အမ်ဘာပေ

December 29, 2021

ရီးရဲလ်သို့မပြောင်းရန် ၁ဝဝ ရာခိုင်နှုန်းသေချာကြောင်း အမ်ဘာပေ အတည်ပြု

လာမယ့်ဇန်နဝါရီအပြောင်းအရွှေ့မှာ စပိန်ကလပ် ရီးရဲလ်မက်ဒရစ်အသင်းဆီ မပြောင်းဖို့ ၁၀၀ ရာခိုင်နှုန်းသေချာကြောင်း ပီအက်စ်ဂျီတိုက်စစ်မှူး အမ်ဘာပေက အတည်ပြုသွားပါတယ်။ 

အမ်ဘာ ပေဟာ ပီအက်စ်ဂျီနဲ့ စာချုပ်သက်တမ်း ကုန်ဆုံးတော့မှာဖြစ်ပြီး ရီးရဲလ်မက်ဒရစ်က ပေါင် ၁၅၄ သန်းနဲ့ခေါ်ယူဖို့ ကမ်းလှမ်းခဲ့ဖူးပါတယ်။ 

အမ်ဘာပေကတော့ ပီအက်စ်ဂျီမှာ ပျော်ရွှင်နေပြီး ပဲရစ်ကလပ်မှာပဲ ရာနှုန်းပြည့် ဆက်ရှိနေမယ်လို့ CNN နဲ့ အင်တာဗျူးမှာ ပြောသွားပါတယ်။ 

“ပီအက်စ်ဂျီနဲ့အတူ ရာသီပြီးဆုံးဖို့ ရာနှုန်းပြည့်သေချာပါတယ်။ ချန်ပီယံလိဂ်ဖလားရဖို့အတွက် အစွမ်းကုန်ပေးဆပ်သွားမှာပါ။ ပြီးတော့ လီဂူးဝမ်းနဲ့ လိဂ်ဖလားတွေလည်း ရယူသွားချင်ပြီး ဒါတွေက ပရိသတ်တွေနဲ့ ထိုက်တန်ပါတယ်။ ကျနော်ကိုယ်တိုင်လည်း အသင်းနဲ့အတူ ဒီလိုဆုဖလားတွေ ရယူဖို့ ထိုက်တန်တယ်လို့ထင်တယ်” လို့ အမ်ဘာပေက ပြောပါတယ်။ 

ပီအက်စ်ဂျီအသင်းဥက္ကဋ္ဌ လီယိုနာဒိုကတော့ အမ်ဘာပေကို သက်တမ်းတိုးဖို့  အကောင်းဆုံးအခြေအနေမှာရှိနေတယ်လို့ ပြောထားပါတယ်။

3 weeks Ago

December 22, 2021

ဟာလန်းနှင့် အမ်ဘာပေတို့ စဉ်ဆက်မပြတ်ကြိုးစားရန်လိုကြောင်း စီရော်နယ်ဒို အကြံပြု

မျိုးဆက်သစ်လူငယ်တွေအနေနဲ့ စဉ်ဆက်မပြတ်ကြိုးစားဖို့လိုကြောင်း မန်ယူနိုက်တက်တိုက်စစ်မှူး စီရော်နယ်ဒိုက ပြောသွားပါတယ်။ 

ဒေါ့မွန်တိုက်စစ်မှူး ဟာလန်းရဲ့ အနာဂတ်နဲ့ပတ်သက်ပြီး စီရော်နယ်ဒိုက မှတ်ချက်ပေးရာမှာ စဉ်ဆက်မပြတ် ကြိုးစားကြဖို့ လိုတယ်လို့ အကြံပေးခဲ့တာပါ။ 

လက်ရှိမျိုးဆက်သစ်က စားသမားတွေကို တွေ့မြင်နေရတာက စိတ်လှုပ်ရှားစရာကောင်းပြီး ဘယ်သူက အကောင်းဆုံးဖြစ်မယ်ဆိုတာ ခန့်မှန်းဖို့ ခက်ခဲတယ်လို့ စီရော်နယ်ဒိုက ပြောပါတယ်။

“မျိုးဆက်သစ် ကစားသမားတွေကို မြင်တွေ့ရတာက စိတ်လှုပ်ရှားစရာကောင်းပြီး ဟာလန်းနဲ့ အမ်ဘာပေတို့လို ကစားသမားတွေ ထွက်ပေါ်လာခဲ့ပါတယ်။ တချို့ကတော့ တစ်ရာသီ နှစ်ရာသီလောက်ပဲ ခြေစွမ်းပြနိုင်ကြတယ်။ တကယ်စစ်မှန်ပြီး ခမ်းနားတဲ့ ကစားသမားတွေကတော့ ခြေစွမ်းကောင်းကို ဆက်ထိန်းနိုင်ကြတာပါ။ ဒီလိုလုပ်နိုင်ဖို့က ခက်ပါတယ်။ ပြင်းထန်တဲ့ ကြိုးပမ်းမှုတွေ လိုတယ်။ စိတ်ပိုင်းဖြတ်မှုတွေ အများကြီး လိုတယ်” လို့ ရော်နယ်ဒိုက ပြောပါတယ်။ 

မန်ယူနိုက်တက်နဲ့လည်း သတင်းထွက်နေတဲ့ ဒေါ့မွန်တိုက်စစ်မှူး ဟာလန်းကတော့ ရော်နယ်ဒိုက အားလုံးအတွက် စံပြပုဂ္ဂိုလ်ဖြစ်တယ်လို့ ချီးကျူးဖူးပါတယ်။

4 weeks Ago
More News
Up