အမ်းမြို့

A d v e r t i s e m e n t With Us

February 10, 2021

အမ်းမြို့တွင် စစ်အာဏာရှင်ဆန့်ကျင်ရေး ဆန္ဒပြခဲ့သည့် ချင်းကျောင်းသူကို ရဲက ဖမ်းဆီး

ရခိုင်ပြည်နယ်၊ အမ်းမြို့မှာ စစ်အာဏာရှင်ဆန့်ကျင်ရေး ဆန္ဒပြခဲ့တဲ့ ချင်းကျောင်းသူတယောက်ကို မနေ့ညက ရဲက ဖမ်းဆီးသွားပါတယ်။

မိုင်ရတနာအောင်ဟာ မနေ့က အမ်းမြို့ရဲ့ ဆန္ဒပြပွဲမှာ ပါဝင်ခဲ့ပြီး ည ၉ နာရီကျော်အချိန် အိမ်ကို လာရောက်ဖမ်းခံခဲ့ရတာပါ။

သူ့မိခင် ဒေါ်တင်တင်အောင်က “ရဲသား ၄ ယောက်၊ ရဲမေ ၁ ယောက်နဲ့ ဆယ်အိမ်ခေါင်း ၁ ယောက် ပါတယ်။ ဘာကြောင့် ဖမ်းတာလဲဆိုတော့ ဆန္ဒပြလို့တဲ့။ ဆန္ဒပြတာက အမ်းတမြို့လုံး ပြကြတာပဲ။ အခု သိရတာကတော့ သဘာဝဘေးစီမံဥပဒေပုဒ်မနဲ့ ဒီနေ့ တရားရုံးတင်မယ်တဲ့" လို့ ပြောပါတယ်။

ဓာတုဗေဒ တတိယနှစ်ကျောင်းသူ မိုင်ရတနာအောင်ဟာ (CUSR -Chin University Students In Rakhine State) အဖွဲ့ဝင်ဖြစ်ပြီး အမ်း CUSR ရဲ့ အတွင်းရေးမှူးတယောက်လည်း ဖြစ်ပါတယ်။

အခုလို အပြစ်မဲ့ မိန်းကလေးတယောက်ကို ညအချိန်မတော် လာရောက်ဖမ်းဆီးခေါ်ဆောင်သွားခဲ့တဲ့ အမ်းမြို့မ ရဲစခန်းက ရဲတွေရဲ့ လုပ်ရပ်တွေကို CUSR က အပြင်းအထန် ကန့်ကွက်ရှုတ်ချထားပါတယ်။

2 weeks Ago

August 11, 2020

အမ်းမြို့ရှိ စစ်ဘေးရှောင်များအတွက် လူကယ်ပြန်ဌာနက ထောက်ပံ့ငွေပေးအပ်

ရခိုင်ပြည်နယ်၊ အမ်းမြို့ကို သြဂုတ် ၁၀ ရက်နေ့က ရောက်ရှိလာတဲ့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေးနဲ့အဖွဲ့ဟာ အမ်းမြို့ရှိ စစ်ဘေးရှောင်တွေကို ထောက်ပံ့ငွေပေးအပ်ခဲ့ပါတယ်။ အမ်းမြို့ရှိ စစ်ဘေးရှောင်စခန်း ၂ ခုဖြစ်တဲ့ ကယ်ဆယ်ရေးစခန်း အမှတ်(၁) ပဲပဒုံ၊ ကယ်ဆယ်ရေးစခန်းအမှတ် (၂) အားကစားခန်းမတို့နဲ့ စခန်းပြင်ပမှာနေထိုင်ကြတဲ့ အသက် ၅ နှစ်အောက်ကလေးငယ်တွေ၊ ကိုယ်ဝန်ဆောင် အမျိုးသမီးတွေ၊ အသက် ၆၀ နှစ်အထက် သက်ကြီးရွယ်အိုတွေနဲ့ မသန်စွမ်းတွေကို တစ်ဦးလျှင် ကျပ် ၃၀၀၀၀ နှုန်းနဲ့ လူပေါင်း ၄၃၀ ဦးအတွက် ကျပ်သိန်းပေါင်း ၁၀၀ ကျော်ပေးအပ်ခဲ့တာပါ။ အမ်းမြို့နယ်ရှိ စစ်ဘေးရှောင်ဦးရေ ၄၀၀၀ ကျော်တို့အတွက် စားနပ်ရိက္ခာဖိုးထောက်ပံ့ငွေ ကျပ်သိန်း ၁၀၀၀ ကျော်ကိုလည်း ထောက်ပံ့ပေးခဲ့တယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားပေးရေးဝန်ကြီးဌာနက  ထုတ်ပြန်ထားပါတယ်။ လက်ရှိ ရခိုင်ပြည်နယ်မှာ တပ်မတော်နဲ့ ရခိုင့်တပ်တော်(အေအေ)တို့ တိုက်ပွဲ ပြင်းပြင်းထန်ထန် ဖြစ်ပွားပြီးနောက် စစ်ဘေးရှောင်ဦးရေ ၂ သိန်းဝန်းကျင်ထိရှိလာနေပြီ ဖြစ်ပါတယ်။ လုံခြုံရေးစိုးရိမ်ရတဲ့ မြို့နယ်တွေက စစ်ဘေးရှောင်စခန်းတွေကိုတော့ အစိုးရက သွားရောက်ထောက်ပံ့မှုမရရှိတာကြောင့် နေထိုင်စားသောက်ရေးတွေမှာ အခက်အခဲရှိနေသလို ကျောင်းနေအရွယ် ကလေးအတွက်လည်း ပညာသင်ကြားဖို့ အခက်အခဲတွေရှိနေတယ်လို့ စစ်ဘေးရှောင်စခန်းတာဝန်ခံတွေက  ပြောပါတယ်။ သတင်း - နောင်နောင်
7 months Ago

