အမေရိကန်လွှတ်တော်

October 6, 2021

မြန်မာ့ဒီမိုကရေစီရေးထောက်ပံ့ပေးမည့် ဥပဒေသစ် အမေရိကန်လွှတ်တော်၌ တင်သွင်းသည့် အပေါ် ကြိုဆို

စစ်အာဏာရှင်ဆန့်ကျင်တဲ့ မြန်မာပြည်သူတွေရဲ့ ဒီမိုကရေစီရေးလှုပ်ရှားမှုတွေကို အားပေးထောက်ပံ့ပေးဖို့ အမေရိကန်ကွန်ဂရက်လွှတ်တော်မှာ ဥပဒေသစ် တင်သွင်းလိုက်တဲ့အပေါ် Global Witness အဖွဲ့က ကြိုဆိုလိုက်ပြီး ဒီဥပဒေကို အမြန်ဆုံး အတည်ပြုဖို့လည်း အောက်တိုဘာ ၅ ရက်နေ့က ထုတ်ပြန်တိုက်တွန်းထားပါတယ်။

ဖေဖော်ဝါရီ ၁ ရက်နေ့ကတည်းက မတရားစစ်အာဏာသိမ်းကာလ နိုင်ငံရေးအကျပ်အတည်းတွေနဲ့ ရင်ဆိုင်နေရတဲ့ မြန်မာ့အရေးအတွက် BURMA Act of 2021 လို့ အမည်ပေးထားတဲ့   ဉပဒေသစ်တရပ် အတည်ပြုပြဋ္ဌာန်းနိုင်ဖို့ အမေရိကန်ကွန်ဂရက်လွှတ်တော်မှာ တင်သွင်းထား ပါတယ်။

ဒီဉပဒေသစ်အရ အမေရိကန်အနေနဲ့ မြန်မာနိုင်ငံရဲ့ ဒီမိုကရေစီ ရေးဆန္ဒပြလှုပ်ရှားမှုတွေနဲ့ စစ်အာဏာရှင်စနစ်လက်အောက်ကနေ ထွက်ပြေးလာတဲ့ သိန်းနဲ့ချီတဲ့ ပြည်သူတွေ၊ အရပ်ဖက်အဖွဲ့အစည်းတွေနဲ့ လွတ်လပ်တဲ့ သတင်းမီဒီယာတွေ ကိုလည်း ထောက်ပံ့သွားမယ်လို့ ဆိုပါတယ်။

ဒါ့အပြင် စစ်ကောင်စီရဲ့ အဓိက ဝင်ငွေရလမ်းတွေဖြစ်တဲ့ နှစ်စဉ်အမေရိကန်ဒေါ်လာ သန်းထောင်ချီရရှိနေတဲ့ သဘာဝဓာတ်ငွေ့လုပ်ငန်းတွေကို ပိတ်ဆို့အရေးယူနိုင်ဖို့ အမေရိကန် နိုင်ငံအနေနဲ့ ဖိအားပေးသွားမှာဖြစ်တယ်လို့ ဆိုပါတယ်။

အဆိုပါဥပဒေသစ်အရ မြန်မာနိုင်ငံက ကျောက်စိမ်းနဲ့ ကျောက်မျက်ရတနာတွေ တင် သွင်းမှုကိုလည်း တားမြစ်ထားပြီး စစ်အစိုးရကို ဆက်လက်ထောက်ပံ့နေတဲ့ ကုမ္ပဏီ တွေကိုပါ ဒုတိယအဆင့် အနေနဲ့ ပစ်မှတ်ထားဒဏ်ခတ်ပိတ်ဆို့မှုတွေကို လုပ်ဆောင်ဖို့ ထည့်သွင်းထားပါတယ်။

