အမေဇုန်

November 19, 2020

ပြင်သစ်တွင် လော့ဒေါင်းကာလ ရောင်းအားမြင့်နေဟု အမေဇုန် ပြင်သစ်အကြီးအကဲပြော

ပြင်သစ်လော့ဒေါင်းကာလအတွင်း ရောင်းအားမြင့်နေတယ်လို့ အွန်လိုင်းလက်လီအရောင်း ကုမ္ပဏီအကြီးအကဲက  နိုဝင်ဘာ ၁၈ ရက်မှာ ပြောဆိုပါတယ်။  ပြင်သစ်မှာ တစ်နိုင်ငံလုံး အတိုင်းအတာနဲ့ ဒုတိယလော့ဒေါင်းကို  အောက်တိုဘာ ၃၀ ရက်မှာ စတင်ပြီး လာမယ့်ဒီဇင်ဘာလဆန်းအထိ ကြာမြင့်မှာပါ။  လော့ဒေါင်းစည်းမျဉ်းတွေမှာ  အရေးကြီး ကုန်စည်မဟုတ်တဲ့ဆိုင်တွေ၊ စားသောက်ဆိုင်တွေ နဲ့ ဘားတွေကို ပိတ်ရပါတယ်။ အမေဇုန်ပြင်သစ်အကြီးအကဲ ဖက်ဒယ်လစ်ဂျူဗဲက လော့ဒေါင်းကာလမှာ အလုပ်အကိုင်တွေ တိုးတက်ခဲ့တယ်ဆိုပြီး  France Inter radio ကို ပြောဆိုခဲ့ပါတယ်။  ရောင်းအား ၄၀ ရာခိုင်နှုန်းကနေ ၅၀ ရာခိုင်နှုန်းကြား မြင့်တက်ခဲ့လို့လည်း ဂျူဗဲက ပြောဆို ပါတယ်။   နိုဝင်ဘာ ၁၇ ရက် နိုင်ငံအနောက်ပိုင်းမှာ  ဆန္ဒပြသူ ၃၀၀ လောက် စုဝေးပြီး အမေဇုန်က လုပ်ကိုင်နေတဲ့ ထောက်ပို့စင်တာ တည်ဆောက်ရေး အစီအစဉ်တွေကို ကန့်ကွက်ခဲ့ပါတယ်။  ဆန္ဒပြသူတွေက "အမေဇုန်နဲ့ သူ့ကမ္ဘာကို လက်မခံဘူး" ဆိုတဲ့ စာတန်းတွေကို ကိုင်ကာဆန္ဒပြနေပြီး ဂျူဗဲကတော့ အမေဇုန်ဟာ မကြာခဏ သရော်ခံရကာ အမေဇုန်က ဖန်တီးတဲ့ ရောင်းအားအများစုကို  တတိယအဖွဲ့အစည်းတွေက ရရှိပါတယ်လို့ ပြောဆိုခဲ့ပါတယ်။ 
5 months Ago

July 6, 2020

သေဆုံးလူမျိုးစုခေါင်းဆောင်အား အီကွေဒေါတာဝန်ရှိသူများ ပြန်အပ်၊ ဓားစာခံများကို ပြန်လွှတ်ပေး

အီကွေဒေါနိုင်ငံထဲက အမေဇုန်တောနက်ထဲမှာနေတဲ့ တိုင်းရင်းသားလူမျိုးစုတစုဟာ ကိုဗစ်-၁၉ ကပ်ရောဂါကြောင့် သေဆုံးတဲ့ သူတို့ခေါင်းဆောင်ရဲ့အလောင်းအား တာဝန်ရှိသူတွေက ပြန်ပေးအပြီးမှာ ဓားစာခံ ဖမ်းထားတဲ့ လူ ၆ ယောက်ကို ပြန်လွှတ်ပေးလိုက်တယ်လို့ ရဲက ဇူလိုင်လ ၄ ရက်မှာ ပြောပါတယ်။  ရွှာကူမေလူ့အဖွဲ့အစည်းဝင် တိုင်းရင်းသားတွေဟာ အရင်သီတင်းပတ်က ရဲအရာရှိ ၂ ယောက်၊ စစ်သား ၂ယောက်၊ ပြည်သူ့ဝန်ထမ်း အရာရှိတယောက်နဲ့ အရပ်သားတယောက်တို့ကို ဓားစာခံ ဖမ်းသွားပြီး သူတို့ခေါင်းဆောင် အယ်လ်ဘာတို မာရှုတခ်ကို ဓလေ့ထုံးတမ်းအရ မြှုပ်နှံပေးဖို့ တောင်းဆိုခဲ့ကြပါတယ်။  မေလနှောင်းပိုင်းက ဆေးရုံပေါ်မှာ သေဆုံးခဲ့တဲ့ တိုင်းရင်းသားခေါင်းဆောင်ဟာ ကိုဗစ်-၁၉ ကြောင့် သေတာ မဟုတ်ဘူးလို့ သူတို့အုပ်စုက ယုံကြည်ကြပါတယ်။  ကိုဗစ်-၁၉ ကပ်ရောဂါ ကူးစက်မှု ဖြစ်နိုင်ခြေကို ဟန့်တားဖို့ အလောင်းပြန်ဖော်ချိန်မှာ ကျန်းမာရေးဆိုင်ရာ အထူးလုပ်ထုံးလုပ်နည်းအတိုင်း အာဏာပိုင်တွေက ဆောင်ရွက်ခဲ့ပြီး တိုင်းရင်းသား ခေါင်းဆောင်ရဲ့အလောင်းကို သူ်လူ့အဖွဲ့အစည်းဆီ ပြန်ပေးခဲ့တယ်လို့ ရဲတပ်ဖွဲ့က ကြေညာချက်ထုတ်ပြန်ပါတယ်။  ပြန်လွှတ်ပေးခံရတဲ့ ဓားစာခံတွေကို ကျန်းမာရေး စစ်ဆေးသွားမယ်လို့လည်း ကြေညာချက် က ဖော်ပြပါတယ်။ အီကွေဒေါနိုင်ငံရဲ့ အကြီးဆုံးမြို့ ဂွါယာကေးမှာ မတ်လနဲ့ ဧပြီလတွေက ကိုရိုနာဗိုင်းရပ်စ် ရက်ရက်စက်စက် ကူးစက်ခဲ့လို့ လမ်းတွေပေါ်မှာ အလောင်းတွေ ပုံနေခဲ့ပါတယ်။ အဲဒီနောက် လူချင်းခွာ နေရမယ့် သတ်မှတ်ချက်တွေကို လိုက်နာရင်း ကူးစက်နှုန်းနဲ့ ကူးစက်ခံ သေဆုံးနှုန်း ပြန်လျော့ကျသွားခဲ့ပါတယ်။  အရင်အပတ်က အမေဇုန်တိုင်းရင်းသား အုပ်စုတွေထဲမှာ ကိုရိုနာဗိုင်းရပ်စ် ကူးစက်ခံ ၁၂၁၅ ယောက်ရှိပြီး ၃၇ ယောက် သေဆုံးခဲ့တယ်လို့ အီကွေဒေါအမေဇုံတိုင်းရင်းသားမျိုးနွယ်စုများ အသင်းချုပ်က ထုတ်ပြန်တဲ့ သတင်းအချက်အလက်တွေက ဆိုထားပါတယ်။
10 months Ago
More News
Up