အမ်းမြို့တွင် သင်တန်းတက်ရန်သွားသည့် ကျန်းမာရေးဝန်ထမ်း ၃ ဦး ဖမ်းဆီးခံရပြီး ၂ ဦးပြန်လွတ်

ရခိုင်ပြည်နယ်၊ အမ်းမြို့နယ်၊ ကျောက်မြောင်းကျေးရွာအုပ်စု ကျေးလက်ကျန်းမာရေးဌာန ဝန်ထမ်း ကိုကျော်မင်းထွန်းအပါအဝင်   ၃ ဦးကို တပ်မတော်က ဖမ်းဆီးသွားပြီး  ၂ ဦးကို ပြန်လွှတ်ပေးလိုက်ပါတယ်။  သြဂုတ် ၉ ရက်က အမ်းမြို့ ကျန်းမာရေးဌာနက ပို့ချတဲ့ မိုဘိုင်းတက်ဘလက် သင်တန်းတက်ရောက်ဖို့ ဆိုင်ကယ်နဲ့ သွားရောက်စဉ် အမ်းမြို့အဝင်မှာ ရှိတဲ့ တပ်မတော် စစ်ဆေးရေးဂိတ်မှာ  ဖမ်းဆီးခဲ့တာ ဖြစ်ပါတယ်။ သူတို့ ၃ ဦးကို တပ်မတော်က ဖမ်းဆီးစစ်ဆေးခဲ့ပြီး နောက်တစ်နေ့မှာတော့ ၂ ဦးကို ပြန်လည်လွှတ်ပေးခဲ့ပေမဲ့ ကိုကျော်မင်းထွန်းကိုတော့ အေအေနဲ့ဆက်စပ်တယ်ဆိုတဲ့ သံသယနဲ့ ဖမ်းဆီးထားလိုက်တယ်လို့ ပြန်လည်လွတ်လာတဲ့ ကိုမင်းဇော်နိုင်က ပြောပါတယ်။ ပြန်လွတ်လာတဲ့ ကျန်းမာရေးဝန်းထမ်း ကိုမင်းဇော်နိုင်က “မနေ့က ကျနော်တို့ အမ်းမြို့ ကျန်းမာရေးဌာနမှာ မိုဘိုင်းတက်ဘလက်သင်တန်းတက်ဖို့ ဆိုင်ကယ်နဲ့ထွက်လာကြတယ်။ ကျနော်နဲ့ ငြိမ်းလင်းဇော်နဲ့က ဆိုင်ကယ်တစ်စီးတည်း၊ ကျော်မင်းထွန်းကဆိုင်ကယ်တစ်စီး၊ အဲဒီမှာ လာကြတော့ အမ်းကိုမရောက်ခင် တစ်မိုင် ကုန်းနားရောက်တော့ တပ်စစ်ဆေးရေးဂိတ်ကနေ ပြီးတော့ ကျော်မင်းထွန်းနာမည်နဲ့စစ်တာ၊ အဲဒီမှာသူကိုခေါ်ထားပြီး ကျနော်တို့ကို လွှတ်လိုက်ပြီး တော့ ရှေ့ကဆီဆိုင်မှာ စောင့်ခိုင်းထားလို့စောင့်နေကြတယ်။ နာရီဝက်လောက်ကြာတော့ ကျော်မင်းထွန်းဆီကဖုန်းဝင်ပြီးတော့ ကျနော်တို့ကိုပါ ခေါ်တယ်ဆိုလို့ လိုက်သွားကြတယ်။ အဲဒီကို ရောက်တော့ ကျနော်တို့ကို မိဘနာမည်တွေ၊ ရာထူးတွေကအစ အကုန်စစ်မေးကြတယ်။ ပြီးရင် အဲဒီမှာ နာရီဝက်လောက်နေတော့ ကားတစ်စီးရောက်လာပြီးတော့ ကျနော်တို့ကို သပ်သပ်တစ်စီး တင်တယ်။ ကျော်မင်းထွန်းကို တစ်စီးတင်တယ်။ ကားပေါ်ရောက်တော့ မျက်နှာတွေကို စည်းပြီးတော့ ခေါ်သွားတယ်၊ ဘယ်နေရာကို ခေါ်သွားတယ်ဆိုတာတော့မသိရဘူး၊ အဲဒီမှာ အခန်း ၁ ခုထဲကို ရောက်သွားပြီးတော့ ကျနော်တို့ကို စစ်ဆေးမေးမြန်းပြီးတော့ တစ်ယောက် တစ်နေရာစီ ခွဲထားတယ်။ နောက်နေ့မနက် ၁၀ နာရီကျော်လောက်မှာ ကျနော်တို့ နှစ်ယောက်ကို ပြန်လွှတ်ပေးလိုက်တယ်၊ ကျော်မင်းထွန်းကိုတော့ အေအေနဲ့အဆက်အသွယ် ရှိလို့ဆိုပြီးတော့ သူတို့ကပြောလိုက်တယ်”လို့ ပြောပါတယ်။ ကျန်းမာရေးဝန်ထမ်း ကိုကျော်မင်းထွန်းဖမ်းဆီးခံရတာနဲ့ ပတ်သက်ပြီး တပ်မတော်သတင်းမှန်ပြန်ကြားရေးအဖွဲ့မှ ဗိုလ်ချုပ်ထွန်းထွန်းညီနဲ့ ဗိုလ်မှူးချုပ်ဇော်မင်းထွန်း တို့ကို မေးမြန်းဖို့ ဆက်သွယ်ခဲ့ပေမယ့် မရခဲ့ပါဘူး။ သတင်း - နောင်နောင်
7 months Ago
Up