အမေရိကန်

September 21, 2021

ဩစတြေးလျကို အမေရိကန်က နျူကလီးယားရေငုပ်သင်္ဘောနည်းပညာကူညီမှု မြောက်ကိုရီးယား ဝေဖန်

အမေရိကန်ဟာ သြစတြေးလျနိုင်ငံကို ရေငုပ်သင်္ဘောနည်းပညာ ပံ့ပိုးပေးသောအားဖြင့် အန္တရာယ်များတဲ့ နျူကလီးယားပြိုင်ပွဲကို ဆင်နွှဲမယ့်ဘေးအန္တရာယ် ရှိနေတယ်လို့ မြောက်ကိုရီးယား အစိုးရက စက်တင်ဘာ ၂၀ မှာ သတိပေးလိုက်ပါတယ်။

အမေရိကန်က စံချိန် နှစ်မျိုးထားတယ်လို့ ဝေဖန်ရင်း ဒီကိစ္စ  တုံ့ပြန်ဆောင်ရွက်မယ်လို့လည်း မြောက်ကိုရီးယားက ကတိပြုလိုက်ပါတယ်။

နျူကလီးယားစွမ်းအင်သုံး ရေငုပ်သင်္ဘော ၈ စီး တည်ဆောက်ရေး သြစတြေးလျနိုင်ငံကို နည်းပညာ အကူအညီပေးဖို့ အမေရိကန်ဟာ ဗြိတိန်၊ သြစတြေးလျတို့နဲ့အတူ သုံးပွင့်ဆိုင် လုံခြုံရေး မိတ်ဖက်သစ်ကို အရင်အပတ်က ကျစ်ကျစ်လျစ်လျစ် ဖွဲ့စည်းခဲ့တာပါ။

အမေရိကန်ရဲ့ ဆုံးဖြတ်ချက်ဟာ ဒေသတွင်း ငြိမ်းချမ်းရေး၊ တည်ငြိမ်ရေးနဲ့ နျူကလီးယား လက်နက် ဖောချင်းသောချင်း မပြန့်ပွားရေး ကမ္ဘာလုံးဆိုင်ရာ အားထုတ်မှုတွေကို ဖျက်ဆီးတဲ့ တာဝန်ခံမှုမရှိတဲ့ လုပ်ရပ်လို့ မြောက်ကိုရီးယားနဲ့ တရုတ်တို့က ဝေဖန်ခဲ့ကြပါတယ်။

“ဒါဟာ အင်မတန် အန္တရာယ်များတဲ့ လုပ်ရပ်တွေပဲ။ အာရှပစိဖိတ်ဒေသရဲ့ ဗျူဟာမြောက် ဟန်ချက်ကို ပျက်စေတယ်။ နျူကလီးယားလက်နက်ပြိုင်ပွဲ ကွင်းဆက်ကို အစပျိုးပေးလိုက်တာပဲ” လို့ မြောက်ကိုရီးယား နိုင်ငံခြားရေးဝန်ကြီးဌာနက ပြောတဲ့အကြောင်း အစိုးရရုပ်သံ KCNA က ထုတ်လွှင့်ခဲ့ပါတယ်။

အမေရိကန်အစိုးရဟာ တရုတ်နဲ့ ပဋိပက္ခဖြစ်အောင် လုပ်နေတာ မဟုတ်ဘူးလို့ အိမ်ဖြူတော် ပြောခွင့်ရ ဂျန်စာကီက မှတ်ချက်ပေး ပြောဆိုပေမဲ့ ဒီဆုံးဖြတ်ချက်ဟာ ဒေသတွင်း လုံခြုံရေးကို ဆွပေးဖို့ အချက်ပြတာပဲလို့ ပြောရင်း အမေရိကန်ဟာ သဘောထား နှစ်မျိုး ကျင့်သုံးနေတယ်လို့ မြောက်ကိုရီးယား အစိုးရက စွပ်စွဲဝေဖန်လိုက်ပါတယ်။

