။ နိုဝင်ဘာ ၁၁ ရက်ညက ရိုက်နှက်ခံရပြီး နောက်တနေ့ ဆေးရုံမှာ သေဆုံးသွားတာလို့  ကလေးမြို့မရဲစခန်း ရဲအရာရှိတဦးက ပြောပါတယ်။ အဲ့ဒီညက သေဆုံးသူဟာ သူငယ်ချင်းဖြစ်သူနဲ့ ကလေးမြို့ကနေရွာအပြန် အမည်မသိ လူ ၃ ဦးဟာ ဆဲဆို အော်ဟစ်နေလို့ ဆိုင်ကယ်ရပ်တားမြစ်စဉ် ရိုက်နှက်ခံရပြီး နဖူးပေါက်ပြဲဒဏ်ရာတွေနဲ့ လဲကျနေတဲ့အတွက် ညတွင်းချင်း ဆေးရုံပို့ခဲ့တယ်လို့ ဆိုပါတယ်။ သေဆုံးသူ သာစည်ကျေးရွာနေ ဦးတင်မြင့်ဟာ နဖူးပေါက်ပြဲဒဏ်ရာတွေနဲ့ ဆေးရုံတင်ပြီး နောက်နေ့အကူးမှာ သေဆုံးခဲ့တာပဲ ဖြစ်ပါတယ်။ သေဆုံးသူရဲ့ ခယ်မဖြစ်သူကိုယ်တိုင် တရားလိုပြု အမှုဖွင့်ထားတယ်လို့ နယ်ထိန်းခေါင်းဆောင် ရဲအုပ် ဗိုလ်‌ဗိုလ်အောင်က ပြောပါတယ်။ “ကျနော်တို့ ပထမဆုံး ဆိုင်ကယ်ဆီထည့်တဲ့ ကလေးတယောက်ကို ဆီဆိုင်ကနေ ‌ခြေရာခံမိတာကြောင့် ခေါ်ယူစစ်ဆေးရာကနေ နောက်ထပ် လူငယ် ၂ ဦး၊ စုစုပေါင်း ၃ ဦးကို ဖြစ်ပွားပြီး တရက်အကျော်မှာ ဖမ်းဆီးနိုင်ခဲ့လို့ အမြန်တရားစွဲနိုင်ရေး ဆောင်ရွက်နေတယ်။” ရိုက်နှက်မှုမှာ ပါ၀င်တဲ့ လူငယ်တွေဟာ ဇော်ဖြိုး၀င်း၊ မျိုး၀င်းထွေးနဲ့ အေးမင်းစိုးတို့ဖြစ်ပြီး သုံးဦးစလုံး အသက် ၁၈ နှစ်အောက် လူငယ်တွေ ဖြစ်ပါတယ်။  ရိုက်နှက်ခံရသူ သေဆုံးခဲ့တာကြောင့် သူတို့သုံးဦးကို ရာဇသတ်ကြီး ၃၀၂/၁၁၄ နဲ့ အမှုဖွင့် စစ်ဆေးနေတယ်လို့  စစ်ဆေးခံနေရပါတယ်။ မင်းရဲစစ်နိုင်
2 years Ago

October 14, 2019

ကျောက်ဖြူတွင် ငါး၊ ပုစွန်န်ဒိုင်ဖွင့်ထားသည့် အမျိုးသားတဦး ပျောက်ဆုံးနေ၍ ရဲစခန်းတွင် တိုင်ချက်ဖွင့်

ရခိုင်ပြည်နယ် ကျောက်ဖြူမြို့နယ် မရဇိုင်းကျွန်း တဲချောင်းကျေးရွာအုပ်စု ဂုံးတောင်ကျေးရွာရှိ မြစ်ကမ်းအနီး ငါး၊ ပုဇွန် ကဏန်းရောင်းဝယ်ရေးဒိုင်က အမျိုးသားတဦး ပျောက်ဆုံးမှုနဲ့ပတ်သက်ပြီး ရဲစခန်းမှာ လူပျောက်တိုင်ချက်လာဖွင့်ထားတယ်လို့ သိရပါတယ်။ တဲချောင်းကျေးရွာအုပ်စု အုပ်ချုပ်ရေးမှူး ဦးမောင်ဦးခင်က “မြစ်ကမ်းစပ်နားမှာ ဒိုင်ရှိတယ်၊ ဒိုင်မှာ အိပ်နေရင်းက ပျောက်သွားတာပါ၊ ပျောက်သွားက အောက်တိုဘာလ ၁၂ ရက်နေ့ ည ၁၀ နာရီလောက်မှာ ပျောက်သွားတာပါ၊ ဘာဖြစ်လို့ ပျောက်သွားလဲ ဆိုတာကိုတော့ အတိအကျ မသိသေးဘူး၊ ကျနော်တို့လည်း လိုက်ရှာနေကြတယ်၊ ဟွန်ဒါ ၂ စီး၊ ၃ စီးနဲ့ လိုက်ရှာနေကြတယ်၊ အခုအချိန်ထိကို မတွေ့သေးဘူး”လို့ ပြောပါတယ်။ ကျောက်ဖြူမြို့မရဲစခန်းမှ စခန်းမှူး ဒုရဲမှူးကျော်ဇော “ဘာမှ အတိအကျ မသိရသေးပါဘူး၊ လူပျောက်ပဲ လာတိုင်ထားတယ်၊ ပုစွန်ဒိုင်၊ ငါးဒိုင်မှာနေရင်း အဲဒီကနေပျောက်သွားလို့ လူပျောက်ဖွင့်ထားတယ်” လို့ ပြောပါတယ်။ ကျောက်ဖြူမြို့နယ် မရဇိုင်းကျွန်းမှာ ကျောက်ကြီးပြင်ကျေးရွာအုပ်စု မော်ကြီးကျေးရွာနေ ဦးဖြူချေ ဆိုသူလည်း လွန်ခဲ့တဲ့ စက်တင်ဘာ ၁၄ ရက်နေ့က ငါးဖမ်းပိုက်ဖော်နေတဲ့အချိန်မှာ အမည်မသိ လူတစုက စက်လှေ ၂ စီးနဲ့ လာရောက်ကာဖမ်းဆီးခေါ်ဆောင်သွားပြီးနောက် ၂ ရက်အကြာမှာ သေဆုံးလျက် ပြန်လည်တွေ့ရှိခဲ့ရပါတယ်။ ဒီလိုမျိုးဖြစ်စဉ် ရှိခဲ့တာကြောင့် ဦးကျော်ထွန်းဖြူရဲ့ မိသားစုဝင်တွေက စိုးရိမ်နေကြတယ်လို့ သိရပါတယ်။ နောင်နောင်
2 years Ago
Up