အမျိုးသားတဦး သေဆုံး

June 29, 2017

တူးမီးယမ်းသေနတ်မှ ရုတ်တရက် ကျည်ထွက်ပြီး အမျိုးသားတဦး သေဆုံး

မြိတ်ခရိုင်၊ တနင်္သာရီမြို့နယ်၊ သာရဘွင်ကျေးရွာအုပ်စု၊ ပတ္တမြားကျေးရွာ ကမ်းနားလှေဆိပ်မှာ ဇွန် ၂၈ ရက်နေ့ မနက်ပိုင်းက တူးမီးယမ်းထောင်းသေနတ်မှ ရုတ်တရက် ကျည်ထွက်သွားတာကြောင့် အမျိုးသားတဦး သေဆုံးခဲ့ပါတယ်။ မြိတ်မြိုနယ်၊ တုံးဗျောကြီး ကရင်စုကျေးရွာနေ အသက် ၅၃ နှစ်အရွယ် စောလေဒါး(ခ)စောဝင်းရှိန်ဟာ ဇွန်လ ၂၈ ရက် မနက်ပိုင်းက နော်ထယ်ကျေးရွာမှ ချိန်းဆောစက် သွားယူဖို့အတွက် စက်လှေရှိရာကို အဆင်း မြစ်ကမ်းပါးမှာ ခြေချော်လဲကျရာ လွယ်အိတ်ထဲမှာ ထည့်ထားတဲ့ အရှည် ၉ လက်မခွဲခန့်ရှိ ယမ်းထောင်းပြီး ယမ်းကတ်ထည့်ထားတဲ့ တူးမီးယမ်းထောင်းသေနတ်က ရုတ်တရက် ကျည်ထွက်သွားပြီး ဝဲဘက်ရင်အုံကို ထိမှန်ခဲ့တာကြောင့် နေရာတင် သေဆုံးသွားတယ်လို့ သိရပါတယ်။ ဖြစ်စဉ်နဲ့ပတ်သက်ပြီး တကူရဲကင်းစခန်းမှ ရဲအုပ်ကျော်ဝင်းမှ တရားလို ပြုတိုင်တန်းသဖြင့် တနင်္သာရီမြို့မရဲစခန်းက (ပ) ၂၀၆/၂၀၁၇ ရာဇသတ်ကြီးပုဒ်မ ၃၀၄(က) အရ အမှုဖွင့် အရေးယူထားတယ်လို့ သိရပါတယ်။ သတင်း - မြတ်ထွဋ်(မြိတ်)၊ ဓာတ်ပုံ - ရဲမှတ်တမ်း
4 years Ago

June 1, 2017

ဗော့ဒ်ကာသောက်ပြိုင်ပွဲတွင် ၃ လီတာသောက်သည့် အမျိုးသားတဦး သေဆုံး

ဗော့ဒ်ကာသောက်ပြိုင်ပွဲမှာ အနိုင်ရရင် ဗော့ဒ်ကာ ၁၀ ပုလင်းရမှာမို့ ပုံးထဲက အပြင်းစားဗော့ဒ်ကာအရက်ကို သောက်ပြီး လူ ၆ ဦး အပြင်းအထန် အမူးလွန် ဝေဒနာခံစားရကာ သူတို့အထဲက အမည်မဖော်ပြတဲ့ အမျိုးသားတဦး သေဆုံးသွားပါတယ်။ ရုရှားနိုင်ငံအနောက်တောင်ပိုင်း ရို့စ်တော့ဗ်အောဘလက်စ်ဒေသ ဗော်လ်ဂိုဒွန်စ်က်မြို့ ဈေးဝယ်ကုန်တိုက်အသေးတခုမှာ ကျင်းပတဲ့ “ဘယ်သူ ဗော့ဒ်ကာပိုသောက်နိုင်လဲ/Who can drink more Vodka” ဆိုတဲ့ ထူးခြားတဲ့ပြိုင်ပွဲမှာ ဝင်ပြိုင်ရင်း ဒီအမျိုးသားက သေဆုံးခဲ့တာလို့ မေရာရဲ့ မေလ ၃၁ ရက်နေ့သတင်းမှာ ဖေါ်ပြထားပါတယ်။ ဒီပြိုင်ပွဲမှာ အမျိုးသား ၄၀ ဦး ဝင်ရောက်ယှဉ်ပြိုင်ခဲ့ကြပြီး ပုံးထဲမှာ ထည့်ထားတဲ့ ဗော့ဒ်ကာတွေကို သောက်ရမှာပါ။ အဲဒီလို အရက်အလွန်အကျွံသောက်ခဲ့ပြီး သူတို့ထဲက ၅ ဦး အသည်းအသန် ဆေးကုသပေးခဲ့ရပါတယ်။ တဦးကတော့ သေဆုံးခဲ့တာလို့ သိရပါတယ်။ ရဲတွေက အစပိုင်းမှာ မတော်တဆ သေဆုံးမှု ကြော်ငြာဥပဒေကို ချိုးဖောက်မှု စတဲ့ရာဇဝတ်မှု ပုဒ်မတွေနဲ့ ဒီကုန်တိုက်ကို တရားစွဲဆိုထားတယ်လို့ သိရပါတယ်။ ဝင်ပြိုင်သူတွေကို ဆလာမီခေါ် အသားချောင်းနဲ့ ပေါင်မုန့်တွေ ကျွေးပြီး အနိုင်ရရင် ဗော့ဒ်ကာ ၁၀ ပုလင်း ဆုရမှာလို့ ဆိုပါတယ်။ ပြိုင်ပွဲပြီးလို့ မိနစ်အနည်းငယ်အကြာမှာ ဝင်ပြိုင်သူအချို့ ပြင်းထန်တဲ့ အမူးလွန် ဝေဒနာ ခံစားရလို့ ဆရာဝန်က ၆ ဦးကို ကုသပေးခဲ့ရတာပါ။ “သူက ဗော့ဒ်ကာ ၃ လီတာ သောက်နိုင်ခဲ့တယ်၊ သူက ပုံမှန်လူတယောက်ဆိုရင်တော့ မသေလောက်ပါဘူး” လို့ သေဆုံးသူပြိုင်ပွဲဝင်နဲ့ ပတ်သက်ပြီး ဆရာဝန်က ပြောပါတယ်။ “ပြိုင်ပွဲမှာ ဝင်ပြိုင်သူတွေက ဘယ်သူတိုက်တွန်းလို့မှ ဝင်ပြိုင်တာမဟုတ်တော့ ပြိုင်ပွဲကျင်းပသူတွေ အပြစ်က လွတ်နိုင်မှာပါ” လို့ ဒေသရဲ့ တရားလို လက်ထောက်ရှေ့နေက ပြောပါတယ်။
4 years Ago
Up