2 hours Ago

September 18, 2021

ရေငုပ်သင်္ဘောဝယ်သည့်ကိစ္စ မကျေနပ်သဖြင့် အမေရိကန်နှင့် ဩစတြေးလျရှိ သံတမန်များကို ပြင်သစ် ပြန်ခေါ်

အမေရိကန်နဲ့ သြစတြေးလျရှိ သံတမန်တွေကို ပြန်လည်ခေါ်ယူဖို့ ဆုံးဖြတ်ခဲ့တယ်လို့ ပြင်သစ်အစိုးရက စက်တင်ဘာ ၁၇ ရက်မှာ ပြောပါတယ်။

အမေရိကန်နဲ့ ဗြိတိန်တို့ဟာ  ပြင်သစ်သမ္မတကို တိုင်ပင်ဆွေးနွေးခြင်းမရှိဘဲ သြစတြေးလျကို နျူကလီးယားရေငုပ်သင်္ဘောတွေ ကူညီ၀ယ်ယူပေးဖို့ ဘိုင်ဒင်ရဲ့ ကြေညာချက်ကို တုံ့ပြန်တဲ့ အနေနဲ့ ခုလို လုပ်ဆောင်တာလို့ ဆိုပါတယ်။ 

သြစတြေးလျဟာ ပြင်သစ်ကနေ ရေငုပ်သင်္ဘောမဝယ်တော့ဘဲ  ဒေါ်လာသန်း ၄၀ တန် ပြင်သစ်ဒီဇိုင်း နျူကလီးယားရေငုပ်သင်္ဘောဝယ်ဖို့  အမေရိကန်နဲ့ ဗြိတိန်တို့နဲ့ သဘောတူညီမှုရရှိခဲ့တာဖြစ်ပါတယ်။ 

ဒီကိစ္စရဲ့ လေးနက်မှုကြောင့်  သမ္မတ အီမန်နျူရယ်မက်ခွန်းက သူ့ရဲ့သံတမန်တွေကို ပြန်ခေါ်ဖို့  ရှားရှားပါးပါး ဆုံးဖြတ်ချက်ချခဲ့တာဖြစ်တယ်လို့ ပြင်သစ်နိုင်ငံခြားရေးဝန်ကြီး ယွန်းအီဗာလိုဒရင်ရန် ကတော့  ကြေညာချက်မှာ ပြောထားပါတယ်။

သမ္မတအီမန်နျူရယ်မက်ခွန်းရဲ့ တောင်းဆိုချက်အရ အမေရိကန်ဆိုင်ရာ ပြင်သစ်သံအမတ် ဖိလစ်အစ်တီအန်နဲ့ ဩစတြေးလျနိုင်ငံ ကင်ဘာရာမှာ ခန့်အပ်ထားတဲ့ သူ့လုပ်ဖော်ကိုင်ဖက်တွေကို ညှိနှိုင်းမှုတွေအတွက် ပါရီကို ပြန်ခေါ်ထားတယ်လို့ ပြင်သစ်သံရုံးရဲ့ တွစ်တာမှာလည်း ရေးထားပါတယ်။ 

အမေရိကန်၊ ဗြိတိန်နဲ့ ဩစတြေးလျနိုင်ငံတွေရဲ့ AUKUS မဟာမိတ်ဖွဲ့မှုကို တုံ့ပြန်တဲ့အနေနဲ့ သူ့သံတမန်တွေကို ပြန်ခေါ်တာလို့လည်း မီဒီယာတွေမှာ ဖော်ပြပါတယ်။ 

ဒါဟာ မဟာမိတ်တွေ မိတ်ဖက်တွေအတွက် လက်မခံနိုင်စရာ အပြုအမူတွေကို ဖန်တီးလုပ်ဆောင်တာဖြစ်တယ်လို့လည်း ပြင်သစ်အစိုးရက ဝေဖန်ပါတယ်။

3 days Ago

ကဘူးလ်မြို့ ဒရုန်းတိုက်ခိုက်မှု၌ ကလေး ၇ ဦးအပါအဝင် ၁၀ ဦး သေဆုံးခဲ့သည့်အပေါ် အမေရိကန် တောင်းပန်