လူ့အခွင့်အရေးလှုပ်ရှားမှုအဖွဲ့တဖွဲ့ဖြစ်တဲ့ Global Witness အဖွဲ့ရဲ့ သဘာဝသယံဇာတ စီမံအုပ်ချုပ်မှုနှင့်မြန်မာ့မဟာဗျူဟာဆိုင်ရာ အကြီးအကဲ ပေါလ် ဒိုနိုဝစ်တ်ဇ်ကတော့ “မြန် မာစစ်တပ်ထိန်းချုပ်မှုအောက် ရောက်ရှိနေပြီး နှစ်စဉ်ဝင်ငွေဒေါ်လာ ၁ ဘီလီယံကျော် ရ ရှိနေတဲ့ ဓာတ်ငွေ့လုပ်ငန်းကို အမေရိကန်အစိုးရအနေနဲ့ ပစ်မှတ်ထား ဒဏ်ခတ် အရေးယူဖို့ ဖိအားပေးရပါမယ်။ မြန်မာ့ရေနံနှင့် သဘာဝဓာတ်ငွေ့လုပ်ငန်း(MOGE)ကို အမေရိကန်ရဲ့ အထူးအရေးယူပိတ်ဆို့မယ့် စာရင်းထဲ အမြန်ဆုံး ထည့်သွင်းရပါမယ်”လို့ ပြောပါ တယ်။

ဒါ့အပြင် Global Witness အဖွဲ့အနေနဲ့ အဆိုပါဥပဒေသစ်အရ မြန်မာနိုင်ငံက ကျောက်စိမ်းနဲ့ ကျောက်မျက်ရတနာတွေ တင်သွင်းမှုတွေကို တားမြစ်ပိတ်ပင်သွားမှာကိုလည်း ကြိုဆိုတယ်လို့ ပြောပါတယ်။

စစ်အာဏာသိမ်းမှုကြောင့် အစိုးရရဲ့ ကိုဗစ်-၁၉ ရောဂါတိုက်ဖျက်ရေးလုပ်ငန်းတွေ လုံးလုံးလျားလျား ပျက်ပြားစေခဲ့ပြီး ပြည်သူ့ကျန်းမာရေးအကျပ်အတည်းတွေနဲ့အတူ ကပ်ဘေးတခုအဖြစ် ပြောင်းလဲစေခဲ့တယ်လို့ ဆိုပါတယ်။

ဒါ့အပြင်စစ်တပ်ရဲ့ အကြမ်းဖက်ဖြိုခွင်းမှုတွေ ပဋိပက္ခတွေကြောင့် အိုးအိမ်စွန့်ခွာထွက် ပြေးနေကြရတဲ့ ပြည်သူတွေကို ထောက်ပံ့တဲ့ စားနပ်ရိက္ခာအထောက်အပံ့တွေကို တပ်မတော်က တားဆီးပိတ်ပင်တာမျိုးဟာလည်း ရာဇ၀တ်မှုမြောက်တယ်လို့ Global Witness ကဆိုပါတယ်။

ခုပြဋ္ဌာန်းမယ့် ဥပဒေကြမ်းအရ စစ်တပ်က မတရားခိုးယူထားတဲ့ ဝင်ငွေရပေါက်ရလမ်းတွေက ပိတ်ဆို့ပြီး မြန်မာပြည်သူ ပြည်သားတွေကို လမ်းလွှဲပေးမယ့် ငွေရေးကြေးရေးအထောက်အပံ့တွေကို အမေရိကန်အနေနဲ့ သေချာအောင်လုပ်ဆောင်ရမယ်လို့ ပေါလ် ဒိုနိုဝစ်တ်ဇ်က ပြောပါတယ်။

3 weeks Ago

January 7, 2021

အမေရိကန်လွှတ်တော် စီးနင်းမှု၌ လူ ၄ ဦး သေဆုံး

အမေရိကန်လွှတ်တော် စီးနင်းမှုမှာ လူ ၄ ယောက် သေဆုံးတယ်လို့  ဝါရှင်တန်ဒီစီ ရဲတပ်ဖွဲ့ က ဇန်နဝါရီ ၆ ရက်မှာ ပြောပါတယ်။  ရဲတပ်ဖွဲ့ရဲ့ ပစ်ခတ်မှုကြောင့် အမျိုးသမီး တစ်ယောက်သေဆုံးပြီး  နောက်အမျိုးသမီး တစ်ယောက်နဲ့ အမျိုးသား နှစ် ယောက်တို့ကလည်း ဆေးဘက်အကူအညီလိုအပ်လို့  သေဆုံးခဲ့ တာပါ။  အခုထိ လူ  ၅၂ ယောက်ထက်မနည်း ဖမ်းဆီးထားပြီး အဲဒီထဲက ၄၇ ယောက်ဟာ ညမထွက်ရအမိန့် ချိုးဖောက်လို့ ဖမ်းဆီးခံရတယ်လို့ ရဲတပ်ဖွဲ့က ဆိုပါတယ်။  လွှတ်တော်အဆောက်အအုံ ဆန္ဒပြပွဲနဲ့ပတ်သက်လို့ ဒီစီမြို့တော်ဝန် ဘောင်ဆာနဲ့ ရဲတပ်ဖွဲ့ အကြီးအကဲ ရောဘတ်ကွန်တီတို့က သတင်းစာရှင်းလင်းပွဲ လုပ်ခဲ့ပါတယ်။  အဓိကရုဏ်းအတွင်း ရဲတပ်ဖွဲ့ဝင် ၁၄  ယောက်ထက်မနည်း ဒဏ်ရာရခဲ့ပြီး  အဲဒီထဲက ရဲ နှစ်ယောက်ကို ဆေးရုံတင်ထားပါတယ်။  တစ်ယောက်ဟာ လူအုပ်ထဲ တရွတ်တိုက်ဆွဲခေါ်ခံရပြီး ဒဏ်ရာ အပြင်းအထန် ရခဲ့တာပါ။ တခြားတစ်ယောက်ကတော့ မျက်နှာကို လောက်လေး ထိမှန်ခဲ့တယ်လို့ ဘီဘီစီက ဖော်ပြပါတယ်။
10 months Ago

အမေရိကန်လွှတ်တော်ကို ထရမ့်ထောက်ခံသူများ ဝင်ရောက်စီးနင်း

အမေရိကန်သမ္မတရွေးကောက်ပွဲမှာ သမ္မတ ထရမ့်ရှုံးနိမ့်တာကို လက်မခံဘဲပယ်ချတဲ့ ကြိုးပမ်းမှုအဖြစ်  ဇန်နဝါရီ ၆ ရက်က ထရမ့်ထောက်ခံသူ ရာချီပြီး   အမေရိကန်လွှတ်တော်ကို ဝင်ရောက် စီးနင်းခဲ့ပါတယ်။ လွှတ်တော်ကို ဝင်စီးနင်းတဲ့ လုပ်ရပ်ဟာ အမေရိကန် ဒီမိုကရေစီကို သိမ်းပိုက်တာဖြစ်ပြီး စီးနင်းမှုကြောင့် ရွေးကောက်ပွဲမှာ ဂျိုးဘိုင်ဒင် အနိုင်ရတာကို အသိမှတ်ပြုမယ့် အစည်းဝေးကို ရွှေ့ဆိုင်းခဲ့ရပါတယ်။  ဒါကြောင့် ရဲတွေက သေနတ်တွေကိုထုတ် ၊ မျက်ရည်ယို ဓာတ်ငွေ သုံးပြီး လွှတ်တော်အမတ်တွေကို ဘေးလွတ်ရာ ပြောင်းခဲ့ပါတယ်။  ဒါ့အပြင် ထရမ့်ထောက်ခံသူတွေကို လွှတ်တော်ကနေ ဖယ်ရှားဖို့ ရဲတွေဟာ အချိန် ၃ နာရီ ကျော်ကြာ ကြိုးပမ်းခဲ့ရပါတယ်။  ဒီဖြစ်ရပ်ဟာ အမေရိကန်လွှတ်တော်ကို ဗြိတိသျှစစ်တပ်မီးရှို့ခဲ့တဲ့ ၁၈၁၄ နောက်ပိုင်း အပျက်အစီးအများဆုံး တိုက်ခိုက်မှုဖြစ်တယ်လို့  အမေရိကန်လွှတ်တော်သမိုင်းအဖွဲ့က ဆိုပါတယ်။  အမေရိကန်လွှတ်တော်ကို စီးနင်းတာနဲ့ပတ်သက်လို့ သမ္မတ ထရမ့်က ထောက်ခံသူတွေကို အိမ်ပြန်ကြဖို့နဲ့ အကြမ်းမဖက်ဖို့ ပြောဆိုခဲ့ပါတယ်။  ရွေးကောက်ခံသမ္မတ ဘိုင်ဒင်ကတော့ ဒီလုပ်ရပ်ဟာ ဆန္ဒပြတာ မဟုတ်ဘဲ ဆူပူအုံကြွမှု ဆိုပြီး ခေါ်ဆိုခဲ့တယ်လို့ ရိုက်တာက ဖော်ပြပါ။
10 months Ago
Up