အာဖဂန်နစ္စတန်နိုင်ငံ ကဘူးလ်မြို့မှာ  ပြီးခဲ့တဲ့လ ဒရုန်းတိုက်ခိုက်မှုတခုအတွင်း ကလေးငယ် ၇ ဦး အပါအ၀င် အရပ်သား ၁၀ ဦး သေဆုံးခဲ့တယ်လို့ အမေရိကန်စစ်တပ်က စက်တင်ဘာ ၁၇ ရက် မှာ ပြောကြားလိုက်ပါတယ်။  

ပင်တဂွန်စစ်ဌာနချုပ်က ဒါဟာ ကြေကွဲဖွယ်အမှားတစ်ခု ဖြစ်ခဲ့တယ်လို့လည်း ပြောပြီး တောင်းပန်စကား ဆိုပါတယ်။ 

အာဖဂန်နစ္စတန်ကနေ နိုင်ငံခြားတပ်ဖွဲ့တွေ ဆုတ်ခွာမှု နောက်ဆုံးအဆင့်တွေ ပြီးစီးသွားချိန်မှာ ဖြစ်ပွားခဲ့တဲ့ သြဂုတ် ၂၉ ရက် တိုက်ခိုက်မှုဟာ ကဘူးလ်လေဆိပ်ကို ခြိမ်းခြောက်မှု လုပ်လာတဲ့ အစ္စလာမ္မစ်နိုင်ငံတော်အဖွဲ့က အသေခံဗုံးခွဲသမားတစ်ဦးကို ပစ်မှတ်ထားခဲ့တာလို့ အမေရိကန်အဆင့်မြင့်အရာရှိတွေက ပြောပါတယ်။ 

ဒီတိုက်ခိုက်မှုဟာ လေဆိပ်မှာရှိတဲ့ သူတို့တပ်ဖွဲ့တွေနဲ့ ဘေးလွတ်ရာပြေးလာသူတွေဆီ မလွဲဧကန် ရောက်လာတော့မယ့် ခြိမ်းခြောက်မှုကို ကာကွယ်ပေးနိုင်လိမ့်မယ်လို့ အဆုံးစွန် ယုံကြည်ခဲ့တယ်လို့ အမေရိကန် ဗဟိုစစ်ဌာနချုပ်အကြီးအကဲ ဗိုလ်ချုပ်ဖရန့်မက်ကင်ဇီးက သတင်းထောက်တွေကို ပြောပါတယ်။ 

ဒါပေမဲ့ ဒါဟာအမှားတစ်ခုဖြစ်ပြီး တိုက်ခိုက်ရေးတပ်မှူးအနေနဲ့ ဒီတိုက်ခိုက်မှုနဲ့ ဒီကြေကွဲဖွယ်ရလဒ်အတွက် သူ့မှာ အပြည့်အ၀ တာဝန်ရှိတယ်လို့လည်း တောင်းပန် ပြောဆိုပါတယ်။

 ပင်တဂွန်စစ်ဌာနချုပ်ဟာ သေဆုံးသွားတဲ့ အရပ်သားတွေအတွက် လျော်ကြေးပေးဖို့လည်း စဉ်းစားနေတယ်လို့ ဗိုလ်ချုပ်မက်ကင်ဇီက ပြောပါတယ်။ 

ဒရုန်းတိုက်ခိုက်မှုကြောင့် ကလေးငယ်တွေအပါအဝင် အရပ်သားတွေ သေဆုံးကြောင်း သတင်းတွေက ချက်ချင်းလိုလို ထွက်ပေါ်လာတာပါ။ 

အာဖဂန်နစ္စတန်ရဲ့တာလီဘန်အုပ်ချုပ်ရေးအဖွဲ့သစ်ရဲ့ ပြောခွင့်ရ ဇာဘီဟူလာ မူဂျာဟစ်က အဲ့ဒီအချိန်က တိုက်ခိုက်မှုကြောင့် လူ ၇ ဦး သေဆုံးကြောင်း ပြောကြားခဲ့ပါတယ်။

3 days Ago
More News
Up